1 Kɔr. 8:4 - Tampulma

⁴ Ma nyɛ ya bur gantɛl a la sela a naa ba yaa kɔrigi a nyɛ vursi ni. Ya zimu di vursa wa to tɛɛnɛ nɔ maga ni a kpak miisa. Ya zimu di Koosa bɛgim duŋduŋ nyɛnɛɛ.

1 Kɔr. 8:4 Marejeleo ya Msalaba

Maak 12:29

Yesu fun ŋɔ un, “Chiksɛ nɔ kpok kaali a maga. Ba funɛ sɔbi a li Koosa sɛm tɔn ti ni, ‘Ju tima, maa nu. Ya kunyana Koosa ya nibɛgimnɛ.

Tuma 14:15

“Ma ta kɔɔri kɔɔra a nyɛ ya a kijɛɛmi ya. Ya ya nibinsiwa a chi ma. Ya wa bar nɔu di ya wa biksi ma Koosa laaboor weri ti wɛ. Koosa naa nyɛnɛɛ funɛ naami buudaha awa tɛɛnɛ wa teku wa kin naa maga nyɛn a ni. Waa la daŋni ma gil kin nawara ma jɛɛmi a ya yɔri a bur tiŋ un.

Tuma 15:20

Ma nyɛ ya sɔbi tɔn a ŋɔ ba di o wa lawa ba di vursi diwe domi a ya doŋwa a vɛɛn ŋɔ ba di ba ta tum chɔkumsi tuma a ta se nɛmɛ naa ba vɛ kɔrigi o li chɛl.

Tuma 19:26

Ma zimu chenani Pɔɔl nɔ biksi nara tima di ba bur a li vursi naa nibinsa kɔɔri jɛɛmi ni, domi a ya yɔrirɛ. Nidamata funɛ tiŋ o nɔ a li Ɛfɛsus nɔ awa Azia tim pulum maga ni.

1 Kɔr. 8:1

Ma funɛ sɔbi tɔnnɛ a pɛɛsi min sela a naa ba yaa kɔrigi a nyɛ vursi ni chen wɛ. Mu zim di ya maga kpak Koosa zima ti a chi chenani ma sɛm, amaa zima nyɛ nara zer ba titi. Amaa yaa daŋni dɔŋa, chen la zi suŋi ya.

1 Kɔr. 8:10

Ma nibɛgim zim wuti nɔ a la doonani ba kɔɔri vursa a la se namsa ka i dɔŋtiina naa vɛ zim wuti nɔ nɛnɛ, na hin dooni, o gbanko zi kpak bambiu a la zu dooni a se namsi ta. O wa se peti, o tuha zi chɔku kinkan namsi ta daha.

1 Kɔr. 8:11

Kristo funɛ wa sou i dɔŋtiin ti daharɛ, amaa ma chɔk unu ma zima ti daha.

Gal. 4:8

Saha digi ma wa fun zim Koosa. Ma waa funɛ zaami a tiŋ kin naa chi a ya Koosarɛ. A wa ya Koosa hali tama.

Ɛfɛ. 4:6

Koosa titi naa dɔ ya a nyɛn ya ni a nyɛ ya tum tuma a nyɛ un, o ya nibɛgimnɛ.

1 Tim. 1:17

Ma nyɛ ya yaa kipɛgi Koosa a kinyɛ un jirima kinkan. Waa ya ya koora naa nyɛnɛɛ hali saha naa vɛ kpak bɔ, a ya nibɛgim duŋduŋ. Nandigi wa koti a na un. Ami.

1 Tim. 2:5

Koosa ya nibɛgimnɛ. Yesu Kristo gbanko ya nibɛgimnɛ a fun wa tɛɛnɛ nɔ maga a wa ya nibine, chen ni o zi la mo ninu Koosa wati a nyɛ ya.

Juud 1:25

Waa funɛ tum ya kunyana Yesu Kristo di o wa yisi ya a li ya tum tagna ni. Koosa naa ya nibɛgim duŋduŋ kpak jirima kinkan awa kpok a kaali kina maga a li o piili ni a wa zinan kpa la hali saha naa vɛ kpak bɔ. Ami. Ma zaami ba naa maga nyɛn ma wati a nyɛ min.