1 Kɔr. 6:13 - Tampulma

¹³ Ma bɔnɛ gbanko sɛm dɔŋ ni, “Lo daha diwe nyɛn. Diili daha lo gbanko nyɛn.” Amaa wuzu digi Koosa zi wa chɔk a magau. Ya bara wa nyɛn chɔkumsa tuma daharɛ. Ya kunyan daharɛ a nyɛn. Ya kunyan ti gbanko dɔ ya bara di ya kpa a aa tum a nyɛ un.

1 Kɔr. 6:13 Marejeleo ya Msalaba

Mat. 15:17

Ma wa zim di kin naa la zu ma tusa, ma loore o yaa zu ka ma la somi chenn?

Mat. 15:20

Nan tuma nyɛ nibinsa kpak doŋa, amaa nara vɛ sɛm ba nisa a di diwe, chen wara nyɛ nibinsa kpak doŋa.”

Maak 7:19

Ma loore o yaa zu ka ma la somi. O wara zu ma bambe ni.” Yesu fun ŋɔ ba a nama maga, chen ni ba wa zi bu chi diwe maga.

Jɔn 6:27

Ma ta kpa ma bambe a du diwe naa la zi wa chɔk, amaa ma ka kpa ma bambe a du Koosa mi fali naa vɛ kpak bɔ ni. Koosa naa ya mu nyan ti chiŋɛ mu gantɛl ni di mu ya nibine be. Chendaha mu koti a kpa chen mi fali ti a nyɛ ma.”

Jɔn 6:49

Ma nawaalsi ta funɛ di diwe naa ba funɛ yir ‘mana’ nyabaan ti ni saha digi chen a siti.

Room 12:1

Mu niinbisa, Koosa funɛ kpak ma sikiu kinkan. Chendaha mu sumi ma di ma kpa ma titi a nyɛ un a chi nara yaa kpa kina a kɔɔri kɔɔra chen. Ma ya chen a ya nibin were, ma zi tiŋ unu nɛnɛ a sɔɔni o tuha kinkan.

Room 14:17

Koosa dɔ ma, diwe naa ma di a la nyɔ wa bu ya kibirigi o wati. Chenani o siim weri ti nyɛ ma bara sɔɔna awa tu sɔɔna a la suŋi ma di ma tum tum were a nyɛ Koosa ni, kin nama ka ya kibirigi a li o wati.

Room 6:12

Ma ta tiŋ ma titi daŋnɛ a nyɛ tum tagna nyaŋi ma.

Room 7:4

Mu niinbisa, chen vɛɛna chiksɛ ta wa bu kpak kpok ma ni. O chi ma wa Kristo funɛ sou a li o daakakli ti ni. Lalaknɔ naa Koosa fun lɛli a li o sou ni chen, waa dɔ ma, chen ni ma zi tum tum wereu a nyɛ Koosa ni.

1 Kɔr. 3:16

Ma wa zim di ma tusa ya Koosa bar nyɛnirɛɛ? O siim weri ti nyɛn ma niu.

1 Kɔr. 6:15

Ma wa zim di ma bara ta ya Kristo bara luk pɛksiwaa? Mu kpa Kristo bara luk pɛkha a la lagmi a chɔ nihaan sakaal, chen weruu? Aai.

1 Kɔr. 6:19

Ma wa zim di ma bara ya Koosa siim weri ti bar nyɛnirɛɛ? Koosa funɛ kpa o siim weri ti a nyɛ ma.

2 Kɔr. 11:2

Muu daŋni ma kinkannɛ a chi chenani Koosa daŋni ma. Ma chi nihabichɛllɛ mu fun a vɔu di mu nyɛ baal naa sɔn ya Yesu Kristo chen.

2 Kɔr. 5:15

O funɛ sou chene, chen ni ba naa la o mi fali ti wa zi bu tiŋ ba titi tutɔ, amaa ba zi tiŋ unu naa funɛ sou a si o sou ni ba daha.

Gal. 5:24

Ba naa Yesu Kristo dɔ, ba funɛ kpa ba titi daŋnɛu a ta.

Ɛfɛ. 5:23

Nibaal ya o haan nyuhu tiina, a chi chenani Yesu Kristo ya o nitiŋɛ ta nyuhu tiin chen. O funɛ yisi ba a li ba tum tagna ni chen. Ba waa chi o bara.