1 Kɔr. 5:11 - Tampulma

¹¹ Amaa mu funɛ sɔbiu a nyɛ ma a ŋɔ di nibine daŋni nihaana yɔri yɔri a daŋni malɛ a burgi o kina a jɛɛmi vuga a chɔk nara sɔna a nyɔ sin a dɛɛsi a ŋmɛ a la yir o titi Yesu nitiŋi a la ya nan, ma ta nyɛ ma wa n lagmi hali a di diwe.

1 Kɔr. 5:11 Marejeleo ya Msalaba

Mat. 18:17

O gbanko vɛ nu ba nɔ, la ŋɔ ba naa ya Koosa nitiŋɛ ni o wɛ ta maga. O vɛ nu ba nɔ, ma ta kpak wu digi wa un ni a chi chenani ma vɛ kpak wu digi wa lampo nilalɛ awa hɔɔra ni chen.”

Mat. 23:25

“Ma Koosa chiksɛ nibiksɛ ta awa Farisi tim ta. Yɛrɛ o kaa wa du ma ni? Ma ya nusun timwa. Ma daŋni ma di diwe, ma doso a sisi ma gbakmisa awa ma kurwasa, amaa ma tusa yaa kpak doŋau. Ma kpa kpoku a fuksi kina nara wati a ya se tima.

Luk 18:11

Farisi tim ta baal ti fun la chiŋi o duŋduŋ a sumi Koosa a ŋɔ, ‘Mu kunyana Koosa, mu zaami hinu di n wa nara wa ya kibɛgim. Ba waa la daŋni malɛ ka ba se vɛ su ba dɔŋtima, ka ba daŋni nihaana yɔri yɔri. N zaami hinu n wa chi lampo nilali naa chiŋi dooni chen.

Luk 21:34

“A wuzu naa mu kaa wa zi pirigi ma niu. Adaha ma doso ma ta vaan kpa ma bambe a tiŋ lalaknɔ yaali. Ma ta nyɛ ma wa ma dɔŋtima lagmi a diili a kinyɔ sin kpoka.

Tuma 1:15

Wuzu digi Yesu gantɛl tiŋsa ba naa funɛ dugli nara kɔkwa awa fumlɛ, funɛ lagmi dɔŋ ni. Pita fun si a chiŋi ba bambaan ni a ŋɔ ba,

Tuma 9:17

Ananias fun si a la zu dam ti a kpa o nisa a sak Sɔɔl ni a ŋɔ un, “Mu niinbe Sɔɔl, ya kunyana Yesu naa i na nyinbaan ni chen, funɛ tum min di mu wa lɛli i se. O gbanko funɛ tum min di o nyɛ Koosa siim weri ti zu hin ni a te i suwachak.”

Room 13:13

Ya wa bu nyɛn dusum ni. Chendaha o lawa ya tum chenu. Ma ta nyɛ ya lagmi dɔŋ ni a nyɔ sin a dɛɛsi. Ma ta tum chɔkumsa awa sakaal tuma a kidi dɔŋa wa amɔrɛ a kpak handɔta wa dɔŋ ni.

Room 16:17

Mu niinbisa, mu sumi mau ma il aa zim ba naa la daŋni ba waligi ma a li dɔŋ ni a bur ma a li Yesu tiŋi ni. Chenani baa biksi awa chenani nara fun te wa biksi ma yo dɔŋa. Ma ta lagmi ba ni.

1 Kɔr. 10:14

Mu bi daŋnɛ, ma gil vursa jirima nyɛɛli.

1 Kɔr. 11:21

Domi ma bɔnɛ yaa di ma titi diwewa lalaga. Lɔsa yaa kpak bɔnɛ. Bɔnɛ ka yaa nyɔu hali a dɛɛsi.

1 Kɔr. 5:13

amaa ba naa ya Yesu nitiŋɛ, ma waa dɔ ba di ma wa di ba sɛria. “Adaha ma yisi chen nibin tagin tiina a li ma ni.”

1 Kɔr. 6:10

a la ŋmɛ, a kpa malɛ a burgi ba kina, a la nyɔ sin a dɛɛsi, a la chɔk nara sɔna a la fuksi nara a la kpaksi nara kina kpok ni, ba nidigi wa kikoti a zu Koosa koor ti.

1 Kɔr. 6:6

Ma naa ya Yesu nitiŋɛ ta yaa kpa dɔŋa a la sɛria bar diili dɛ di ba naa vɛ tiŋ Yesu di ma sɛria.

1 Kɔr. 6:9

Ma wa zim di nibin tagna wa kizu Koosa koor tii? Ma mur ma titirɛ. Ba naa la tum chɔkumsa tuma a la nyɛ vursa jirima, a la daŋni nihaana yɔri yɔri,

1 Kɔr. 7:12

Mu ŋɔ nannɛ a nyɛ mu dɔŋtim ta ni. Nibaal naa ya Yesu nitiŋi aa kpak haan naa vɛ ya Yesu nitiŋi, ka ba lagmi nyɛn wa dɔŋ ni ka chen wer wa haan ti ni, o baal ti ta duŋni un taali. Mu titi zima nɛɛ mu ŋɔ nan. Ya kunyan ti laata ŋɔ.

1 Kɔr. 7:15

Amaa nibaal koo nihaan ba naa vɛ ya Yesu nitiŋɛ, daŋni o vɛ nihaan koo nibaal ba naa ya Yesu nitiŋɛ, ma ta tɔ ba nyinbaan. Naa vɛ ya Yesu nitiŋɛ daŋni o ya chen, Yesu nitiŋɛ ta la nɔɔni a nyɛ un. Koosa funɛ yir ma di ma wa o wati a wa kpak bara sɔɔna.

1 Kɔr. 8:11

Kristo funɛ wa sou i dɔŋtiin ti daharɛ, amaa ma chɔk unu ma zima ti daha.

Gal. 2:12

Pita wa o dɔŋtima ba naa vɛ ya Ju tima, bɔnɛ funɛ te lagmi dɔŋ ni di ba di diwe. Amaa ba naa Jems fun tum, bɔnɛ funɛ wa, Pita wa ba wa fun bu lagmi dɔŋ ni a di diwe. Ba naa Jems fun tum chen la daŋni ba teŋsi Yesu nitiŋɛ ba naa vɛ ya Ju tima chen.

Ɛfɛ. 5:18

Ma ta nyɛ sin dɔ ma. Ma ka nyɛ Koosa siim weri ti dɔ ma.

Ɛfɛ. 5:5

Wuti ba naa maga la tum sakaal tuma awa doŋ tuma a la daŋni ba ya se tima wa zi su Koosa awa o be Yesu Kristo koor ti. Se tima chi nibinsa ba naa la nyɛ vursa wa jirimarɛ.

Kɔl. 3:5

Ma kpa ma tum tagna a ta. Ma ta kpa ma bara aa tum chɔkumsi tuma, a ta tum sakaal tuma koo tum tum tagna ma lisi tagna daha. Ma gbanko ta chi kidɔŋtima. Kidɔŋtim maga chi ba naa yaa nyɛ vursa wa jirima chene a ya yɔrirɛ.

2 Tɛs. 3:14

Nandigi nyɛn dooni a vɛ daŋni o tiŋ chenani ya sɔbi tɔn nɔ nan, ma ta nyɛ o lagmi ma ni, chen ni o zi na hiisau.

2 Tɛs. 3:6

Mu niinbisa, ya kunyan Yesu Kristo ŋɔ ya di ya ŋɔ ma kin nama wɛ. Ma ta nyɛ ma wa ba naa kpak zanyɛrka lagmi, domi ba wara tiŋ ya biksi ti.

1 Tim. 3:3

O wa lawa o nyɔ sin a dɛɛsi a kpak nara wa tuha sa a kidaŋni o ya malɛ tiina. O lawa o ka ya jɛrgiu a kpak bara sɔɔna saha maga,

1 Tim. 6:5

Nibiksɛ nama ya ba naa vɛ zim wuti ti, ka ba lisi lisi tagna saha maga. Ba yaa daŋni bara borare a du dɔŋ ni, a la lisi di ba naa tiŋ ba biksi ti chen zi wa ya malɛ timau.

2 Jɔn 1:10

Nandigi wa ma wati a wa gbaari chenani ya fun biksi ma Kristo wɛ chen, ma ta la un amaa ma ŋɔ un di o la. Ma ta tiŋ un li ta nyinbaan ni.

JɔnN Deesi 2:14

Amaa wu bɔnɛwa ma vɛ seen a yaali. Bɔnɛ nyɛn ma ni a tiŋ naa ba yir Beelam chen biksi. O funɛ nyɛn saha digi a biksi baal naa ba yir Belak di o la biksi Ju tima chenani ba zi di vursa diwe a tum chɔkumsa tuma.

JɔnN Deesi 2:20

Amaa wu digirɛ ma vɛ seen a yaali. Nihaan digi nyɛn ma ni ba yir un Jɛzɛbɛl. O ŋɔ di waa ya Koosa nitumɛ ta digi, amaa o biksi ma di ma bur a tum chɔkumsi tuma a kidi vursa diwe. Ma waa la nɔɔni o nyɛn ma wati.

JɔnN Deesi 21:8

Amaa ba naa bur a li mu tiŋi ni a li nara gantɛl a la tiŋ doŋ tuma a la kpu nara a la tum chɔkumsi tuma a la tum tu bilim tuma a la jɛɛmi vursa a ya nusun tima, mu zi na ba galimsau a kpa bau a yo du bɛɛŋ naa din nyɛn saha maga ni a ta ba yɔri.”

JɔnN Deesi 22:15

Amaa ba naa la tum tum doŋa a la tum tu bilim tuma a la tum chɔkumsi tuma a la kpu nara a la jɛɛmi vursa ka ba tusa sɔɔni awa nusun ni, ba maga zi wa kpalimi tɔhɔn ti dentil niu.