1 Kɔr. 7:25 - Tampulma

²⁵ Ma funɛ sɔbi tɔnnɛ a pɛɛsi min ba naa vɛ kpak baalasa awa ba naa vɛ kpak haanasa wɛ. Ya kunyan ti wa nyɛ min chen chiksi, amaa mu zi sɛm ma chenani mu yaa funɛ lisiu. Waa funɛ ɔm min siki, chen ni mu ya o wuti tiina.

1 Kɔr. 7:25 Marejeleo ya Msalaba

1 Kɔr. 15:10

Amaa Koosa funɛ ɔm min sikiu a suŋi min. O funɛ suŋi min chen daha, mu koti a du chenani mu du nan. Amaa chenani o fun suŋi min, mu wa kpa a a ta. Mu funɛ siu aa tum o tuma kinkan hali a kaali ba maga. Mu wara tum o tuma a li mu titi kpok ni, amaa Koosa la suŋi min.

1 Kɔr. 4:2

Tumtum naa la tum nɛnɛ a nyɛ o kunyan ni, chen weru. O kunyan ti zi wa ŋɔ di o ya wuti tiinnɛ.

1 Kɔr. 7:10

Mu daŋni mu ŋɔ nihaana ba naa piin kpak baalasa ba ta vɛ ba baalasi ta. A wa ya mu titi sɛmwa. A ya Koosa sɛmwa.

1 Kɔr. 7:12

Mu ŋɔ nannɛ a nyɛ mu dɔŋtim ta ni. Nibaal naa ya Yesu nitiŋi aa kpak haan naa vɛ ya Yesu nitiŋi, ka ba lagmi nyɛn wa dɔŋ ni ka chen wer wa haan ti ni, o baal ti ta duŋni un taali. Mu titi zima nɛɛ mu ŋɔ nan. Ya kunyan ti laata ŋɔ.

1 Kɔr. 7:28

I kaa kpa haan, o wa ya di i tum galimsau. I kaa yu baal, o wa ya di i tum galimsau. Ba naa kpak baalasa awa haanasa, ba waa la na namsi a kaali ba naa vɛ kpak baalasa awa haanasa. Mu wara daŋni ma namsi a chi ba.

1 Kɔr. 7:34

Nihaan naa vɛ yu baal, o si yaa sɛri a li ya kunyan ti tum ni, chen ni o zi dɔ o bara awa o siimau. Nihaan naa yu baal, o si yaa sɛri a li tɛɛnɛ nɔ maga kina ni, chen ni o zi sɔɔni o baal ti tuhau.

1 Kɔr. 7:40

Mu wati, o gil baal yuuli, o tuha zi sɔɔniu a kaali o yu baal. Mu la sɛm nan, mu lisu di Koosa siim weri ti biksi min.

1 Kɔr. 7:6

O wa ya Koosa chiksi kpokre di nibaal kpa haan,

2 Kɔr. 11:17

Ya kunyan ti wa fun biksi ya di ya daŋni sɔna. Womna la daŋni chen duŋduŋ.

2 Kɔr. 2:17

Nidamata biksi nara Koosa laaboor weri ti wɛ wa ba nyina nɛɛ, chen ni ba zi na nyɔɔrau a nyɛ ba titi ni. Ya waa wa chi chen tima. Koosa funɛ tum ya di ya wa biksi nara o wɛ wa tu bɛgim ni. O chi Koosa la nyini ya. Ya chiŋɛ o bar chiŋi nɛɛ a biksi nara a li kpok naa Kristo kpa nyɛ ya chen.