1 Jɔn 2:27 - Tampulma

²⁷ Koosa funɛ kpa o siim weri ti a du ma bambe ni. Chendaha nara wa biksi ma a gbaari o biksi ti ni, o ya yɔrirɛ. Koosa siim weri ti ya naa la zi biksi ma kina maga nyinbaan. O biksi maga ya wutirɛ. Nusuna wa to un ni. Adaha ma nyɛ ma wa Yesu ya nibɛgim a chi chenani Koosa siim weri ti fun a biksi ma chen.

1 Jɔn 2:27 Marejeleo ya Msalaba

Mat. 13:11

Yesu fun ŋɔ ba, “Koosa funɛ kpa o koor ti kin naa o fun kpa a sogli chen a chiŋsi a nyɛ ma a li gbampulim ni di ma zim a muna. Amaa o ha wa ya chen a nyɛ ba.

Jɔn 14:16

Mu zi sumi mu nyan tiu o kpa o siim weri, naa ya wuti tiina, a du ma bambe ni. O zi nyɛn dooniu hali saha naa vɛ kpak bɔ aa suŋi ma ma tiŋ chenani mu ŋɔ ma.

Jɔn 14:17

O wa zi wa nyɛn tɛɛnɛ nɔ tim maga bambe ni, domi ba wa zim di o nyɛnu. Ma ka zim di o nyɛnu, domi o zi wa nyɛn ma bambe niu.

Jɔn 14:26

Mu nyan ti wa tum o siim weri ti di o wa chiŋi mu bar chiŋi ni. Waa la zi biksi ma kin nama maga ma daŋni ma zim aa lisi ma chenani maga mu fun ŋɔ ma.

Jɔn 16:13

Koosa siim weri naa ya wuti tiina, wa nyɛn ma bambe ni, o zi nyini mau a li wuti nyinbaan ni. O biksi ti wa zi wa li o titi ni. Sɛm naa o zi wa nu mu wa mu nyan ti wati, o zi kpa au a sɛm ma. O gbanko zi biksi ma kin nawara zi wa yau wɛ.

Jɔn 4:14

Ba naa maga ka nyɔ ni naa n nyɛ ba, nyɔksi wa zi bu kpak ba. Mu daŋni mu kpa Koosa mi fali naa vɛ kpak bɔ a nyɛ nara ni. O mi fali ti chi nisire naa nyɛ ni pal ba tuhu ni saha maga.”

Jɔn 6:45

Ba funɛ sɔbiu a li Koosa sɛm tɔn ti ni saha digi a ŋɔ, ‘Koosa zi wa biksi nara magau.’ Ba naa maga wa nu mu nyan ti sɛma a tiŋ o biksi ti, o zi wa gbaŋ bau a wa mu wati.

1 Kɔr. 2:12

Ya wara tiŋ nibinsa zimirɛ. Koosa funɛ zer o siim weri ti a du ya bambe ni, chen ni ya zi kotiu a zim o siim weri papaha naa o fun kpa nyɛ ya.

1 Kɔr. 2:13

Ya wara sɛm sɛma a li nibinsa zima ti ni. Koosa siim weri ti la biksi ya chenani ya zi sɛm. O sɛmwa ya kpa la biksi ma.

2 Kɔr. 1:21

Waa nyɛ ya wa ma kpak nɛnɛ di Kristo nyɛn ya nɛɛ. O titi funɛ lisi ya,

Ɛfɛ. 4:21

Ba funɛ wa biksi ma o wɛ, ba funɛ ŋɔ o wuti tiu a nyɛ ma. Ma fun nu a la nɔɔni aa tiŋ un.

Kɔl. 2:6

Ma fun la nɔɔni di Yesu Kristo ya ma kunyana. Chendaha maa tiŋ un nɛnɛ.

1 Tɛs. 2:13

Ya gbanko yaa zaami Koosau domi ya funɛ a wa ma wati a fun ŋɔ ma Koosa sɛma, ma funɛ nuu a la nɔɔni di a ya wutiu. A wa fun ya nibinsa sɛmwa amaa Koosa titi sɛmwa. O kpa o sɛma aa du ma naa se su un di aa tum ma ni.

1 Tɛs. 4:9

O wara daŋni mu sɔbi ma chenani ma zi daŋni dɔŋa, domi Koosa titi funɛ piin biksi ma nanu.

1 Tim. 2:7

Chendaha o fun nyɛ mu ya o nitumi a tum min di mu la biksi ba naa vɛ ya Ju tima di ba se su un ka ba wa zim wuti ti. Mu sɛma ya wutirɛ. Mu wa ya nusun tiina.

1 Pita 1:23

Koosa sɛma nyɛnu hali saha naa vɛ kpak bɔ. A wa zi kut chɔk. Koosa fun a kpa o mi fali ti a nyɛ ma a daha.

1 Jɔn 2:28

Mu bisa, maa ya chen. Yesu wa bur wa, hansura wa zi wa kpak ya. Hiisa gbanko wa zi wa kpak ya, chen ni ya wa zi wa chɔ li o wati chen saha ti.

1 Jɔn 3:24

Ba naa maga tiŋ Koosa nɔ sɛma, nyɛn un ni ka o ka nyɛn ba ni. Ya zimu di nan ya wutirɛ, domi waa funɛ kpa o siim weri ti a du ya ni.

2 Jɔn 1:2

domi wuti naa nyɛn ya maga bambe ni. Wuti ti zi kut nyɛnu hali a vɛ peti.