1 Jɔn 5:13 - Tampulma

¹³ Mu sɔbi tɔn nɔ a nyɛ ma di ma naa se su Koosa be ti zi zimu di ma kpak Koosa mi fali naa vɛ kpak bɔu.

1 Jɔn 5:13 Marejeleo ya Msalaba

Jɔn 1:12

Bɔnɛ ka fun la un a nyɛ ba se su un. Ba naa funɛ la un chen, o fun nyɛ ba burgi Koosa bisa.

Jɔn 2:23

Yesu funɛ di Ju tim ta wuzu zen naa ba yir val la gali ti chen a li Jɛrusalɛm ni, nidamata fun na tum zene naa o tum ka ba se fun su un.

Jɔn 20:31

Mu funɛ lisi a namau a dau a du tɔn ti ni, chen ni ma se zi suu di Yesu ya Kristo naa Koosa fun ŋɔ di o zi wa tumu wuzu digi chen. Mu gbanko funɛ lisi au a dau, chen ni ma se zi suu di o ya Koosa bere. Ma ya chen, o zi kpa Koosa mi fali tiu a nyɛ ma.

Jɔn 21:24

N waa, Jɔn, naa sɔbi tɔn nɔ nan, minnɛ Yesu daŋni kinkan. Mu funɛ na kin naa maga mu sɔbi a du tɔn nɔ tuha. Ya maga zimu di mu sɛm ya wutirɛ.

Jɔn 3:18

“Ba naa se su Koosa be, Koosa wa zi di ba tum galimsa sɛria a ŋɔ di ba chelu. Ba naa se ka vɛ su un, Koosa piin di ba tum galimsa sɛriau a ŋɔ di ba chelu. O fun ya chen, domi ba se wa su o be bɛgim ti.

Jɔn 5:24

“Sɛm naa mu kaa sɛm nan ya sɛm birigewa, adaha maa nu a nɛnɛ. Ba naa maga nu mu biksi nɔ a nyɛ ba se su Koosa naa tum min chen, o zi nyɛ ba o mi fali naa vɛ kpak bɔu. O gbanko wa zi bu na ba galimsa ba tum tagna daha a ta ba yɔri.

Tuma 3:16

Yesu kpok ti funɛ nyɛ baal ti na alaafɛ. Chenani ma na aa zim kinkin naa ya zinan li chenani ya se su Yesu nee. Chendaha baal nɔ na alaafɛ bar nɔ ma suwachak ni.

Tuma 4:12

“O duŋduŋ koti a yisi nara a li ba tum tagna ni di ba tiŋ Koosa. Nandigi wa to tɛɛnɛ nɔ maga ni a la zi koti a chiŋi o bar chiŋi ni a tum chen.”

2 Kɔr. 5:1

Ya bara chi lɛwa naa nibinsa kɔɔrirɛ. A wa chɔk, Koosa zi kpa ya kaali o tɔhɔn tiu a la nyɛ ya bara falɛ naa o titi naami chenu. Ya zi kpak au hali saha naa vɛ kpak bɔ.

Gal. 4:6

Ma ya o bisiwa. Chendaha Koosa fun kpa o be siim weri ti a du ma bambe ni. Chen siim weri ti nyɛ ma yir Koosa ma kunyana.

1 Pita 5:12

Silvenus naa ya mu dɔŋtiin wuti tiina, waa suŋi min mu sɔbi tɔn we nɔ a nyɛ ma. Mu tɔn nɔ ni, mu daŋni mu biksi mau a kpami ma di chenani Koosa suŋi ma, o ya wutirɛ. Ma kpak chenani o suŋi ma chen nɛnɛ.

1 Jɔn 1:4

Ya daŋni ma tu sɔɔniu kinkan. Chendaha ya sɔbi nan wɛ a nyɛ ma.

1 Jɔn 2:1

Mu bisa, mu sɔbi nannɛ a nyɛ ma, chen ni ma zi ɔm ma tum tagnau. Amaa ya nandigi tum tum tagna, ya kpak naa la zi sumi ya kunyana Koosa a nyɛ yau. Waa ya Yesu Kristo naa ya tu chaan tiin ti.

1 Jɔn 2:21

Mu sɔbi tɔn nɔwa a nyɛ ma, o wa ya di ma wa zim wuti ti. Ma zim wuti ti nɛnɛ, ma zi zim di nusuna wara li un ni.

1 Jɔn 2:25

Ya kunyan ti fun vɔu di o zi nyɛ ya o mi fali naa vɛ kpak bɔu.

1 Jɔn 2:26

Mu sɔbi tɔn nɔwa a nyɛ ma a ŋɔ ma ba naa la daŋni ba mur ma ma li Yesu wɛ ni.

1 Jɔn 3:23

Nannɛ ya zi tum a sɔɔni o tuha. O lawa ya nyɛ ya se su o be Yesu Kristou a kidaŋni dɔŋa a chi chenani o fun ŋɔ ya chen.

1 Jɔn 4:9

Koosa funɛ tum o be bɛgim tɛɛnɛ nɔ maga ni, chen ni ya zi kotiu a la o mi fali ti. Chen biksi ya chenani Koosa daŋni ya.

1 Jɔn 5:10

Naa si su Koosa be ti, o be ti sɛhɛra nyɛn un ni, ka o zim o be ti wɛ nɛnɛ. Naa si vɛ su Koosa, waa la ŋɔ di Koosa ya nusun tiinnɛ, domi o wa la nɔɔni a du Koosa sɛhɛra awa o be ti wɛ ni.

1 Jɔn 5:11

Koosa sɛhɛra ti nɛɛnɛ. Waa funɛ kpa o mi fali naa vɛ kpak bɔ a nyɛ ya. Nan mi fali nɔ nyɛn o be ti nin ni.

1 Jɔn 5:20

Ya zimu di Koosa be Yesu ti funɛ wa tɛɛnɛ nɔ maga di o wa lɛli ya sewa, chen ni ya zi zim naa ya wuti tiinau. Ya wa o be Yesu Kristo ti ya nibɛgimnɛ. Waa ya Koosa wuti. Waa la nyɛ ya o mi fali naa vɛ kpak bɔ.