1 Kɔr. 2:14 - Tampulma

¹⁴ Nibine naa vɛ kpak siim weri ti o nyɛn un ni, o vɛ Koosa siim weri ti kinawa. A ya yɔrirɛ o wati ka o vɛ zim a muna.

1 Kɔr. 2:14 Marejeleo ya Msalaba

Mat. 16:23

Yesu fun burgi a ŋɔ Pita ni, “Tur dooni, domi i lisi chi sintannɛ. I tɔ min nyinbaannɛ. Chenani i sɛm chen wa li Koosa wati. A li nibinsa watɛɛ.”

Jɔn 10:20

Ba nidamata fun ŋɔ dɔŋ ni, “Baal nɔ, alizin tagin nyɛn o nyuhu ni ka o zu galɛŋa. Baŋnɛ ma chiŋi a nu di ma ya?”

Jɔn 12:37

O funɛ tum tum zeneu kinkan a li ba suwachak ni, amaa ba nidamata se wa fun su un.

Jɔn 14:17

O wa zi wa nyɛn tɛɛnɛ nɔ tim maga bambe ni, domi ba wa zim di o nyɛnu. Ma ka zim di o nyɛnu, domi o zi wa nyɛn ma bambe niu.

Jɔn 14:26

Mu nyan ti wa tum o siim weri ti di o wa chiŋi mu bar chiŋi ni. Waa la zi biksi ma kin nama maga ma daŋni ma zim aa lisi ma chenani maga mu fun ŋɔ ma.

Jɔn 15:26

“Mu funɛ piin ŋɔ mau di Koosa siim weri naa ya wuti tiina zi biksi nara mu wɛ. Mu wa bur la mu nyan ti wati, mu zi nyɛ o wa ma watiu a wa suŋi ma.

Jɔn 5:44

Ma daŋni ma nyɛ dɔŋ wa jirimarɛ, amaa ma wara daŋni jirima naa Koosa bɛgim ti koti a nyɛ ma. O wa ya beelire ma se vɛ su min.

Jɔn 8:43

Ma wara koti a nu mu biksi ti, domi ma nyinbaan tɔu.

Tuma 16:14

Nihaani tima digi sɔn funɛ ya Lidia ka o nu ya sɛm ta. O yaa funɛ yogli gar naa ya ti bɛgim a laksi kibilima awa kisɛma ka a malɛ kpok kinkan. O funɛ li tɔhɔn naa ba yir Tiataya a li Azia pulum ni. O yaa funɛ jɛɛmi Koosau ka ya kunyan ti puk o bambi di o nu Pɔɔl sɛm ta.

Tuma 17:18

Nibiksɛ ba naa ba yir Ɛpikurian awa Stɔik wa Pɔɔl gbanko funɛ di amɔrɛ. Ba bɔnɛ fun ŋɔ dɔŋ ni, “Nyu bilim tiin nɔ wa zim chenani o biksi chen mun.” Ba bɔnɛ ka fun ŋɔ dɔŋ ni, “O chi o biksi vursa a naa hɔɔra nyɛ a jirima wɛwa.” Ba funɛ sɛm chene, domi Pɔɔl funɛ biksi ba Yesu wɛ awa chenani Koosa fun lɛli un a li o sou ni.

Tuma 17:32

Nihɛɛti ta awa nibiksɛ ta bɔnɛ nu ka Pɔɔl sɛm di Koosa funɛ lɛli Yesu a li o sou ni, ba funɛ mɔmsi un. Bɔnɛ ka fun wa ŋɔ un, “Ya daŋni i bur wa biksi yau a gbaari.”

Tuma 18:15

Ma la sɛm di o biksi ti chɔk ma chire. Ma waa la zi lisi chenani ma zi ya. Mu wa zi di chen sɛria.”

Tuma 25:19

Ba wa un yaa fun piinsa di amɔrɛ a li chenani Ju tim ta jɛɛmi Koosa awa baal naa funɛ sou wɛ. Ba fun ŋɔ di o sɔn ya Yesu. Pɔɔl ka fun ŋɔ di o wa bu sou, amaa Koosa funɛ lɛli unu a li o sou ni.

1 Kɔr. 1:18

Ba naa vɛ Koosa laaboor weri ti Yesu daakakli ti siwi ti wɛ, o wa kpak nyuha ba wati. Ba naa la ya chen tiŋ din dam nyinbaannɛ, amaa ya naa vɛ nyuksi aa tiŋ Koosa, Yesu daakakli ti siwi ti ya Koosa kpok naa o kpa nyɛ ya.

1 Kɔr. 1:21

Ba zima ti wa nyɛ ba zim Koosa. Koosa nyɛ chen ya a li o zimi ni. Amaa o funɛ ŋɔ o zi la ba naa se su o laaboor weri tiu ka ya kpa un a biksi nara chen. Ba naa la tiŋ nibinsa zima ti lisiu di o laaboor weri ti ya yɔrirɛ.

1 Kɔr. 1:23

Amaa ya wa la biksi ba Yesu daakakli ti siwi ti wɛ duŋduŋ. Chen ya tuzɔgrɛ Ju tim ta wati, a vɛɛn ya yɔri a li ba naa maga vɛ ya Ju tim wati.

1 Kɔr. 1:25

Koosa zima naa nibinsa lisi di o ya yɔrirɛ kaali ba zima ti kinkan. Koosa kpok naa nibinsa lisi di o wa kpok kaali ba kpok kinkan.

1 Kɔr. 15:44

Bara naa ba sogli, o ya bara titirɛ, amaa bara fali ti ya siim barawa. Bara titi nyɛnu ka siim bara ka nyɛn.

1 Kɔr. 15:46

Ma zimu di ya wa fun te kpak siim bara. Ya funɛ te kpak bara titirɛ a zi wa kpak siim bara.

1 Kɔr. 2:12

Ya wara tiŋ nibinsa zimirɛ. Koosa funɛ zer o siim weri ti a du ya bambe ni, chen ni ya zi kotiu a zim o siim weri papaha naa o fun kpa nyɛ ya.

1 Kɔr. 3:1

Mu niinbisa, mu wa fun koti a biksi ma a chi chenani mu funɛ biksi ba naa tiŋ Koosa siim weri ti nɛnɛ. O chi maa tiŋ tɛɛnɛ nɔ tim maga nyinbaannɛ. Chendaha mu sɛm ma a chi bichɛsa ba naa nyɛ ba se su Yesu.

Jems 3:15

Nan zima nɔ wa li Koosa wati. O ya tɛɛnɛ nɔ tim maga kinnɛ awa alizin tagna kin.

1 Jɔn 2:20

Amaa Koosa funɛ kpa o siim weri ti a du ma bambe niu ka ma maga kpak zima.

1 Jɔn 2:27

Koosa funɛ kpa o siim weri ti a du ma bambe ni. Chendaha nara wa biksi ma a gbaari o biksi ti ni, o ya yɔrirɛ. Koosa siim weri ti ya naa la zi biksi ma kina maga nyinbaan. O biksi maga ya wutirɛ. Nusuna wa to un ni. Adaha ma nyɛ ma wa Yesu ya nibɛgim a chi chenani Koosa siim weri ti fun a biksi ma chen.

1 Jɔn 5:20

Ya zimu di Koosa be Yesu ti funɛ wa tɛɛnɛ nɔ maga di o wa lɛli ya sewa, chen ni ya zi zim naa ya wuti tiinau. Ya wa o be Yesu Kristo ti ya nibɛgimnɛ. Waa ya Koosa wuti. Waa la nyɛ ya o mi fali naa vɛ kpak bɔ.

Juud 1:19

Nara nama wara tiŋ Koosa siim weri ti nyinbaan, amaa baa ka tiŋ tɛɛnɛ nɔ tim maga nyinbaannɛ. Chendaha ba nyɛ nara purigi dɔŋ ni.