1 Jɔn 2:18 - Tampulma

¹⁸ Mu bisa, tɛɛnɛ nɔ maga siili saha duglɛu. Ma funɛ nu di Yesu dɔm zen zi wa wau chen saha ti. Amaa Yesu dɔm damata piin liu a wa. Chendaha ya zim di tɛɛnɛ nɔ maga siili saha ti duglɛu.

1 Jɔn 2:18 Marejeleo ya Msalaba

Mat. 24:11

Witinsi ta nidamata ba naa vɛ zim Koosa, zi wa wau a mur nara kinkan,

Mat. 24:24

Nara bɔnɛ zi wa siu a mur nara a ŋɔ di ba ya Kristore. Bɔnɛ ka wa ŋɔ di ba ya Koosa witinsiwa. Ba zi wa tum alaazibu tumau kinkan a daŋni ba mur ba naa Koosa fun lisi di ba tiŋ un chen.

Mat. 24:5

Nidamata zi wa wau a kpa mu sɔn a yir ba titi. Ba maga zi wa ŋɔu di ba ya Kristo naa Koosa fun ŋɔ di o zi tumu wuzu digi chen a mur nidamata. Adaha ma fiɛŋ ma wa tiŋ ba.

Maak 13:6

Nidamata zi wa wau a kpa mu sɔn a yir ba titi a ŋɔ di ba ya minnɛ a mur nidamata di baa tiŋ ba.

Jɔn 21:5

Ba funɛ wa dugli, Yesu fun pɛɛsi ba, “Mu bisa, ma kpaksi nyinsauu?” Ba fun ŋɔ un, “Ya wa kpak kundɔŋ.”

Room 13:11

Ma zimu di tɛɛne nɔ maga siili saha duglɛu. Chendaha maa kpak un ma bambe ni aa tiŋ chen. Saha naa Koosa zi wa yisi ya a li ya tum tagna ni hali a wa peti duglɛu a kaali saha naa ya se fun te su Yesu.

Room 13:12

O chi dusum la daŋni o peti, ka chɔɔsa pisa dugli. Ma nyɛ ya gil ya tum tagna a naa chi dusum a ta aa nyɛ ya tum tum were a naa chi nha.

Ju 1:2

Amaa bunsa nama nɛɛ o fun nyɛ o be Yesu Kristo biksi ya o wɛ. Koosa funɛ nyɛ o naami tɛɛnɛ nɔ maga awa buudaha, a fun lisi un di tɛɛnɛ nɔ maga awa buudaha siili saha wa tel, o zi wa dɔ kina magau.

1 Pita 1:20

O funɛ te lisi Kristore a zi naami tɛɛnɛ nɔ maga. Tɛɛnɛ nɔ maga siili saha wa dugli, Koosa fun tum un di waa tum nan a nyɛ ma.

1 Pita 1:5

Koosa kpa o kpok a nyini ma naa se su un. O funɛ piin saksiu di o yisi ma a li ma tum tagna ni hali a wa peti. Tɛɛnɛ nɔ maga siili saha wa tel, o zi wa ya chenu gbampulim ni.

1 Pita 4:7

Tɛɛnɛ nɔ maga siili saha duglɛu. O lawa ma ya bambe timau, chen ni ma zi koti a sumi Koosa wa nɛha niu.

2 Pita 2:1

Witinsa ba naa funɛ vɛ zim Koosa, fun wa biksi Ju tima saha digi. Nibiksɛ ba naa vɛ zim un gbanko zi lagmi ma niu a sogli a biksi ma. Ba biksi naa vɛ ya wuti a la chɔk, wa tɔ ya kunyana naa siwɛɛ ba daha. Chendaha Koosa zi wa chɔk bau lalaga.

2 Pita 3:3

O lawa ma zimu di tɛɛnɛ nɔ maga siili saha wa dugli, nibinsa ba naa yaa tiŋ ba tutɔ daŋnɛ, zi wau. Ba zi wa mɔmsi mau,

1 Jɔn 2:22

Naa vɛ la nɔɔni di Yesu ya Kristo naa Koosa fun tum chen, o ya nusun tiinnɛ. Naa vɛ Koosa awa o be Yesu, o ya Kristo dɔmnɛ.

1 Jɔn 4:1

Mu chɛn daŋnɛ, nara ŋɔɛɛ di ba ya Koosa witinsiwa a sɛm wa o kpok ni, ma ta nyɛ ma se su ba lalaga. Witinsa ba naa ya nusun tima, kinkan piin pisiu a kaali bawu maga ni. Chendaha maa doso ba ni.

1 Jɔn 4:3

Naa vɛ la nɔɔni Yesu wɛ nan ni, Koosa siim weri ti wa to un ni. O ya Kristo dɔmnɛ. Ma funɛ nu di chen tima zi wa tɛɛnɛ nɔ magau. Ba piin wau.

2 Jɔn 1:7

Lalaknɔ nusun tima kinkan nyɛnɛɛ. Ba wa la nɔɔni di Yesu Kristo funɛ wa tɛɛnɛ nɔ maga a wa burgi nibine. Ba naa vɛ la nɔɔni chen, ba ya nusun timwa a ya o dɔma.

Juud 1:18

a ŋɔ, “Tɛɛnɛ nɔ maga siili saha wa dugli, ba naa la tiŋ ba titi daŋnɛ, zi wa mɔm mau a li ma Koosa nyinbaan tiŋi ni.”