1 Pita 1:1 - Tampulma

¹ Mu waa, Pita, naa ya Yesu Kristo nitumi, la sɔbi tɔn nɔ a nyɛ ma naa nyɛn Pɔntus, Galesia, Kapadosia, Azia awa Baitinia pulumsi ni. Ma ya hɔɔrawa tɛɛnɛ nɔ maga ni. Koosa funɛ lisi ma a nyɛ o titi ni.

1 Pita 1:1 Marejeleo ya Msalaba

Mat. 10:2

Nitumɛ nara fidalɛ na sɔna funɛ ya Simɔn (Yesu fun du un sɔn fali Pita), o niinbe Andiru, Jems awa o niinbe Jɔn, Zɛbɛdi bisa,

Mat. 24:22

Koosa piin bɔɔgi namsi wuzuni tau, domi ba naa o fun lisi di ba tiŋ un chen daha. O funɛ vɛ bɔɔgi namsi wuzuni ta, nandigi fu wa zi wa li namsi ti ni.

Mat. 4:18

Yesu funɛ val Galili bɛɛŋ nɔ ni, o fun na nara balɛ, Simɔn awa o niinbe Andiru ka ba yo cham bɛɛŋ ti ni.

Luk 18:7

Koosa wa chi un. Ba naa o fun lisi a nyɛ o titi ni yaa sumi unu di o suŋi ba, o wa zi vusi a ya chen.

Jɔn 11:52

O sɛm ta mun funɛ zen a kaali chenu. Yesu sou daha, Koosa bisa maga, ba naa pisi a go tɛɛne nɔ maga zi wa lagmi dɔŋ niu a ya nibɛgim.

Jɔn 7:35

Ju tim ta wa fun zim o sɛm ta mun a la pɛɛsi dɔŋa, “Leene o kaa gba la ka ya vɛ na un? O zi la Ju tim ba naa wa hɔɔra nyɛnɛɛ a la biksi ba chenuu?

Tuma 18:2

O fun la tel dooni a pu Ju tim baal naa ba yir Akwila. Ba funɛ lul un Pɔntus pulum nɛɛ ka o wa o haan naa ba yir Prisila, fun nyɛn Room ni a li Itali pulum ni. Koorsi ta nyuhu tiina Siiza Klɔdius fun ŋɔ Ju tim ta maga ni di ba li Room ni. Chendaha Akwila awa o haan ti fun nyɛn Kɔrint ni.

Tuma 18:23

O funɛ ya tama o fun li dooni a gba a go Frijia awa Galesia pulum a kpami Yesu nitiŋɛ ba naa nyɛn dooni di ba kpak Yesu nɛnɛ.

Tuma 19:10

O funɛ biksi dooni bunsa lɛwa hali Ju tim ta maga awa ba naa vɛ ya Ju tima aa nyɛn Azia pulum ni fun nu ya kunyan ti laaboor weri ti wɛ.

Tuma 6:9

Ju tim ta bɔnɛ funɛ wau di ba wa nyɛn Jɛrusalɛm ni a li Sairini pulum awa tɔhɔn naa ba yir Alɛzandria ni. Ba yaa yir ba bar lagmi dɛ ‘Yisi nibinsa a ta ba yɔri’ dɛ. Wuzu digi ba wa Ju tima ba naa li Silisia pulum awa Azia pulum ni fun lagmi a di Stivin amɔrɛ.

Tuma 8:4

Yesu nitiŋɛ ba naa funɛ pisi chen fun kaali tɔ damata a la biksi nara Koosa laaboor weri ti wɛ.

1 Kɔr. 16:19

Yesu nitiŋɛ ba naa nyɛn Azia pulum ni zaami mau. Akwila, Prisila awa Yesu nitiŋɛ ba naa yaa lagmi ba dam ni, ba gbanko zaami mau kinkan ya kunyan Yesu daha.

2 Kɔr. 1:8

Mu niinbisa, mu daŋni maa lisi chenani ba naa nyɛn Azia pulum ni, fun nyɛ ya na namsiu kinkan. Chen saha ti ya namsi funɛ zenu a kaali a maga. Hali ya fun lisi di ya zi sitiu.

Gal. 1:2

Mu wa ya niinbisa ba naa maga nyɛn bar nɔ, zaami ya dɔŋtima ma naa maga lagmi dooni aa jɛɛmi Koosa a li Galesia pulum ni.

Ɛfɛ. 2:12

Chen saha ti ma wa Yesu Kristo wa fun ya nibɛgim. Ma funɛ ya hɔɔrawa a vɛ lagmi Ju tima ba naa Koosa fun lisi a nyɛ o titi ni. Ba wa fun gur ma lagmi ba naa wa Koosa kpak nɔ bɛgim a li o vɔwɛ ta o fun kpa nyɛ ba chen. Chenani ma yaa nyɛn wuzu kam, ma wa fun zim Koosa a vɛ koti a kpak bambi bɛgim a li un ni.

Ɛfɛ. 2:19

Ma naa vɛ ya Ju tima, wa bu ya hɔɔra. Ma wa Koosa nara lagmi dɔŋ ni a li Koosa walɛ ni.

2 Tim. 1:15

I zimu di ba naa maga funɛ nyɛn mu wati a li Azia pulum ni kaalu a ka min. Hali nara balɛ naa ba yir Figɛlus awa Hɛmɔjɛnis, ba gbanko funɛ kaaliu.

Ju 11:13

Nara tima maga funɛ siti, ba se ha funɛ vɛɛn su Koosau. Ba funɛ nyɛn, ba wa fun koti a la kin nawara Koosa fun vɔu di o nyɛ ba chen. O chi ba funɛ na a a li bar boli nee a kpak bambe di ba la a. Ba funɛ nyɛn tɛɛnɛ nɔ maga ni, ba funɛ biksi narau di ba ya hɔɔrawa dooni.

Jems 1:1

Mu waa, Jems, naa ya Koosa awa ya kunyana Yesu Kristo tumtumna, zaami ma naa tiŋ Yesu a pisi bawu maga niu.

1 Pita 2:11

Mu bi daŋnɛ, ma naa ya hɔɔra a li tɛɛnɛ nɔ maga ni, mu sumi mau di ma kpa ma tutɔ daŋnɛ a ta. Ya tutɔ daŋnɛ awa chenani Koosa daŋni yaa tiŋ, a chɔ aa du dɔŋ nɛɛ.

2 Pita 1:1

Mu waa, Simɔn Pita, naa ya Yesu Kristo tumtumna awa o nitumi, min la sɔbi tɔn nɔ a nyɛ ba naa se su Yesu Kristo a chi ya se su un chen. Ya se suuli ti kaalɛɛ. Waa ya wuti tiina. Chendaha ya se suuli ti awa ma se suuli naa ma kpak un ya kibɛgim. O gbanko ya Koosa a fun yisi ya a li ya tum tagna ni.

JɔnN Deesi 1:11

ka o ŋɔ min, “Sɔbi chenani i kaa na a du tɔn ni a nyɛ Yesu nitiŋɛ ba naa nyɛn Ɛfɛsus, Sumana, Pɛgamum, Tiataya, Sardis, Filadɛlfia, awa Laodisia a li Azia pulum ni.”