1 Kɔr. 7:22 - Tampulma

²² Domi nibine naa ya yoma ka ya kunyan ti yir un, o ya nibine naa dɔ o titirɛ o wati. Nibine naa dɔ o titi ka ya kunyan ti yir un, o ya Kristo yomne.

1 Kɔr. 7:22 Marejeleo ya Msalaba

Room 1:1

Mu waa, Pɔɔl, naa ya Yesu Kristo tumtumna, min la sɔbi tɔn nɔ. Koosa fun a yir min a lisi min di mu ya o nitumi a la ŋɔ nara ni o laaboor weri ti wɛ.

1 Kɔr. 7:21

I funɛ ya yoma ka Koosa yir hin, ta nyɛ chen muksi hin. Amaa ba daŋni ba lisi hinu a chausi, i la nɔɔni.

1 Kɔr. 9:19

Nandigi wa dɔ min, amaa mu funɛ kpa mu titirɛ a burgi yoma a tum a nyɛ nara maga ni, chen ni mu zi kotiu a la ba nidamata a nyɛ Koosa ni.

1 Kɔr. 9:21

Mu wa ba naa vɛ ya Ju tima a vɛ tiŋ Ju tim chiksɛ ta, wa lagmi, mu yaa kpa mu titiu a burgi ba, chen ni mu gbanko zi la ba bɔnɛu a nyɛ Koosa ni. Mu kpa mu titi a burgi nara nama, mu ha vɛɛn tiŋ Koosa nɔrɛ. Muu tiŋ chenani Yesu fun biksi ya di yaa tiŋnɛ.

Gal. 1:10

Ma lisu di muu daŋni mu ya nara lɛmlɛmnɛɛ? Aai. Mu daŋni mu sɔɔni Koosa duŋduŋ tuharɛ. Mu daŋni mu ya nara lɛmlɛm, mu wa ya Kristo tumtumna.

Gal. 5:1

Kristo funɛ lisi yau a li yosi ni. Maa kpak chen nɛnɛ, a ta bu nyɛ nara kpak ma a ya yosa.

Gal. 5:13

Mu niinbisa, Koosa funɛ yir ma di ma ta ya yosa. Amaa lalaknɔ o yisɛ mau, ma ta bu tiŋ ma titi daŋnɛ. Ma ka daŋni dɔŋa a kisuŋi dɔŋa.

Kɔl. 4:12

Ɛpafras gbanko ya ma digirɛ a zaami ma. O gbanko tum Yesu Kristo tumwa. O kpak unu o bambi ni a sumi Koosa a nyɛ ma saha maga di Koosa zi suŋi mau ma kpak nɛnɛ a zim o wɛ nɛnɛ hali o wa peti, chen ni ma wa zi beeli Kristo biksi ti, amaa ma zi koti a la nɔɔniu a tiŋ Koosa tutɔ ti maga.

Faili. 1:16

Lalaknɔ o wa bu ya yoma kinkan. O ya ya niinbe daŋnirɛ. Mu daŋni unu kinkan. Lalaknɔ i zi daŋni unu a kaali min domi o ya i yomne ka o si su ya kunyana.

1 Pita 2:16

Ma ya nibin hiisewa, amaa ma gbanko ya Koosa yosiwa. Ma ta tum tum tagna aa sogli domi ma ya nihiise daha.

2 Pita 1:1

Mu waa, Simɔn Pita, naa ya Yesu Kristo tumtumna awa o nitumi, min la sɔbi tɔn nɔ a nyɛ ba naa se su Yesu Kristo a chi ya se su un chen. Ya se suuli ti kaalɛɛ. Waa ya wuti tiina. Chendaha ya se suuli ti awa ma se suuli naa ma kpak un ya kibɛgim. O gbanko ya Koosa a fun yisi ya a li ya tum tagna ni.

Juud 1:1

Mu waa, Juud, naa ya Yesu Kristo tumtumna awa Jems niinbe, min la sɔbi tɔn nɔ a nyɛ ma. Ya kunyana Koosa fun lisi ma a la daŋni ma ka Yesu Kristo kok ma.