1 Kɔr. 4:5 - Tampulma

⁵ Ma ta di sɛria ti lalaknɔ. Ma nyɛ Yesu wa bur wa. O wa wa, o zi kpa nibinsa wu sogle a li gbampulimu a biksi ba muna. O wa ya chen, o zi wa nyɛ ba jirimau a li ba tum were ni.

1 Kɔr. 4:5 Marejeleo ya Msalaba

Mat. 10:26

“Ma ŋɔ nara ni Koosa laaboor weri ti wɛ, ma ta ɔm ba. Kin nawara sogle zi wa li gbampulimu.

Mat. 24:30

Kin nama maga la zi biksi di mu waa nibine be zi wa nyɛn nyinbaan ni a dugli. Tɛɛnɛ nɔ maga nara zi wa kpak hansurau kinkan. Ba zi wa na min ka mu li dobaal tuha a wa awa kpok ni awa n jirima ni a kichaani kinkan.

Mat. 24:46

O kunyan ti wa la a bur wa a na di o tum chenani o ŋɔ un, o tumtum ti tuha zi sɔɔniu.

Mat. 25:21

O kunyan ti fun ŋɔ un, ‘I kpaŋi i titiu. I ya nibin werire a la tum tum were. Mu funɛ kpa malɛ tamnɛ a du i nin ni ka i ya wuti tiina. Lalaknɔ mu zi kpa malɛ damatau a du i nin ni. I wa min zi kpak tu sɔɔnau.’

Mat. 25:23

O kunyan ti fun ŋɔ un, ‘I kpaŋi i titiu. I gbanko ya nibin werire a la tum tum were. Mu funɛ kpa malɛ tamnɛ a du i nin ni. I wa min zi kpak tu sɔɔnau.’

Luk 6:37

“Ma ta na ma dɔŋtima galimsa, chen ni Koosa gbanko wa zi na ma galimsa. Maa gil ma dɔŋtima tum tagna a nyɛ ba, Koosa gbanko zi gil ma tum tagna a nyɛ ma.

Jɔn 21:22

Yesu fun ŋɔ un, “O ya mu tutɔ di o ha vɛɛn kpak miisa ka mu wa bur wa, o wa ya i wi. I waa tiŋ min.”

Jɔn 21:23

Chenani Yesu fun sɛm nyɛ o gantɛl tiŋsi ta fun ŋɔ dɔŋ ni di naa o daŋni kinkan wa zi wa sou. Yesu wa fun sɛm o wɛ di o wa zi sou. O ka funɛ ŋɔ Pita ni, “O ya mu tutɔ di o ha vɛɛn kpak miisa ka mu wa bur wa, o wa ya i wi.”

Jɔn 5:44

Ma daŋni ma nyɛ dɔŋ wa jirimarɛ, amaa ma wara daŋni jirima naa Koosa bɛgim ti koti a nyɛ ma. O wa ya beelire ma se vɛ su min.

Room 14:4

Anti ya ma ma koti a ŋɔ di nandigi tumtumna tum galimsau? O titi kunyana la zi zim di o chelu koo o wa chel. Ya kunyan ti zi chiŋi o tumtumsa gantɛl niu, chen ni ba wa zi chel.

Room 2:1

I dɔŋtiina tum tum tagna ka i di un sɛria, i wa zi koti a ŋɔ wu digi. I tum galimsau a du i titi ni. Tum tagna naa i fiksi un chen, ii gbanko tum chene vɛɛna.

Room 2:16

O zi wa chi chenu a wuzu naa Koosa zi wa kpa nara wu sogle maga a li gbampulimu a nyɛ Yesu Kristo di a sɛria. Koosa laaboor weri naa mu biksi a nyɛ nara ni, o biksi nan ni.

Room 2:29

O siim weri ti wa nyɛn nibine bambi ni, chen nyɛ o ya Ju tim nidigi wuti. Koosa chiksɛ ta wa koti a tum chen. Nibinsa wa zi pɛgi naa kpak Koosa siim weri ti. Koosa ka la zi pɛgi tiina.

Room 2:7

Ba naa maga la tum tum were wa kanyita saha maga, chen ni ba zi wa la jirima awa chaani kinkan awa miisa naa vɛ kpak bɔu Koosa wati, Koosa zi kpa kin namau a nyɛ ba.

1 Kɔr. 1:7

domi Koosa funɛ kpa o siim weri ti papaha maga a nyɛ ma, a biksi di ma funɛ la unu. Maa pɔ ya kunyan Yesu Kristo bur waali.

1 Kɔr. 11:16

Amaa nandigi daŋni o di amɔrɛ, chene ya wa Yesu nitiŋɛ ba naa nyɛn bawu maga ni, yaa tiŋ.

1 Kɔr. 11:26

Saha naa maga ma wa se boroboro ti a la nyɔ kinyɔɔli ti, nara zi lisi chenani ya kunyan ti sowu. Maa ya chen hali a wuzu naa o kaa wa bur wa.

1 Kɔr. 15:23

Amaa ya kaa wa si ya sou ni nibɛgim bɛgimwa. Yesu funɛ ya naa funɛ te si. O wa bur wa, ba naa o dɔ chen gbanko zi wa siu.

1 Kɔr. 3:13

Saha naa Kristo wa bur wa, o zi wa kpa dinu a zaamsi chenani nara maga tuma duu. Chen la zi wa biksi a kiwere koo a wa wer.

1 Kɔr. 3:14

Din ti wa bu kaa vɛ koti a chɔk nar tuma, Koosa zi wa bɔ tum nawara o fun tumu.

1 Kɔr. 3:8

Naa chɔɔse awa naa la du ni, ba maga ya nibɛgimnɛ. Koosa la zi bɔ ba ba chim.

2 Kɔr. 10:18

Ma pi ma titi, chen wa deŋli. Ya kunyan ti ka pi ma, chen deŋlee kinkan.

2 Kɔr. 10:9

Ya wara daŋni ya tɔn nama kpak ma hansura.

2 Kɔr. 4:2

Ya wa fun tum tum tagna a sogli di ya na hiisa. Ya wa fun la mur nara. Ya wa fun kpa ya titi biksirɛ a gbaari chenani Koosa fun biksi ya ni. Yaa ka biksi nara o wuti a li gbampulim nɛɛ saha maga, chen ni nara maga zi la nɔɔniu ba bambe ni di ya waa ya Koosa nitiŋɛ ta.

2 Kɔr. 5:10

Ya wa siti, ya maga zi la Kristo suwachaku di o di ya sɛria. Chenani ya fun a tum tum were koo tum tagna a li ya lalaknɔ bara ni, chene o zi wa bɔ ya chim.

1 Tɛs. 5:2

Ma titi yaa zim di a wuzu naa ya kunyan ti kaa wa bur wa, o waa chi chenani ŋmɛɛr yaa wa dusum chene.

Ju 4:13

Kin naa maga Koosa fun naami chen, puku a li gbampulim ni Koosa se ni. Wuzu digi o zi wa pɛɛsi ya magau chenani ya tumu.

Jems 4:11

Mu niinbisa, ma ta sɛm wu tagna a nyɛ dɔŋ ni. Ba naa la sɛm sɛm tagna a nyɛ ba niinbisa ni a la di ba sɛria, chen tima sɛm sɛm tagna a nyɛ Koosa chiksɛ ta ni a la di o sɛria. Maa di Koosa chiksɛ ta sɛria ti, ma wara tiŋ a.

Jems 5:7

Mu niinbisa, ma kpak kanyita hali ya kunyan ti wa bur wa. Nipari kpak kanyitarɛ a pɔ doon bumi awa doon naa tiŋ gantɛl ka o zi kum kiparɛ.

Jems 5:9

Mu niinbisa, ma ta zulimi dɔŋa, chen ni Koosa wa zi wa di ma sɛria. O zi wa di ma sɛriau lalaga.

1 Pita 1:7

Nibinsa yaa kpa salmau a du din ni di o burgi kiweri. Chen vɛɛna, Koosa nyɛ sintana zaamsi ma, chen ni o zi biksi di ma se suuli naa ma kpak un ni, chen ya wutirɛ. Ma se suuli ti Koosa wati, o kaali salma naa la zi wa chɔku. Saha naa Yesu Kristo wa bur wa nara suwachak ni, Koosa tuha zi sɔɔniu wa ya ni ka o zi nyɛ ya o jirima awa o chaani kinkan.

1 Pita 5:4

Chen ni Kristo naa ya ya nigbaŋi nihɛɛ, wa bur wa, o zi wa bɔ ma chimu ka o zi wa kpa jirima naa vɛ chɔki a nyɛ ma.

2 Pita 3:12

a pɔ di ma na Koosa waali tɛɛnɛ nɔ maga sɛria diili a kpak un ma bambe ni di o wa lalaga. Chen wuzu ti din zi wa chɔk buudahau.

2 Pita 3:4

a ŋɔ, “Ma kunyan ti wa fun vɔu di o zi bur wauu? Leene o ka? Saha naa Koosa fun naami tɛɛnɛ nɔ maga hali wa zinan, wu digi ha wa chɛrgi.”

Juud 1:14

Baal digi funɛ nyɛn doon ba yir un Inɔk. O funɛ ya Adam bi lulɛ nidigirɛ a sɛm ba wɛ saha digi a ŋɔ, “Kina, Koosa wa o malaika damata wa wa,

JɔnN Deesi 1:7

Maa il. O zi wa li dobaala tuhu niu di ba naa nyɛ ba kpa tim a tau o lɔgum hɛna a li o daakakli ti ni chen awa nara maga zi na unu. O wa bur wa, nibin kurgɛ maga zi wiu kinkan. O wa zi vusi. Ami.

JɔnN Deesi 20:12

Mu fun na tɛɛnɛ nɔ tim maga ba naa funɛ ya nibirige awa ba baa funɛ vɛ yaali ka Koosa lɛli ba a li ba sou ni. Ba funɛ chiŋi o jirima bar kani suwachak nɛɛ. Ba fun puk Koosa mi fali tɔn ti awa tɔni naa ba fun sɔbi ba tuma a du a tuhu ni. O fun di ba sɛria a li chenani ba sɔbi a du tɔni ta ni.