1 Kɔr. 4:7 - Tampulma

⁷ Anti ŋɔ ma di ma kaali ma dɔŋtima? Koosa funɛ nyɛ ma kin naa maga ma kpak. A maga li Koosa watɛɛ, ka yɛrɛ maa daŋni sɔn di ma titi kpokre ma kpak a nan?

1 Kɔr. 4:7 Marejeleo ya Msalaba

Luk 19:13

O funɛ saksi di o la, a fun yir o tumtumsa nara fi ba wa o wati. O fun lisi salma malɛ kin fi a bɔni ba maga kibɛgim bɛgima a ŋɔ ba, ‘N wa kaali ma kpa malɛ ta a tum tuma a na nyɔɔra.’

Jɔn 1:16

Chenani o fun koti a suŋi nara a la gali, o funɛ ya chene a nyɛ ya. O yaa suŋi yau a saksi dɔŋ ni.

Jɔn 3:27

Jɔn fun ŋɔ ba, “Koosa funɛ yisi o tuma a nyɛ nara maga ni di baa tum.

Room 1:5

Yesu Kristo fun a suŋi min di mu ya o nitumi aa la sɛm tɛɛnɛ nɔ tim maga ni a nyɛ un, chen ni ba se zi su unu ka baa tiŋ o nɔ.

Room 12:3

Koosa la suŋi min di mu biksi ma nan. Ma ta daŋni sɔna a kaali chenani ma fu zi du. Koosa nyɛ ma se su un. Ma kpa ma se suuli ti a kidi ma titi sɛria wa nɛha ni.

Room 12:6

Koosa fun kpa o papaha kurgɛ a nyɛ ya di ya tum tuma a nyɛ un. O fun nyɛ ya burgi o witinsa chen ni ya zi kotiu a biksi nara o wɛ, ma nyɛ ya ya chen. Ma nyɛ ya biksi a chi chenani ya se su un.

1 Kɔr. 15:10

Amaa Koosa funɛ ɔm min sikiu a suŋi min. O funɛ suŋi min chen daha, mu koti a du chenani mu du nan. Amaa chenani o fun suŋi min, mu wa kpa a a ta. Mu funɛ siu aa tum o tuma kinkan hali a kaali ba maga. Mu wara tum o tuma a li mu titi kpok ni, amaa Koosa la suŋi min.

1 Kɔr. 3:5

Apɔlɔs wa Pɔɔl ya nibin zenewa maa tiŋ baa? Aai. Ya waa ya Koosa tumtumsa a nyɛ ma nyinbaan di ma se su un. Waa funɛ nyɛ ya nara balɛ na tuma yaa tum.

1 Kɔr. 5:6

Ma sɔn daŋni ti wa wer. Ma wa zim di luri tama yaa nyɛn boroboro sau ni, o yaa nyɛ sau ti maga fɔɔsiu chenn?

1 Kɔr. 7:7

amaa mu wati, nibaala maga fun ya bazooma a chi mu ya bazoom nan, chen fu zi bɔ wa ba kpak nihaana. Amaa o wa ya di nara maga nɛɛ Koosa nyɛ ba chen papaha ti di o nyɛn a ta kpak haan. Koosa papaha naa o kpa nyɛ nara ni, a kuurgu.

Jems 1:17

Kiwere naa maga yaa kpak nan a li Koosa naa nyɛn o tɔhɔn ni watɛɛ. Waa funɛ naami wula maga a du buudaha ni di aa chaani. O wara chɛrgi a chi barsɔn chɛrgi.

1 Pita 4:10

Koosa funɛ kpa o papaha kurgɛu a nyɛ ba naa la tiŋ un ni. Ma dɛu kinkin naa o fun nyɛ ma chen a kpa un aa suŋi ma dɔŋtima. Ma maga ya chen, Koosa zi suŋi mau wu damata ni.