1 Jɔn 3:14 - Tampulma

¹⁴ Chenani yaa daŋni dɔŋa biksi ya di Koosa funɛ lisi ya a li sintana nin ni a nyɛ ya o mi fali ti. Ba naa maga vɛ daŋni ba dɔŋtima, sintana ha vɛɛn dɔ ba.

1 Jɔn 3:14 Marejeleo ya Msalaba

Mat. 25:40

Mu zi ŋɔ bau, ‘Wutirɛ n ŋɔ ma, chen naa maga ma fun ya a nyɛ mu gantɛl tiŋsi ta ni hali ba bichɛl tiin ni, mu nɛɛ ma tum nyɛ chen.’

Luk 15:24

N funɛ baa di n be nɔ sowu, amaa o ha vɛɛn nyɛnu. Mu funɛ nyuksi unu, amaa lalaknɔ mu na unu.’ O fun kpa o be ti wa di ba lagmi a di diwe.

Luk 15:32

amaa n funɛ baa di i niinbe ti sowu, amaa o ha vɛɛn nyɛnu. N funɛ nyuksi unu amaa lalaknɔ n na unu. Chendaha ya kpu mu nuchamsi ti a lagmi a di diwe wa tu sɔɔni ni.’ ”

Jɔn 13:35

Ma daŋni dɔŋa nan ni, nara maga zi zimu di ma ya mu gantɛl tiŋsiwa.”

Jɔn 15:12

Chiksi fali nyɛnɛɛ mu daŋni ma tiŋ. Ma zimu di mu daŋni mau kinkan. O lawa ma gbanko kidaŋni dɔŋau a chi chen.

Jɔn 15:17

Mu sɛm mau wa kpok ni, o lawa maa daŋni dɔŋau.”

Jɔn 5:24

“Sɛm naa mu kaa sɛm nan ya sɛm birigewa, adaha maa nu a nɛnɛ. Ba naa maga nu mu biksi nɔ a nyɛ ba se su Koosa naa tum min chen, o zi nyɛ ba o mi fali naa vɛ kpak bɔu. O gbanko wa zi bu na ba galimsa ba tum tagna daha a ta ba yɔri.

2 Kɔr. 5:1

Ya bara chi lɛwa naa nibinsa kɔɔrirɛ. A wa chɔk, Koosa zi kpa ya kaali o tɔhɔn tiu a la nyɛ ya bara falɛ naa o titi naami chenu. Ya zi kpak au hali saha naa vɛ kpak bɔ.

Gal. 5:22

Amaa Koosa siim weri ti ka nyɛn ma ni, o zi nyɛ maa daŋni dɔŋau a kinyɛ ma tu sɔɔna awa bara sɔɔna saha maga. O zi nyɛ ma kpak kanyitau a tum tum were a nyɛ nara ni a ya nibin were a ya wuti tima,

Ɛfɛ. 1:15

Mu funɛ nu chenani ma se su ya kunyan Yesu awa chenani maa daŋni Koosa nara maga.

Ɛfɛ. 2:1

Saha digi ma yaa funɛ tum tum tagniwa a vɛ tiŋ Koosa nɔ. Ma funɛ chi nisitɛwa.

Ɛfɛ. 2:5

a fun wa na ya ka ya yaa chi nisitɛ ya tum tagni ta daha. O fun yisi ya a li ya tum tagna ni di ya tiŋ un o lɛli ya a li ya sou ni a chi chenani o fun lɛli Yesu Kristo chen. Koosa funɛ suŋi yau kinkan a la gali chen ni.

Kɔl. 1:4

Ya funɛ nuu di ma se su Yesu Kristo a la daŋni Koosa nara nɛnɛ. Chendaha yaa zaami un chen.

1 Tɛs. 4:9

O wara daŋni mu sɔbi ma chenani ma zi daŋni dɔŋa, domi Koosa titi funɛ piin biksi ma nanu.

Ju 13:1

Ma maga ya niinbisawa. Chendaha o lawa maa daŋniu saha maga.

1 Pita 1:22

Ma funɛ nu Koosa laaboor weri naa ya wuti chen, ma fun a chaksi ma tusa a li ma tum tagna ni a tiŋ un, chen ni ma fun piili a daŋni ma dɔŋtima a li bambe ni. Maa daŋni ba kinkan ma bambe ni.

1 Pita 3:8

Ma nyɛ mu lagmi a nama a ŋɔ ma. Maa kpak nɔ bɛgim wa dɔŋ ni a li kina maga ni. Ma ya niinbisiwa. Chendaha maa daŋni dɔŋa kinkan a ya jɛrgɛ aa kpak dɔŋa wa siki.

2 Pita 1:7

a ya nibin were ma dɔŋtima wati a kidaŋni ba.

1 Jɔn 2:3

Yaa tiŋ Koosa nɔ sɛma maga, ya sir zim di ya zim unu.

1 Jɔn 3:23

Nannɛ ya zi tum a sɔɔni o tuha. O lawa ya nyɛ ya se su o be Yesu Kristou a kidaŋni dɔŋa a chi chenani o fun ŋɔ ya chen.

1 Jɔn 4:12

Nandigi ha wa zin na Koosa. Amaa yaa daŋni dɔŋa, Koosa nyɛn ya watiu a la suŋi ya, chen ni ya zi daŋni unu aa gbaari.

1 Jɔn 5:13

Mu sɔbi tɔn nɔ a nyɛ ma di ma naa se su Koosa be ti zi zimu di ma kpak Koosa mi fali naa vɛ kpak bɔu.

1 Jɔn 5:2

Ya daŋni Koosa aa tiŋ o nɔ, ya zimu di ya zi daŋni o bisi ta gbankou.