1 Kɔr. 3:13 - Tampulma

¹³ Saha naa Kristo wa bur wa, o zi wa kpa dinu a zaamsi chenani nara maga tuma duu. Chen la zi wa biksi a kiwere koo a wa wer.

1 Kɔr. 3:13 Marejeleo ya Msalaba

Mat. 10:15

Ma nu mu sɛm na. Koosa wa wa di o wa di tɛɛnɛ tim maga sɛria, o zi kpak sikiu a li Sɔdɔm awa Gamɔra tima a kaali ba.”

Mat. 16:27

N waa nibine be zi wa bur wau awa Koosa kpok ni awa o malaikasa awa o jirima ni. N wa bur wa, n zi pa nara magau a li ba tum ni.

Luk 2:35

ka ba wu lise naa sogli li gbampulim. I titi bambi zi botiu ka i na namsi kinkan. O zi chi ba kpa chise zenne di ba tau hin.”

Room 2:16

O zi wa chi chenu a wuzu naa Koosa zi wa kpa nara wu sogle maga a li gbampulimu a nyɛ Yesu Kristo di a sɛria. Koosa laaboor weri naa mu biksi a nyɛ nara ni, o biksi nan ni.

Room 2:5

Amaa i si kpoku kinkan. I tuha wa zi chɔk i tum tagna daha. I tum tum tagniwa aa chiŋsi. Koosa wuzu wa tel di o wa di hin sɛria wa wuti, o zi na paanu kinkan a du hin ni a lɛrgi i diŋsa a gbaari.

1 Kɔr. 1:8

Waa la zi kpa o kpok a nyɛ ma maa tiŋ un nɛnɛ, chen ni o wa bur wa, o wa zi bu na ma galimsa.

1 Kɔr. 3:12

Bɔnɛ kpa salma awa aniita wa buŋkula were a naa kpak malɛ kinkan, a wa sa zɔŋ dɛ ti sɛchik ti ni. Bɔnɛ ka kpa daasa awa kɔsa awa kɔlɛ a wa sa zɔŋ dɛ ti sɛchik ti ni.

1 Kɔr. 4:5

Ma ta di sɛria ti lalaknɔ. Ma nyɛ Yesu wa bur wa. O wa wa, o zi kpa nibinsa wu sogle a li gbampulimu a biksi ba muna. O wa ya chen, o zi wa nyɛ ba jirimau a li ba tum were ni.

2 Tim. 1:12

Chendaha ba fun kpak min a la tɔ dɛ ka mu namsi nan. Amaa mu ha vɛɛn kpak bambi kpoku, domi mu zim naa mu si suu. Mu zimu di o zi il o kin nawara o fun kpa a du mu nin ni hali saha naa o wa bur wa.

2 Tim. 1:18

I gbanko zimu nɛnɛ a li chenani o fun suŋi min kinkan a li Ɛfɛsus ni. Ya kunyan ti wa bur wa, o zi kpak un sikiu kinkan.

2 Tim. 3:9

Ba wa zi wa na nyɔɔra kinkan a li ba tum ni. Nara maga zi wa zimu di nibiksɛ na gbanko ya womniwa a chi ba funɛ zim di Janis awa Jambrɛs ya womniwa saha digi.

2 Tim. 4:8

Ya kunyan ti wa bur wa di o di ya sɛria wa wuti, o zi bɔ min mu chimu, domi mu tum tum werewa a nyɛ un. O zi wa ya chenu a nyɛ ba naa maga la daŋni un a la pɔ un di o bur wa.

Ju 10:25

Ya bɔnɛ wara lagmi dɔŋ ni a chi chenani ya fu zi du. Ma ta nyɛ ya tiŋ chenani ba tiŋi. Ya kunyan ti zi bur wa lalaga. Chendaha o lawa yaa kpami dɔŋau kinkan a gbaari.

1 Pita 1:7

Nibinsa yaa kpa salmau a du din ni di o burgi kiweri. Chen vɛɛna, Koosa nyɛ sintana zaamsi ma, chen ni o zi biksi di ma se suuli naa ma kpak un ni, chen ya wutirɛ. Ma se suuli ti Koosa wati, o kaali salma naa la zi wa chɔku. Saha naa Yesu Kristo wa bur wa nara suwachak ni, Koosa tuha zi sɔɔniu wa ya ni ka o zi nyɛ ya o jirima awa o chaani kinkan.

1 Pita 4:12

Mu bi daŋnɛ, ma ta nyɛ o jɛri ma di ma namsi kinkannɛ lalaknɔ.

2 Pita 3:10

Ya kunyan ti wa wa, o kaa wa chi chenani ŋmɛɛr ya wa chene. Chen wuzu ti wa tel, o zi jimu a chi dinful. Buudaha zi wa nyigmiu ka din wa di tɛɛnɛ maga.

2 Pita 3:7

Lalaknɔ Koosa chiŋɛ buudaha awa tɛɛnɛ nɔ maga hali a wuzu naa o kaa di ba naa la tum tum tagna sɛria. O sɛria diili wa peti, o zi kpa dinu a chɔk a maga.

JɔnN Deesi 20:12

Mu fun na tɛɛnɛ nɔ tim maga ba naa funɛ ya nibirige awa ba baa funɛ vɛ yaali ka Koosa lɛli ba a li ba sou ni. Ba funɛ chiŋi o jirima bar kani suwachak nɛɛ. Ba fun puk Koosa mi fali tɔn ti awa tɔni naa ba fun sɔbi ba tuma a du a tuhu ni. O fun di ba sɛria a li chenani ba sɔbi a du tɔni ta ni.