1 Jɔn 4:17 - Tampulma

¹⁷ Ya wa Yesu Kristo lagmi nyɛn ka o suŋi ya, chen ni ya zi daŋni unu hali o wa peti. O ya chene, chen ni ya wa zi wa kpak hansura a wuzu naa Koosa zi wa di tɛɛnɛ nɔ tim maga sɛria.

1 Jɔn 4:17 Marejeleo ya Msalaba

Mat. 10:15

Ma nu mu sɛm na. Koosa wa wa di o wa di tɛɛnɛ tim maga sɛria, o zi kpak sikiu a li Sɔdɔm awa Gamɔra tima a kaali ba.”

Mat. 10:25

Nibuksi ti ta daŋni o kaali o nibiksi ti, amaa o kpaŋi o titi ka ba mak dɔŋa. Yom ti gbanko ta daŋni o kaali o kunyan ti. O na nyinbaan o nyɛ o wa o kunyan ti mak dɔŋa. Biɛlzɛbub ya alizin tagna maga nihɛɛ. Nara yir min o sɔn ti, ba zi yir mu gantɛl tiŋsi ta gbanko o sɔn ti.”

Mat. 11:22

Wutirɛ mu ŋɔ ma, Koosa zi wa di tɛɛnɛ nɔ maga tima sɛriau, o zi wa kpak Taaya awa Saidɔn tima sikiu a kaali ma.

Mat. 11:24

Wutirɛ mu ŋɔ ma, Koosa zi wa di tɛɛnɛ nɔ maga tima sɛriau, o zi wa kpak Sɔdɔm tima sikiu a kaali ma.”

Mat. 12:36

“Wutirɛ n ŋɔ ma nan, a wuzu naa Koosa zi wa di tɛɛnɛ nɔ tim maga sɛria, o zi wa pɛɛsi nara magau ba sɛm yɔrisa naa ba fun sɛm wɛ.

Jɔn 15:20

Ma lisi chenani mu fun ŋɔ ma di yom wa to a zen a kaali o kunyana. Ba funɛ muksi minu kinkan, adaha ba zi wa muksi ma gbanko zi nu ma sɛmau.

Jɔn 17:22

I jirima awa i chaani naa i fun kpa nyɛ min chen, kinkan mu wa ba bɔnɛ un, chen ni ba zi ya nɔ bɛgimu dɔŋ ni a chi ya.

Room 8:29

Koosa funɛ daŋni o bere ya nihɛɛ a li nibin damata ba naa chi un ni. Saha digi o piin zim bau a lisi ba di ba chi o be.

Ju 9:27

Nibinsa maga zi sou bu bɛgim. Ba wa siti, Koosa zi wa di ba sɛriau.

Jems 2:13

Saha naa Koosa wa kaa di ya sɛria, nar vɛ ɔm o dɔŋtiin siki, Koosa wa zi wa ɔm un siki. Chenani o kpak ya siki la zi nyɛ o ta na ya galimsa a ta ya yɔri.

Jems 2:22

Abraham si suuli awa o yaali funɛ ya kibɛgimne. O chen yaali ti la biksi ya di o si funɛ sir su Koosau.

2 Pita 2:9

Koosa zim chenani o yisi ba naa la tiŋ un nɛnɛ a li ba namsi niu. O gbanko zimu chenani o chiŋsi ba naa la tum tum tagna hali saha naa o wa wa di o di tɛɛnɛ nɔ tim maga sɛria a lɛrgi ba diŋsa.

2 Pita 3:7

Lalaknɔ Koosa chiŋɛ buudaha awa tɛɛnɛ nɔ maga hali a wuzu naa o kaa di ba naa la tum tum tagna sɛria. O sɛria diili wa peti, o zi kpa dinu a chɔk a maga.

1 Jɔn 2:28

Mu bisa, maa ya chen. Yesu wa bur wa, hansura wa zi wa kpak ya. Hiisa gbanko wa zi wa kpak ya, chen ni ya wa zi wa chɔ li o wati chen saha ti.

1 Jɔn 2:5

Nar tiŋ o nɔ, waa sir a daŋni un nɛnɛ. Yaa tiŋ chen, ya sir zi zimu di ya wa un ya nibɛgimnɛ.

1 Jɔn 2:6

Nar ŋɔ di o nyɛn Koosa nɛɛ, o tiŋ un a chi o be Yesu funɛ tiŋ un chen.

1 Jɔn 3:1

Ma lisi chenani ya kunyana Koosa daŋni ya kinkan. Hali o yir ya o bisa. Ba naa la tiŋ tɛɛnɛ nɔ tim maga nyinbaan, wa zim un. Chendaha ba vɛ zim ya.

1 Jɔn 3:3

Adaha ba naa maga kpak chen bambi bɛgim, ba zi kpak unu ba bambe ni di ba ya tu chaan tima a chi chenani Yesu ya tu chaan tiin chen.

1 Jɔn 3:7

Mu bisa, ma ta nyɛ nandigi mur ma. Ba naa maga la tum tum were, ba ya tu chaan timawa a chi Yesu.

1 Jɔn 4:12

Nandigi ha wa zin na Koosa. Amaa yaa daŋni dɔŋa, Koosa nyɛn ya watiu a la suŋi ya, chen ni ya zi daŋni unu aa gbaari.