1 Kɔr. 4:15 - Tampulma

¹⁵ Ma kpak nibinsa ba naa la zi biksi ma Kristo wɛ, nidamatau, amaa nibin bɛgim duŋduŋ ya ma nyana. Mu funɛ te biksi ma Koosa laaboor weri ti wɛu ma nu un a nyɛ ma se su Yesu Kristo. Chendaha mu ya ma nyana.

1 Kɔr. 4:15 Marejeleo ya Msalaba

Room 15:20

Mu funɛ kpaŋi mu titiu di mu ŋɔ nara ni Koosa laaboor weri ti wɛ doonani ba ha fun vɛɛn nu Kristo wɛ, chen ni mu fu wa zi tum doonani nandigi piin a piili.

1 Kɔr. 1:30

amaa Koosa funɛ nyɛ ma wa Yesu Kristo ya nibɛgim, a nyɛ o zima ti ya ya zima. Kristo daha, Koosa wa zi bu na ya galimsa o suwachak ni. Waa dɔ ya a fun la ya nyuuna a nyɛ ya.

1 Kɔr. 15:1

Mu niinbisa, ma nyɛ mu lisi ma Koosa laaboor weri naa mu fun kpa nyɛ ma chen wɛ. Ma funɛ la nɔɔniu ka ma ha vɛɛn kpak un nɛnɛ.

1 Kɔr. 3:10

Koosa nyɛ min o kpok ti mu ya tɛsal weri a baŋ o dɛ ti sɛchik a nyɛ un. Nandigi wa wa sa zɔŋ o daha. Ba naa maga sa Koosa dɛɛna, ba doso a ya tɛsal were.

1 Kɔr. 3:6

O chi mu waa, Pɔɔl, funɛ te wa chɔɔsi bugil. Doone Apɔlɔs ka yaa kpa ni a wa du, amaa Koosa duŋduŋ nyɛ bugil ti nyu a la zini.

1 Kɔr. 3:8

Naa chɔɔse awa naa la du ni, ba maga ya nibɛgimnɛ. Koosa la zi bɔ ba ba chim.

1 Kɔr. 9:12

Ma nyɛ bɔnɛ ni chene. Ba kpak chen nyinbaan a la diwe ma wati, ya waa wa kpak chen nyinbaan a kaali baa? Ya ha wa ŋɔ ma di ma ya chen a nyɛ ya. Ya kpak kanyitarɛ kina maga ni, chen ni ya wa zi tɔ Kristo laaboor weri ti nyinbaan.

1 Kɔr. 9:14

Chene ya kunyan ti fun sɛm a nyɛ ba naa la biksi nara Koosa laaboor weri ti wɛ di ba di a li ba tum ta ni.

1 Kɔr. 9:16

O wa deŋli wa muu daŋni sɔn domi mu la biksi nara Koosa laaboor weri ti wɛ daha. O funɛ kpak minu a ŋɔ min mu ya chen. Mu vɛ biksi o laaboor weri ti, yɛrɛ o zi du min ni?

1 Kɔr. 9:18

Mu tum ta nyɔɔra ya baŋa? Mu nyɔɔra ya mu kpa Koosa laaboor weri ti a nyɛ nara ni a ta la kundɔŋ. Saha maga mu wara tiŋ nyinbaan naa mu kpak, domi mu ya Yesu Kristo nitiŋɛ ta digirɛ.

1 Kɔr. 9:23

Mu ya chene o laaboor weri ti daha, chen ni mu zi wa na kiwere a naa Koosa fun vɔu di o nyɛ ya chenu.

2 Kɔr. 4:5

Ya wara biksi narawa ya titi wɛ. Ya ka biksi ba Yesu Kristo naa ya ya kunyan ti wɛwa. O daha ya wa ya ma tumtumsa.

Gal. 3:24

Amaa Yesu Kristo funɛ wa, chiksɛ ta wa bur a il ya. Waa funɛ nyɛ ya se su un, chen ni Koosa wa zi bu na ya galimsa.

Gal. 3:25

Lalaknɔ ya se su Yesu, waa ya ya kunyana. Koosa chiksɛ ta wa bu ya ya kunyana.

Gal. 4:19

Mu bi daŋnɛ, mu chi nihaan naa la daŋni lulirɛ aa la wi ma daha. Mu daŋni kinkan di Kristo wa nyɛn ma ni hali o wa peti.

2 Tim. 4:3

Saha wau nibinsa zi vɛ wa nu Koosa wuti biksi ti, amaa ba zi wa tiŋ ba titi daŋnɛu a lagmi ba naa la zi wa biksi ba chenani ba daŋni aa gbaari.

Tait. 1:4

Min la sɔbi tɔn nɔ a nyɛ mu be Taitus naa si funɛ su Koosa wuti ti a li mu biksi ni. I wa min la tiŋ Koosa nyinbaan. Ya kunyan Koosa awa Yesu Kristo naa funɛ yisi ya a li ya tum tagna ni, zi suŋi hinu a nyɛ hin bara sɔɔna.

Faili. 1:19

Mu titi la sɔbi nan a nyɛ hin. O pɛŋ i malɛ, mu vɔu di mu zi bɔ hinu. Mu biksi ti funɛ nyɛ i si su Yesu Kristo. Chendaha o chi min dɔ hin.

Jems 1:18

O tutɔ nɛɛ o fun nyɛ ya burgi o bisa a li o wuti sɛm nuuli ni, chen ni waa dɔ ya a kpa ya a chiŋsi kin nawara maga o fun naami suwachak ni.

1 Pita 1:23

Koosa sɛma nyɛnu hali saha naa vɛ kpak bɔ. A wa zi kut chɔk. Koosa fun a kpa o mi fali ti a nyɛ ma a daha.