1 Pita 1:25 - Tampulma

²⁵ Amaa Koosa sɛma zi nyɛnu hali saha naa vɛ kpak bɔ.” Kin nama ya o laaboor weri naa ba fun wa biksi ma chen.

1 Pita 1:25 Marejeleo ya Msalaba

Mat. 5:18

Ma nu nan. Hali kina maga wa si peti, nandigi wa zi koti a nyɛ Koosa chiksɛ ta kiwewe wa si peti.

1 Jɔn 1:1

Min waa, Jɔn, la sɔbi tɔn nɔ a biksi ma nandigi wɛ. Waa funɛ nyɛn dooni a li piili ti ni, a ya miisa maga tiina. Ya funɛ koti a nu o tau a na un awa ya se ni a nyini un a kpa ya nisa a gbaŋsi un. O funɛ biksi ya Koosa wɛu.

2 Pita 1:19

Adaha sɛm naa Koosa witinsa fun sɛm saha digi, a ya wuti sɛmwa. O lawa maa nu au nɛnɛ. Ba sɛma chi fitina naa la chaani birsa nɛɛ hali Yesu Kristo wa bur wa. O fitin ti zi wa chiŋi a bar chiŋi niu a nyɛn ma bambe ni.

Luk 16:17

Hali kina maga wa si peti, nandigi wa zi koti a nyɛ Koosa chiksɛ ta kiwewe wa si peti.

Ɛfɛ. 2:17

Yesu Kristo funɛ wa, o fun biksi nara Koosa laaboor weri naa nyɛ nibinsa kpak bara sɔɔna wɛ. O fun biksi Ju tima ba naa funɛ piin zim un. Ma naa vɛ ya Ju tima wa fun zim Koosa, Yesu Kristo funɛ biksi ma chen gbankou.

Jɔn 1:14

Yesu Kristo ya ya kunyana Koosa duŋduŋ be. Koosa fun yisi o jirima awa o chaani kinkan a du un ni a nyɛ o burgi nibine a wa tɛɛnɛ nɔ maga di o wa ya lagmi nyɛn bunsa mɛna. Ya fun zim di Koosa jirima awa chaani kinkan nyɛn un ni awa chenani o sɛm maga ya wuti awa chenani o tuma suŋi nara.

Jɔn 1:1

O piili ti ni tɛɛnɛ awa buudaha wa fun to, amaa Yesu Kristo funɛ piin nyɛnu. O funɛ nyɛn Koosa se ni. Hali o wa un fun ya nibɛgim.

1 Jɔn 1:3

Ya daŋni ya biksi ma kin naa maga o yarɛ ya fun na a nu, chen ni ya wa ma zi lagmiu a li sɛm nan ni. Ya wa Koosa awa o be Yesu Kristo ya maga kpak nɔ bɛgimnɛ.

1 Pita 2:2

O lawa ma chi bichɛl pilimsa ba naa la daŋni ba numa ilwa. Saha maga o lawa maa daŋni Koosa biksiu, chen ni o zi kotiu a suŋi ma ma bi. O lawa ma biu, chen ni wuzu digi Koosa zi wa yisi mau a li ma tum tagna ni hali a wa peti.

1 Pita 1:23

Koosa sɛma nyɛnu hali saha naa vɛ kpak bɔ. A wa zi kut chɔk. Koosa fun a kpa o mi fali ti a nyɛ ma a daha.

1 Pita 1:12

Koosa siim weri ti gbanko wa fun biksi o witinsi ta di ba wa tum a nyɛ ba titi nɛɛ, amaa ba tum a nyɛ ma nɛɛ. Koosa fun a tum o siim weri ti a li o tɔhɔn ti ni di o kpa o kpok ti a nyɛ ba naa funɛ wa biksi ma Koosa laaboor weri ti wɛ. O witinsi ta funɛ sɛm o laaboor weri ti wɛu a daŋni ma zim un. Hali Koosa malaikasa daŋni ba zim o laaboor weri ti munu.

Tait. 1:3

O biksi ti funɛ sogliu. Saha naa o fun lisi, Koosa fun kpa un a li gbampulim a nyɛ o ya o laaboor weri ti. Koosa naa la yisi nara a li ba tum tagna ni, o funɛ kpa unu a du min di mu biksi nara o wɛ.

Ɛfɛ. 3:8

Min ya bichɛla a kaali o nara maga, amaa o funɛ lisi minnɛ di mu la biksi ba naa vɛ ya Ju tima o laaboor weri ti wɛ. O laaboor weri ti biksi ya Yesu Kristo wu were damata naa vɛ kpak peti wɛ.

1 Kɔr. 2:2

Mu funɛ daŋni mu sɛm mau a li Yesu Kristo siwi daakakli ti daha ni duŋduŋnɛ.

Ju 6:5

Ba fun a nu Koosa sɛma a zim di a ya wutiu. O fun kpa o kpok ti a du ba ni di o saksi a nyɛ ba nyɛn hali saha naa vɛ kpak bɔ.

JɔnN Deesi 14:6

Doone mu fun nyini a na ka malaika funɛ za buudaha bar boli ni. O fun chuŋi Koosa laaboor weri ti di o la nyɛ pulumsa awa buure ba naa maga la sɛm sɛm kurgɛ a nyɛn tɛɛnɛ nɔ ni.