1 Kɔr. 4:1 - Tampulma

¹ O weru di ma la yir ya Yesu tumtumsi chen. Koosa funɛ kpa o wu sogle a du ya nisa ni. Ya ka kpa a aa biksi nara.

1 Kɔr. 4:1 Marejeleo ya Msalaba

Mat. 13:11

Yesu fun ŋɔ ba, “Koosa funɛ kpa o koor ti kin naa o fun kpa a sogli chen a chiŋsi a nyɛ ma a li gbampulim ni di ma zim a muna. Amaa o ha wa ya chen a nyɛ ba.

Mat. 24:45

“Ma anti la zi ya wuti tiina awa ninɛɛgɛ a li kin nama maga ni? O chi dam tiina naa lisɛ o tumtumsa nidigi di o nyini o dam nara a kinyɛ ba diwe ba diwe diili saha.

Maak 4:11

O fun ŋɔ ba, “Ma warɛ Koosa nyɛ ma zim o koor ti kina, amaa ba naa vɛ nyɛn Koosa koor ti ni chen, jɛɛgɛwa n yaa jɛɛgi a nyɛ ba chen,

Luk 1:2

Ba waa funɛ sɔbi chenani ba nu a li sɛhɛra tima ba naa funɛ piin na a o piili ti ni a fun la biksi nara a wɛ.

Luk 12:42

Yesu fun ŋɔ un, “Ma anti la zi ya wuti tima awa ninɛɛgɛ a li kin nama maga ni? O chi dam tiin naa lisɛ o tumtumsa nidigi di o nyini o dam nara a kinyɛ ba diwe diili saha.

Luk 8:10

O fun ŋɔ ba, “Koosa funɛ kpa o koor ti kin naa o fun kpa a sogli chen a chiŋsi a nyɛ ma a li gbampulim ni di ma zim a muna. Ba naa ka la nu mu wati, ba kpak seu a vɛ naali. Mu ŋɔ bau, ba ka wa zim mu sɛm ta mun. Chendaha mu jɛɛgi jɛɛgɛ a nyɛ ba.”

Room 11:25

Mu niinbisa, mu daŋni mu zimu wuti naa Koosa fun biksi ya gbampulim ni, chen ni ma wa zi daŋni sɔn o funɛ lisi ma daha. Wuzu digi ba naa maga vɛ ya Ju tima Koosa fun lisi chen, zi wa o watiu. Hali chen saha ti o zi nyɛ Ju tim nidamata se kpoku.

Room 16:25

Tɔ. Koosa koti a nyɛ ma kpak nɛnɛ a tiŋ laaboor weri naa mu fun a biksi nara Yesu Kristo wɛ. Ma nyɛ ya pɛgi un chen daha. Koosa funɛ te kpa o laaboor weri nɔ a sogli saha digi,

1 Kɔr. 2:7

Ya ka biksi ma Koosa zima ti wɛwa. O funɛ te lisi unu ya jirima daha a zi naami tɛɛnɛ nɔ maga. Hali saha nɔ Koosa ha vɛɛna sogli unu a li nibinsi ni.

1 Kɔr. 3:5

Apɔlɔs wa Pɔɔl ya nibin zenewa maa tiŋ baa? Aai. Ya waa ya Koosa tumtumsa a nyɛ ma nyinbaan di ma se su un. Waa funɛ nyɛ ya nara balɛ na tuma yaa tum.

1 Kɔr. 4:13

Ba yaa chɔk ya sɔnau, amaa ya yaa fun sɛm sɛm wereu aa nyɛ ba. Ya yaa fun chi chaasiwa tɛɛnɛ nɔ tim maga wati hali wa zinan.

1 Kɔr. 4:2

Tumtum naa la tum nɛnɛ a nyɛ o kunyan ni, chen weru. O kunyan ti zi wa ŋɔ di o ya wuti tiinnɛ.

2 Kɔr. 11:23

Ba ŋɔ ma di ba ya Yesu Kristo tumtumsiwaa? Ma zi ŋɔ di mu zu galɛŋwa, amaa mu daŋni mu ŋɔ ma di mu ya o tumtumnɛ a kaali ba kinkan. Mu funɛ tum tumwa kinkan a nyɛ un. Ba fun a tɔ min dɛ bu damata a kpa vurmsa a tuk min. Mu fun wa dugli siwi bu damata. Mu kaali bau a li kina maga ni kinkan.

2 Kɔr. 12:6

Mu fu ŋɔ ma chenani mu du, ma fu wa zi ŋɔ di mu sɛma wa kpak nyuha. Mu fu zi ŋɔ ma wutiu. Mu wara daŋni nara zim di mu ya nibin zenne a kaali ba, domi chenani Koosa fun ya a nyɛ min daha. Mu daŋni ba ka di min sɛriarɛ mu tuma awa mu sɛma daha.

2 Kɔr. 4:5

Ya wara biksi narawa ya titi wɛ. Ya ka biksi ba Yesu Kristo naa ya ya kunyan ti wɛwa. O daha ya wa ya ma tumtumsa.

2 Kɔr. 6:4

Ya tum maga yaa biksi nara di ya ya Koosa tumtumsiwa. Ba namsi yau kinkan, amaa ya di ya namsiu wa kanyita ni.

Ɛfɛ. 1:9

o funɛ lisiu saha digi di o zi kpa Yesu Kristou a tum o tuma hali o wa peti. O fun a tiŋ o tutɔ ti a biksi ya o wu sogle nama wɛ.

Ɛfɛ. 6:19

Ma gbanko kisumi Koosa mu daha, di o nyɛ mu bambi kpok mu biksi nidamata o laaboor weri ti wɛ. O laaboor weri nɔwa, o fun kpa sogli hali wa zinan o kpa un a li gbampulim ni.

Kɔl. 2:2

Mu kpaŋi mu titiu di mu kpami ma maga, chen ni ma zi ya nibɛgimu domi maa daŋni dɔŋau a zim Koosa wu sogli mun nɛnɛ a ta beeli. O wu sogli ti ya Kristo.

Kɔl. 4:3

Maa sumi Koosa gbanko a nyɛ ya di o nyɛ ya nyinbaan ya sɛm nara ni o laaboor weri ti wɛ aa biksi ba o kisogli wɛ. O wu sogli ti ya Kristo. O laaboor weri ti daha ba fun tɔ min dɛ.

1 Tim. 3:16

Wuti naa funɛ sogli ka Koosa lisi un a li gbampulim, yɛrɛ o zen mak. Yesu Kristo fun wa burgi nibine, ka Koosa siim weri ti fun biksi nara tima di chenani o ŋɔ o titi wɛ chen ya wutirɛ. Koosa malaikasa funɛ nyini un ka Koosa wa lɛli un a li o sou ni a zini o tɔhɔn ti. O nitiŋɛ ta fun a mɔɔli o laaboor weri ti bar damata ni ka nara se su un.

1 Tim. 3:6

O si su Koosa tama, o wa kiya Yesu nitiŋɛ nyuhu tiina. O ya nyuhu tiina lalaga, o zi zer o titiu ka Koosa zi na o galimsa a chi o funɛ na sintana galimsa chen.

1 Tim. 3:9

Amaa o lawa ba kpak wuti naa funɛ sogli ka Koosa kpa un li gbampulim chenu a kpak tu bɛgim wa Koosa ni.

Tait. 1:7

Chenani o ya Yesu nitiŋɛ nyuhu tiina aa tum Koosa tuma nan, o lawa o kpak sɔn weri wa nara niu. O ta ya diŋ vɛ nuuli tiina a ta na paan lalaga a du nara ni, a ta nyɔ sin kinkan a dɛɛsi, a ta kpak nara wa tuha sa, a ta daŋni o ya malɛ tiina.

1 Pita 4:10

Koosa funɛ kpa o papaha kurgɛu a nyɛ ba naa la tiŋ un ni. Ma dɛu kinkin naa o fun nyɛ ma chen a kpa un aa suŋi ma dɔŋtima. Ma maga ya chen, Koosa zi suŋi mau wu damata ni.