1 Kɔr. 6:9 - Tampulma

⁹ Ma wa zim di nibin tagna wa kizu Koosa koor tii? Ma mur ma titirɛ. Ba naa la tum chɔkumsa tuma a la nyɛ vursa jirima, a la daŋni nihaana yɔri yɔri,

1 Kɔr. 6:9 Marejeleo ya Msalaba

Mat. 19:29

Nar gil o dama, o maanasa, o niinbisa, o nyana awa o niina, awa o bisa awa o ŋmaha mu daha, Koosa zi wa kpa a kina kɔkwau a gbaari un a kpa o mi fali naa vɛ kpak bɔ a nyɛ un.

Mat. 25:34

Mu naa dɔ tɛɛnɛ nɔ maga zi ŋɔ ba naa nyɛn mu nindil ni, ‘Mu kunyana Koosa nyɛ ma nyusum. O funɛ naami tɛɛnɛ nɔ maga chen, o fun saksi kina a chiŋsi ma. Ma wa a wa la a lalaknɔ.

Luk 21:8

Yesu fun ŋɔ ba, “Ma doso ma ta wa nyɛ nandigi wa mur ma. Nidamata zi wa wau a kpa mu sɔn a yir ba titi a ŋɔ di ba ya minnɛ. Ba gbanko zi wa ŋɔ mau di saha ti telu. Ma fiɛŋ ma wa tiŋ ba.

Tuma 20:32

“Lalaknɔ mu kpa ma a du Koosa nin ni. O laaboor weri ti chenani o suŋi nara wɛ zi nyɛ ma kpak unu nɛnɛ a gbaari. Wuzu digi o zi wa kpa kin nawara o fun kpa chiŋsiu a nyɛ ba naa maga o fun lisi a nyɛ o titi ni.

Tuma 24:25

Pɔɔl fun ŋɔ ba chenani ba naa se su Yesu fun kpaŋi ba titi di ba tum tum were a nyɛ un a ya bambe tima. O gbanko funɛ ŋɔ bau chenani Koosa zi wa di tɛɛnɛ nɔ tim maga sɛriau wuzu digi. Pɔɔl sɛm ta fun nyɛ hansura kpak Filiks ka o ŋɔ un, “O magu. Kila. Mu wa na nyinbaan, mu zi yir hinu i wa sɛm ya gbaari.”

Room 1:18

O waa na paan a du ba naa vɛ o nɔ a la tum tum tagna a zi lɛrgi ba diŋsa. Ba tum tagna daha, ba kpa o wuti ti a ta.

1 Kɔr. 15:33

Ma ta mur ma titi. Ma lagmi nibin tagna ni, ba zi chɛrgi ma bambe were tau a tagini.

1 Kɔr. 15:50

Mu niinbisa, ma nyɛ mu ŋɔ ma nan. Ya bara titi wa kikoti a zu Koosa koor ti ni. Kinkin naa la zi wa pɔ wa kikoti a wa nyɛn doonani kin naa vɛ pɔɔli ni.

1 Kɔr. 3:16

Ma wa zim di ma tusa ya Koosa bar nyɛnirɛɛ? O siim weri ti nyɛn ma niu.

1 Kɔr. 5:1

Mu nuu ka ba ŋɔ min di maa tum chɔkumsi tumiwa. Ma nidigi funɛ kpa o nyan haan a la chɔ. Hali ba naa vɛ zim Koosa chi chenu.

1 Kɔr. 5:10

Mu wa ŋɔ ma di ma wa ba naa vɛ tiŋ Yesu a la tum nan kilagmi dɔŋ ni. Ba naa la daŋni nihaana yɔri yɔri a la daŋni malɛ a burgi ba kina a la ŋmɛ a la jɛɛmi vuga, ba waa nyɛn bawu maga ni.

1 Kɔr. 5:11

Amaa mu funɛ sɔbiu a nyɛ ma a ŋɔ di nibine daŋni nihaana yɔri yɔri a daŋni malɛ a burgi o kina a jɛɛmi vuga a chɔk nara sɔna a nyɔ sin a dɛɛsi a ŋmɛ a la yir o titi Yesu nitiŋi a la ya nan, ma ta nyɛ ma wa n lagmi hali a di diwe.

1 Kɔr. 6:10

a la ŋmɛ, a kpa malɛ a burgi ba kina, a la nyɔ sin a dɛɛsi, a la chɔk nara sɔna a la fuksi nara a la kpaksi nara kina kpok ni, ba nidigi wa kikoti a zu Koosa koor ti.

1 Kɔr. 6:18

Adaha ma chɔ li doonani chɔkumsi nyɛn. Wu tagin maga naa nara tum, a wa ya ba barawa baa ya chen. Amaa nibine naa la daŋni nihaana yɔri yɔri, o chɔk o titi barawa.

1 Kɔr. 6:19

Ma wa zim di ma bara ya Koosa siim weri ti bar nyɛnirɛɛ? Koosa funɛ kpa o siim weri ti a nyɛ ma.

1 Kɔr. 9:24

Ma zim di nara yaa chɔ chɔchɔha di ba la di chen, nara kinkan yaa chɔ a la, amaa nibɛgim yaa la di. Ma Yesu tiŋi chi chɔchɔharɛ. Maa chɔ nɛnɛ, chen ni ma zi wa diu.

2 Kɔr. 12:21

O muksi minu mu wa wa ma wati, Koosa zi nyɛ mu na hiisau ma daha. Mu tuha zi chɔku kinkan domi ma nidamata wa zi gil ma chɔkumsa tuma awa ma sakaal tuma awa ma tum doŋa kinkan a bur wa tiŋ Koosa.

Gal. 6:7

Ma ta mur ma titi. Nandigi wa kikoti a nyɛ Koosa ya wom. Chenani nibine tum, a zi bur wa o watiu.

Kɔl. 3:5

Ma kpa ma tum tagna a ta. Ma ta kpa ma bara aa tum chɔkumsi tuma, a ta tum sakaal tuma koo tum tum tagna ma lisi tagna daha. Ma gbanko ta chi kidɔŋtima. Kidɔŋtim maga chi ba naa yaa nyɛ vursa wa jirima chene a ya yɔrirɛ.

Ju 12:14

Maa kpak un ma bambe ni a kpak bara sɔɔna awa dɔŋ ni, a ya tu chaan tima. Tu chaan tima duŋduŋ la zi wa na ya kunyana.

Ju 12:16

Ma doso ma ta tum chɔkumsa tuma akoo a tiŋ a chi Isɔ funɛ tiŋ saha digi chen. Waa funɛ ya o nyan bi hɛɛ a vɛ zim Koosa a yogli o nyan kin naa maga a kpa malɛ a la yau diwe bɛgim.

Ju 13:4

Nibaala awa ba haanasa kinyɛ dɔŋa awa jirima saha maga. Ba naa la daŋni nihaana yɔri yɔri a la tum chɔkumsa tuma, Koosa zi wa na ba galimsau.

Jems 1:16

Mu bi daŋnɛ, ma ta mur ma titi.

1 Jɔn 3:7

Mu bisa, ma ta nyɛ nandigi mur ma. Ba naa maga la tum tum were, ba ya tu chaan timawa a chi Yesu.

JɔnN Deesi 21:8

Amaa ba naa bur a li mu tiŋi ni a li nara gantɛl a la tiŋ doŋ tuma a la kpu nara a la tum chɔkumsi tuma a la tum tu bilim tuma a la jɛɛmi vursa a ya nusun tima, mu zi na ba galimsau a kpa bau a yo du bɛɛŋ naa din nyɛn saha maga ni a ta ba yɔri.”

JɔnN Deesi 22:15

Amaa ba naa la tum tum doŋa a la tum tu bilim tuma a la tum chɔkumsi tuma a la kpu nara a la jɛɛmi vursa ka ba tusa sɔɔni awa nusun ni, ba maga zi wa kpalimi tɔhɔn ti dentil niu.