1 Kɔr. 8:1 - Tampulma

¹ Ma funɛ sɔbi tɔnnɛ a pɛɛsi min sela a naa ba yaa kɔrigi a nyɛ vursi ni chen wɛ. Mu zim di ya maga kpak Koosa zima ti a chi chenani ma sɛm, amaa zima nyɛ nara zer ba titi. Amaa yaa daŋni dɔŋa, chen la zi suŋi ya.

1 Kɔr. 8:1 Marejeleo ya Msalaba

Tuma 15:10

Chenani ba fun teŋsi ya nawaalsi ta awa ya titi awa chenani ba wa ya fun kpaŋi di ya tiŋ Ju tim ta chiksɛ ta, chen wa fun suŋi ya. Chendaha Koosa vɛ daŋni ya ya kpa kin naa vɛ ya kibirigi a gbaari Yesu nitiŋɛ ba naa vɛ ya Ju tima.

Tuma 15:29

Ma ta di vursi diwe a ta se nɛmɛ naa ba vɛ kɔrigi o li chɛl a ta tum chɔkumsi tuma. Ma gil nan kin nama yaali, ma zi tiŋ Yesuu nɛnɛ. Ma zaami dɔŋa a nyɛ ya.”

Tuma 21:25

Ya funɛ piin sɔbi tɔnu a nyɛ ba naa vɛ ya Ju tim ni a nyɛ ba se su Yesu. Ya funɛ ŋɔ bau di ba ta di vursi diwe a ta se nɛmɛ naa ba vɛ kɔrigi o li chɛl a ta tum chɔkumsi tuma.”

Room 11:25

Mu niinbisa, mu daŋni mu zimu wuti naa Koosa fun biksi ya gbampulim ni, chen ni ma wa zi daŋni sɔn o funɛ lisi ma daha. Wuzu digi ba naa maga vɛ ya Ju tima Koosa fun lisi chen, zi wa o watiu. Hali chen saha ti o zi nyɛ Ju tim nidamata se kpoku.

Room 12:16

Maa kpak nɔ bɛgim wa dɔŋ ni. Ma ta daŋni sɔna. Ma saksi a nyɛ ma wa ba naa la tum tum wisa lagmi kitum. Ma ta lisi di maa zim kina magau.

Room 14:10

Chen ya wuti, yɛrɛ maa di ma dɔŋtima sɛria saha maga? Yɛrɛ ma nyini ba ba ya chi bichɛsa? Wuzu digi ya maga zi wa chiŋiu a li Koosa sɛria bar diili ni.

Room 14:14

Mu kpak bambiu di kundɔŋ wa to a chi, domi mu wa ya kunyan ti ya nibɛgimnɛ. Amaa bɔnɛ lisiu di diwe bɔnɛ ya chire. Ba di a a nyɛ ba doŋwa.

Room 14:19

Ma nyɛ ya yaa nyini kin nawara nyɛ ya kpak bara sɔɔna awa kin nawara la zi nyɛ ya suŋi dɔŋa a kpak nɛne.

Room 14:22

Chenani ma lisi kin nama wɛ, ma nyɛ chen nyɛn ma wa Koosa duŋduŋ wati. Nar zim di o wa tum galimsau diwe naa o di chen daha, o zi kpak tu sɔɔnau.

Room 14:3

Naa kote a di kina maga, o ta nyini naa la di disa duŋduŋ o chi bichɛla. Naa la di disa duŋduŋ, o ta di naa la di kina maga sɛria. Koosa funɛ la ba magau.

Room 15:14

Mu niinbisa, mu kpak bambiu di ma ya nibin werewa kinkan a kpak zima nɛnɛ a koti aa biksi dɔŋa.

1 Kɔr. 1:5

Ma wa un ya nibɛgimnɛ. Chendaha Koosa fun kpa o siim weri papaha a nyɛ ma, chen ni ma koti a sɛm nɛnɛ aa zim nɛnɛ.

1 Kɔr. 10:15

Ma ya nibin nɛɛgɛwa. Adaha ma nu chenani mu ŋɔ ma nan nɛnɛ.

1 Kɔr. 10:28

Amaa nandigi ŋɔ ma di ba kɔɔri vurrɛ, ma ta diili, domi ma daŋni ma suŋi ma dɔŋtimwa.

1 Kɔr. 14:20

Mu niinbisa, ma wa lagmi dɔŋ ni, ma ta chi bichɛsa ba naa vɛ kpak nɛsa. Ma ka lisi nihɛɛta lise. Amaa maa daŋni a chi bichɛsa, ba naa vɛ koti a tum tum tagna kinkan.

1 Kɔr. 15:34

Ma bur wa ma nɛha ni a gil ma tum tagna. Ma bɔnɛ wa fun zim Koosa nɛnɛ. O wa kpak ma hiisaa?

1 Kɔr. 4:10

Ya ya womniwa a li nibinsa wati Kristo daha, amaa ma waa ya o nibin nɛɛgɛwa. Ya waa ya o nibin ba naa vɛ kpak kpok a li nibinsa wati, amaa ma waa ya o nibin kpokwa. Nara la filimi ya, amaa ba waa la nyɛ ma jirima.

1 Kɔr. 4:18

Ma bɔnɛ zer ma titi kinkan, domi ma lisi di mu wa zi bur wa ma wati,

1 Kɔr. 4:6

Mu niinbisa, mu kpa mu tuma awa Apɔlɔs tuma di mu biksi ma ma se lɛli ma tiŋ chenani Koosa sɛm tɔn ti biksi ya chen. Maa tiŋ chen, ma wa zi lisi nibin digi a zer un a kaali digi.

1 Kɔr. 5:2

Baŋnɛ ma zer ma titi nan? O fu lawa ma tusa chɔku kinkan, ka ma lisi baal naa ya chen a li ma lagmi ti ni.

1 Kɔr. 5:6

Ma sɔn daŋni ti wa wer. Ma wa zim di luri tama yaa nyɛn boroboro sau ni, o yaa nyɛ sau ti maga fɔɔsiu chenn?

1 Kɔr. 8:2

Nar lisi di o nɛɛgɛu, o wa zim kundɔŋ a chi chenani o fu zi zim,

1 Kɔr. 8:4

Ma nyɛ ya bur gantɛl a la sela a naa ba yaa kɔrigi a nyɛ vursi ni. Ya zimu di vursa wa to tɛɛnɛ nɔ maga ni a kpak miisa. Ya zimu di Koosa bɛgim duŋduŋ nyɛnɛɛ.

1 Kɔr. 8:7

Amaa nara nidamata laata zim di nan ya wutiu. Nibinsa ba naa funɛ nyɛ vursa jirima kinkan, bɔnɛ wa se vursa nɛmɛ, ba yaa lisi di ba jɛɛmi vursi tawa. O fun muksi ba di nɛmɛ naa ba se chen, zi nyɛ ba doŋu.

Ɛfɛ. 4:16

Ya chi o bara luk pɛksiwa. Waa nyɛ o bara kpok a li boma naa chomse ya ni. Ya maga tum nɛnɛ a la daŋni dɔŋa aa tiŋ un nɛnɛ a gbaari, o bara zi na alaafɛu.

Kɔl. 2:18

Ma ta nyɛ nandigi wa ŋɔ di o lawa maa tiŋ a chi chenani oo tiŋu, chen ni ma wa zi wa na papaha naa Koosa kaa wa kpa nyɛ ma. O ŋɔ di ma ya nibin jɛɛgɛ a kinyɛ malaikasa jirima. O na kinawa a chi o deesi. Chendaha o ŋɔ di o zimu a kaali ma. O yir o titi nibin zen, amaa oo tiŋ chenani o gantɛl tuha kina wɛ durɛ.

JɔnN Deesi 2:14

Amaa wu bɔnɛwa ma vɛ seen a yaali. Bɔnɛ nyɛn ma ni a tiŋ naa ba yir Beelam chen biksi. O funɛ nyɛn saha digi a biksi baal naa ba yir Belak di o la biksi Ju tima chenani ba zi di vursa diwe a tum chɔkumsa tuma.

JɔnN Deesi 2:20

Amaa wu digirɛ ma vɛ seen a yaali. Nihaan digi nyɛn ma ni ba yir un Jɛzɛbɛl. O ŋɔ di waa ya Koosa nitumɛ ta digi, amaa o biksi ma di ma bur a tum chɔkumsi tuma a kidi vursa diwe. Ma waa la nɔɔni o nyɛn ma wati.