1 Jɔn 2:17 - Tampulma

¹⁷ Tɛɛnɛ nɔ maga awa kin nawara nara daŋni, a maga wa zi vusi, amaa naa tiŋ Koosa tutɔ, waa la zi wa na o mi fali naa vɛ kpak bɔ.

1 Jɔn 2:17 Marejeleo ya Msalaba

Mat. 21:31

Doone Yesu fun pɛɛsi ba, “Ba nara balɛ na, anti tum chenani ba nyana daŋni?” Ba fun ŋɔ un, “Nihɛɛ ti.” Yesu fun bukoo ŋɔ ba, “Wutirɛ mu sɛm ma, lampo nilalɛ ta awa nihaana ba naa la daŋni nibaala yɔri yɔri, ba waa la zi gil ba tum tagna a te ma suwachak a zu Koosa koor ti.

Mat. 24:35

Buudaha awa tɛɛnɛ zi wa petiu wuzu digi, amaa mu sɛma wa zi kut peti.”

Mat. 7:21

“Koosa wa zi wa dɔ ba naa maga wa mu wati a yir min ba kunyana. Ba naa la tum chenani mu kunyan Koosa naa nyɛn o tɔha ti ni daŋni ba tum, waa la zi wa dɔ ba.

Maak 3:35

Ba naa maga la tum chenani Koosa daŋni ba tum, ba waa ya mu numi ta awa mu niinbisi ta.”

Jɔn 4:14

Ba naa maga ka nyɔ ni naa n nyɛ ba, nyɔksi wa zi bu kpak ba. Mu daŋni mu kpa Koosa mi fali naa vɛ kpak bɔ a nyɛ nara ni. O mi fali ti chi nisire naa nyɛ ni pal ba tuhu ni saha maga.”

Jɔn 6:58

Mi fali diwe ta awa diwe naa Mosis fun kpa nyɛ ma nawaalsi ta ni saha digi ka ba siti chen, wa ya kibɛgim. Koosa funɛ tum o mi fali diwe tau a li o tɔhɔn ti ni, chen ni ba naa maga di un zi na miisa naa vɛ kpak bɔu.”

Jɔn 7:17

Ba naa maga la daŋni ba tiŋ Koosa tutɔ ti zi zimu di mu biksi ti li mu watɛɛ koo o wati.

Room 12:2

Ma ta bu tiŋ tɛɛnɛ nɔ tim nara nyinbaan, amaa ma nyɛ Koosa ka chɛrgi ma bambe, chen ni ma nyinbaan zi ya kifaliu. Ma nyɛ o ya chen, ma zi kotiu a zim o tutɔ naa weree hali a wa peti, a sɔɔni o tuha.

1 Kɔr. 7:31

Ma naa kpa ma bambe maga a du tɛɛnɛ nɔ maga kina ni, ma nyɛn a chi ma se wa sɛri a ni, domi o wa zi vusi ka tɛɛnɛ nɔ maga wa chɔk.

Kɔl. 1:9

O funɛ sɛm ya ma wɛ, ya yaa sumi Koosau aa nyɛ ma di o zi nyɛ ma wa zim o wɛu nɛnɛ a lɛli ma se di ma zim o tutɔ ti, a kpa o zima a nyɛ ma.

Kɔl. 4:12

Ɛpafras gbanko ya ma digirɛ a zaami ma. O gbanko tum Yesu Kristo tumwa. O kpak unu o bambi ni a sumi Koosa a nyɛ ma saha maga di Koosa zi suŋi mau ma kpak nɛnɛ a zim o wɛ nɛnɛ hali o wa peti, chen ni ma wa zi beeli Kristo biksi ti, amaa ma zi koti a la nɔɔniu a tiŋ Koosa tutɔ ti maga.

1 Tɛs. 4:3

Koosa daŋni maa tum tum were duŋduŋnɛ a gil chɔkumsi tuma maga hali o wa peti.

1 Tɛs. 5:18

aa pɛgi un a li kin naa maga ya ma ni. Chene Koosa daŋni ma tum aa kitiŋ Yesu Kristo.

Ju 10:36

Maa tiŋ o tutɔ wa kanyita ni, chen ni ma zi na kin nawara o vɔu di o nyɛ ma chenu.

Jems 4:14

Ma wa zim chenani ma nyɛni zi du chɛ. Ma chi burrɛ naa ma na nan. Ma bu nyini, ma wa zi bu na un.

1 Pita 1:5

Koosa kpa o kpok a nyini ma naa se su un. O funɛ piin saksiu di o yisi ma a li ma tum tagna ni hali a wa peti. Tɛɛnɛ nɔ maga siili saha wa tel, o zi wa ya chenu gbampulim ni.

1 Pita 4:2

a kitiŋ Koosa tutɔ wuzuna naa kaɛɛ ni.