1 Jɔn 3:23 - Tampulma

²³ Nannɛ ya zi tum a sɔɔni o tuha. O lawa ya nyɛ ya se su o be Yesu Kristou a kidaŋni dɔŋa a chi chenani o fun ŋɔ ya chen.

1 Jɔn 3:23 Marejeleo ya Msalaba

Mat. 22:39

Nara sak un ni chi nan ni, ‘Maa daŋni dɔŋa a chi chenani maa daŋni ma titi.’

Maak 9:7

Doone dobaal fun wa tɔ ba, zuuuu. Ba fun nu ta dobaal ti ni ka o ŋɔ, “N be daŋni nɛɛnɛ. Maa nu o sɛma.”

Jɔn 1:12

Bɔnɛ ka fun la un a nyɛ ba se su un. Ba naa funɛ la un chen, o fun nyɛ ba burgi Koosa bisa.

Jɔn 13:34

Chiksi fali nyɛnɛɛ mu daŋni ma tiŋ. Ma zimu di mu daŋni mau kinkan. O lawa ma gbanko kidaŋni dɔŋau a chi chen.

Jɔn 14:1

Doone Yesu fun ŋɔ o gantɛl tiŋsi ta ni, “Ma ta nyɛ ma bambe bure. Ma se su Koosa. Ma ta nyɛ ma se suuli bur gantɛl a li min ni.

Jɔn 15:12

Chiksi fali nyɛnɛɛ mu daŋni ma tiŋ. Ma zimu di mu daŋni mau kinkan. O lawa ma gbanko kidaŋni dɔŋau a chi chen.

Jɔn 17:3

Hin ya nibɛgim a ya wuti tiina. Nar zim hin awa mu waa naa i fun tum chen, o kpak i mi fali naa vɛ kpak bɔu.

Jɔn 2:23

Yesu funɛ di Ju tim ta wuzu zen naa ba yir val la gali ti chen a li Jɛrusalɛm ni, nidamata fun na tum zene naa o tum ka ba se fun su un.

Jɔn 3:18

“Ba naa se su Koosa be, Koosa wa zi di ba tum galimsa sɛria a ŋɔ di ba chelu. Ba naa se ka vɛ su un, Koosa piin di ba tum galimsa sɛriau a ŋɔ di ba chelu. O fun ya chen, domi ba se wa su o be bɛgim ti.

Jɔn 6:29

Yesu fun ŋɔ ba, “Ma nyɛ ma se su n waa naa o fun tum ma wati. Chene Koosa daŋni maa tum.”

Tuma 16:31

Ba fun ŋɔ un, “Nyɛ i si su ya kunyana Yesu ka Koosa zi yisi i wa i walɛ a li ma tum tagna ni.”

Ɛfɛ. 5:2

Yesu Kristo funɛ sou ya daha, chen chi chenani Ju tim ta fun kpa kin a nawara sɔɔra weree awa sela a kɔɔri kɔɔra a nyɛ Koosa ni. Yesu Kristo fun sɔɔni Koosa tuha kinkan a biksi ya di o daŋni yau. Ma nyɛ ma nara daŋni te ma suwachak a chi un.

1 Tɛs. 4:9

O wara daŋni mu sɔbi ma chenani ma zi daŋni dɔŋa, domi Koosa titi funɛ piin biksi ma nanu.

1 Tim. 1:15

Chenani mu kaa ŋɔ nan ya wuti sɛma a naa ya maga zi la nɔɔni. Yesu Kristo funɛ wa tɛɛnɛ nɔ maga di o wa yisi nara a li ba tum tagna ni baa tiŋ Koosa. Min funɛ tum tum tagna a kaali nara maga.

1 Pita 1:22

Ma funɛ nu Koosa laaboor weri naa ya wuti chen, ma fun a chaksi ma tusa a li ma tum tagna ni a tiŋ un, chen ni ma fun piili a daŋni ma dɔŋtima a li bambe ni. Maa daŋni ba kinkan ma bambe ni.

1 Pita 4:8

O ya wu birigirɛ di ma kpak si sɛm a daŋni dɔŋa kinkan. Yaa daŋni dɔŋa kinkan ka ya dɔŋtima tum tum tagna a du ya ni, o wa zi muksi ya.

1 Jɔn 2:7

Mu bi daŋnɛ, o wa ya chiksi falirɛ mu sɔbi a nyɛ ma nan. O ha vɛɛn ya kibuni naa ma fun nu a li o piili ti ni chene.

1 Jɔn 3:11

Ya te lagmi Koosa laaboor weri naa ma fun nu dɔŋ ni, o wu birigi ya di yaa daŋni ya dɔŋtima.

1 Jɔn 4:15

Naa la nɔɔni di Yesu ya Koosa bere, Koosa nyɛn tiin watiu ka o gbanko nyɛn Koosa ni.

1 Jɔn 4:21

Nannɛ Kristo fun biksi ya. Naa la daŋni Koosa, o lawa o daŋni o dɔŋtima gbankou.

1 Jɔn 5:13

Mu sɔbi tɔn nɔ a nyɛ ma di ma naa se su Koosa be ti zi zimu di ma kpak Koosa mi fali naa vɛ kpak bɔu.