1 Kɔr. 8:12 - Tampulma

¹² I ya i dɔŋtima nan ni, ba tusa zi chɔku, domi ba wa fun zim wuti nɔ nɛnɛ. Chenani ma tum tum tagna a du ba ni nyɛ ma tum chen a du Kristo gbanko ni.

1 Kɔr. 8:12 Marejeleo ya Msalaba

Mat. 18:10

“Ma doso ma ta wa ŋɔ di bisa nama ya yɔrirɛ. Ma nyɛ mu ŋɔ ma di ba malaikasa nyɛn mu kunyan Koosa naa nyɛn o tɔha ti ni suwachak ni. ((

Mat. 18:21

Doone Pita fun wa Yesu wati a wa pɛɛsi un, “Mu kunyana, bu ŋmɛnwa mu dɔŋtiina zi koti tum tum tagna a du mu ni ka mu gil a nyɛ un? Gil a nyɛ un bu nɔpɛɛ?”

Mat. 18:6

“Nar wa na bichɛla naa si su min a la mur un di o tiŋ wu tagna nyinbaannɛ, ba kpa ŋmɛn a vɔu nam a zer laari o baŋna a kpa la yo du mɔɔga ni, chen fu zi bɔ o nyɛniu.

Mat. 25:40

Mu zi ŋɔ bau, ‘Wutirɛ n ŋɔ ma, chen naa maga ma fun ya a nyɛ mu gantɛl tiŋsi ta ni hali ba bichɛl tiin ni, mu nɛɛ ma tum nyɛ chen.’

Mat. 25:45

N zi bukoo ŋɔ bau, ‘Wutirɛ n ŋɔ ma, saha naa maga ma wa vɛ suŋi mu gantɛl tiŋsi ta hali ba bichɛl tiina, ma vɛ mu suŋirɛ.’

Maak 9:42

“Nar wa na bichɛla naa si su min a la mur un di o tiŋ wu tagna nyinbaannɛ, ba kpa ŋmɛn a vɔu nam a zer laari o baŋna a kpa la yo du mɔɔga ni, chen fun zi bɔ o nyɛniu.

Luk 17:2

Nar mur bichɛla di o tiŋ wu tagna nyinbaan, ba kpa ŋmɛn a vɔu nam a zer laari o baŋna a kpa la yo du mɔɔga ni, chen fu zi bɔ o nyɛniu.

Room 14:20

Ma ta chɔk Koosa tuma diwe daha. Diwe wa toli a chi. Amaa o wa wer di nibine kidi diwe bɔnɛ, chen ni o dɔŋtima nyuksi nyinbaan.

1 Kɔr. 12:12

Ma nyini chenani ya bara du. O ya kibɛgimnɛ amaa o luk pɛksa iiu. Amaa o luk pɛksa kurgɛ ta lagmi dɔŋ ni a burgi bara bɛgim. Chene Kristo du.