1 Kɔr. 7:12 - Tampulma

¹² Mu ŋɔ nannɛ a nyɛ mu dɔŋtim ta ni. Nibaal naa ya Yesu nitiŋi aa kpak haan naa vɛ ya Yesu nitiŋi, ka ba lagmi nyɛn wa dɔŋ ni ka chen wer wa haan ti ni, o baal ti ta duŋni un taali. Mu titi zima nɛɛ mu ŋɔ nan. Ya kunyan ti laata ŋɔ.

1 Kɔr. 7:12 Marejeleo ya Msalaba

1 Kɔr. 7:11

Amaa o vɛ o baal, o ta bu yu baal digi. O zim di o zi bur wa o baal buni ti watiu ba bu ya nɔ bɛgim, o bur kila o wati. Nibaal gbanko ta wa duŋni o haan.

1 Kɔr. 7:13

Nihaan gbanko ya Yesu nitiŋi ka o baal vɛ ya Yesu nitiŋi, ka ba lagmi nyɛn wa dɔŋ ni ka chen wer wa baal ti, o haan ti ta wa vɛ un.

1 Kɔr. 7:25

Ma funɛ sɔbi tɔnnɛ a pɛɛsi min ba naa vɛ kpak baalasa awa ba naa vɛ kpak haanasa wɛ. Ya kunyan ti wa nyɛ min chen chiksi, amaa mu zi sɛm ma chenani mu yaa funɛ lisiu. Waa funɛ ɔm min siki, chen ni mu ya o wuti tiina.

1 Kɔr. 7:27

I kpak haan, ta vɛ un. I ka vɛ kpak haan, ta dɛu haan.

1 Kɔr. 7:6

O wa ya Koosa chiksi kpokre di nibaal kpa haan,

2 Kɔr. 11:17

Ya kunyan ti wa fun biksi ya di ya daŋni sɔna. Womna la daŋni chen duŋduŋ.