1 Kɔr. 3:5 - Tampulma

⁵ Apɔlɔs wa Pɔɔl ya nibin zenewa maa tiŋ baa? Aai. Ya waa ya Koosa tumtumsa a nyɛ ma nyinbaan di ma se su un. Waa funɛ nyɛ ya nara balɛ na tuma yaa tum.

1 Kɔr. 3:5 Marejeleo ya Msalaba

Mat. 25:15

O funɛ bɔni o kin timau a nyɛ ba a li chenani ba tum nɛɛ. Nibɛgim fun la sidi tusugsa nyuu, digi fun la sidi tusugsa lɛ, digi ka la sidi tusuga. O fun bɔni chen peti a kaali.

Luk 1:2

Ba waa funɛ sɔbi chenani ba nu a li sɛhɛra tima ba naa funɛ piin na a o piili ti ni a fun la biksi nara a wɛ.

Jɔn 3:27

Jɔn fun ŋɔ ba, “Koosa funɛ yisi o tuma a nyɛ nara maga ni di baa tum.

Tuma 18:24

Ju tim ta nidigi funɛ nyɛn doon ba yir un Apɔlɔs. Ba funɛ lul un a li tɔhɔn naa ba yir Alɛzandria a li Ijipt pulum ni. O funɛ zim Koosa sɛm tɔn ti munu kinkan a koti a kpa un a biksi nara nɛnɛ. Wuzu digi o fun wa Ɛfɛsus.

Tuma 19:1

Apɔlɔs funɛ nyɛn Kɔrint ni, Pɔɔl fun gba a la li Ɛfɛsus. O fun la pu Yesu nitiŋɛ ta bɔnɛ dooni,

Room 15:16

Waa funɛ nyɛ mu ya Yesu Kristo tumtumna ba naa vɛ ya Ju tim daha. Chendaha mu sɔbi a nyɛ ma chen. Mu chi Koosa dam kɔkɔɔrsa ba naa yaa kpa kina a nyɛ Koosa ni digirɛ. Mu biksi ba naa vɛ ya Ju tima o laaboor weri ti wɛ, chen ni mu zi kpa ba naa o siim weri ti fun lisi chen a nyɛ unu.

1 Kɔr. 12:28

Koosa nyɛ ma nibɛgim bɛgim tum naa ma zi tum. Koosa nitumɛ ta ya ba naa funɛ te ma suwachak. O witinsa ba naa la mɔɔli o laaboor weri ti, tiŋ o nitumɛ tawa. Koosa nibiksɛ ta gbanko tiŋ ba warɛ. Ba naa la tum alaazibu tuma gbanko tiŋ Koosa nibiksɛ tawa. Ba naa la tiibi nara awa ba naa la suŋi nara, ba gbanko tiŋ ba warɛ. Ba naa ya ba nihɛɛta aa kpami nara ka ba naa la sɛm sɛm kurgɛ gbanko tiŋ ba warɛ.

1 Kɔr. 16:12

Mu funɛ sumi Apɔlɔs kinkan di o tiŋ ya dɔŋtim ta a la ma wati, amaa o wara daŋni o la doon ni lalaknɔ. O wa na nyinbaan, o zi wau.

1 Kɔr. 3:10

Koosa nyɛ min o kpok ti mu ya tɛsal weri a baŋ o dɛ ti sɛchik a nyɛ un. Nandigi wa wa sa zɔŋ o daha. Ba naa maga sa Koosa dɛɛna, ba doso a ya tɛsal were.

1 Kɔr. 3:22

Pɔɔl, Apɔlɔs, Pita, tɛɛnɛ nɔ maga, miisa awa sou, a naa maga nyɛn lalaknɔ awa a naa vɛɛn kaa wa, ma kpak a magau.

1 Kɔr. 3:7

Naa chɔɔsɛ awa naa la du ni, ba wa ya kundɔŋ, amaa Koosa duŋduŋ nyɛ bugil ti zini.

1 Kɔr. 9:17

O fu ya mu titi tutɔrɛ mu biksi nan, o fu deŋlu wa mu la nyɔɔra a niu. Amaa Koosa funɛ kpa o laaboor weri ti a du mu nin ni a ŋɔ di mu kpa un aa nyɛ nara ni. Adaha mu laata kpa mu titi aa tum nan ni.

2 Kɔr. 11:23

Ba ŋɔ ma di ba ya Yesu Kristo tumtumsiwaa? Ma zi ŋɔ di mu zu galɛŋwa, amaa mu daŋni mu ŋɔ ma di mu ya o tumtumnɛ a kaali ba kinkan. Mu funɛ tum tumwa kinkan a nyɛ un. Ba fun a tɔ min dɛ bu damata a kpa vurmsa a tuk min. Mu fun wa dugli siwi bu damata. Mu kaali bau a li kina maga ni kinkan.

2 Kɔr. 3:3

Koosa naa nyɛnɛɛ funɛ kpa o siim weri ti a du ma ni. Chendaha ma chi Kristo tɔn naa ya fun sɔbi chene. Chenani Koosa ya nyɛ ma kaali chenani o fun sɔbi o chiksɛ ta a sak buŋkula ni a nyɛ Mosis saha digi chen.

2 Kɔr. 3:6

Waa la suŋi ya di ya ŋɔ nara ni chenani o wa ba fun bu ya nɔ bɛgim chen a la daŋni o siim weri ti wa nyɛn ba ni. Chenani o ya chen a nyɛ ba ya kibirigi a kaali o chiksɛ naa o fun kpa nyɛ Mosis ni saha digi chen. Nara tiŋ o chiksɛ ta a la tel a bɔ, ba ya sowu. Koosa siim weri ti nyɛn ba bambe ni, ba ka zi kpak miisa naa vɛ kpak bɔu.

2 Kɔr. 4:1

Koosa naa funɛ kpak ya siki chen, funɛ lisi yau di yaa biksi nara kin nama wɛ. Ya wa zi bur gantɛl a li tum naa o kpa nyɛ ya nan.

2 Kɔr. 4:5

Ya wara biksi narawa ya titi wɛ. Ya ka biksi ba Yesu Kristo naa ya ya kunyan ti wɛwa. O daha ya wa ya ma tumtumsa.

2 Kɔr. 4:7

Amaa Koosa funɛ naami ya naa kpak o fitin birigi nɔ kinkan a chi choha tempile, chen ni o zi kotiu a biksi nara di o kpok kinkan nɔ wa li ya ni. O li un nɛɛ.

2 Kɔr. 5:18

Kin nama magawa Koosa fun ya nyɛ ya. Yesu Kristo siwi daha, Koosa wa ya fun bu ya nɔ bɛgim a daŋni ya la ŋɔ nara ni o wɛ, chen ni o wa ba gbanko zi bu ya nɔ bɛgimu.

2 Kɔr. 6:1

Min, Timoti awa Koosa lagmi a tum o tuma. Chendaha ya sumi ma di ma kpa chenani Koosa fun suŋi ma a tum tuma a nyɛ un.

2 Kɔr. 6:4

Ya tum maga yaa biksi nara di ya ya Koosa tumtumsiwa. Ba namsi yau kinkan, amaa ya di ya namsiu wa kanyita ni.

Ɛfɛ. 3:7

Koosa funɛ kpa o kpok tiu a nyɛ min di mu burgi o tumtumna a biksi nara o laaboor weri ti wɛ. O funɛ suŋi minu kinkan hali a la gali. O funɛ ya o papaharɛ.

Kɔl. 1:23

Amaa o lawa maa tiŋ wa wutiu a nyɛ ma se su un nɛnɛ, chen ni kundɔŋ wa to a la zi bur ma gantɛl, a kpak bambi bɛgim a li chenani ma fun te nu Koosa laaboor weri ti chen.

Kɔl. 1:25

Koosa nyɛ mu tum a nyɛ o nitiŋɛ ta ni, chen ni mu zi suŋi bau kinkan. Waa funɛ nyɛ mu ya chen tumtumna a ŋɔ di muu biksi o laaboor weri ti maga hali a wa peti.

1 Tim. 1:12

Mu zaami ya kunyan Yesu Kristo, domi o funɛ lisi minu di mu ya o tumtumna a kpa o kpok ti a nyɛ min di muu tum o tuma.

1 Pita 4:10

Koosa funɛ kpa o papaha kurgɛu a nyɛ ba naa la tiŋ un ni. Ma dɛu kinkin naa o fun nyɛ ma chen a kpa un aa suŋi ma dɔŋtima. Ma maga ya chen, Koosa zi suŋi mau wu damata ni.