1 Kɔr. 2:13 - Tampulma

¹³ Ya wara sɛm sɛma a li nibinsa zima ti ni. Koosa siim weri ti la biksi ya chenani ya zi sɛm. O sɛmwa ya kpa la biksi ma.

1 Kɔr. 2:13 Marejeleo ya Msalaba

Luk 12:12

Koosa siim weri ti zi biksi ma chenani ma zi sɛmu.”

Tuma 2:4

ka Koosa siim weri ti fun wa si ba bambe ni, a nyɛ ba fun piili a sɛm sɛm naa vɛ ya ba titi sɛma.

1 Kɔr. 1:17

Kristo wa fun tum min di mu wa chaksi narawa. O funɛ tum minu di mu wa biksi Koosa laaboor weri ti a nyɛ nara maga ni. O wara daŋni mu sɛm nibinsa zimarɛ. Mu kpa chen a biksi Yesu daakakli ti siwi wɛ, chen zi tɔ o daakakli siwi ti kpoku.

1 Kɔr. 14:2

Nibine naa la sɛm sɛm kurgɛ, o wa ya di nar nɛɛ o sɛm aa nyɛ, amaa Koosa nɛɛ o sɛm aa nyɛ. A ya wu soglewa o sɛm a li Koosa siim weri ti kpok ti ni, amaa nara wa zim a muna.

1 Kɔr. 2:1

Mu niinbisa, mu funɛ wa ma wati a sɛm Koosa sɛma a naa funɛ sogli ma wati, mu wa fun kpak nɔ lɛma awa nibinsa zima ti a biksi ma.

1 Kɔr. 2:14

Nibine naa vɛ kpak siim weri ti o nyɛn un ni, o vɛ Koosa siim weri ti kinawa. A ya yɔrirɛ o wati ka o vɛ zim a muna.

1 Kɔr. 2:4

Biksi ti maga mu fun biksi ma, o wa fun tiŋ nibinsa zimirɛ di o ya ma lɛmlɛm, amaa Koosa siim weri ti funɛ ya mu sɛm ta sɛhɛra a nyɛ a kpak kpok.

1 Kɔr. 9:11

Chenani ya fun a biksi ma Koosa wɛ nan, o wa deŋli di ya la diwe ma watii?

Ɛfɛ. 5:19

Maa lɔ boola naa Koosa siim weri ti nyɛ ma aa kipɛgi Koosa ma bambe ni saha maga.

Kɔl. 3:16

Ma nyɛ Kristo sɛma nyɛn ma bambe ni nɛnɛ a kpa o zima a biksi dɔŋa a kikpami dɔŋa a lɔ boola naa Koosa siim weri ti nyɛ ma, a kipɛgi Koosa aa kizaami un kinkan.

1 Pita 1:12

Koosa siim weri ti gbanko wa fun biksi o witinsi ta di ba wa tum a nyɛ ba titi nɛɛ, amaa ba tum a nyɛ ma nɛɛ. Koosa fun a tum o siim weri ti a li o tɔhɔn ti ni di o kpa o kpok ti a nyɛ ba naa funɛ wa biksi ma Koosa laaboor weri ti wɛ. O witinsi ta funɛ sɛm o laaboor weri ti wɛu a daŋni ma zim un. Hali Koosa malaikasa daŋni ba zim o laaboor weri ti munu.

2 Pita 1:16

Ya funɛ biksi ma chenani ya kunyan Yesu Kristo zi wa bur wa wa o kpok ni, ya wa fun a ŋɔ mura naa kpak nɛharɛ a nyɛ ma. Ya funɛ ŋɔ ma chenani ya fun na o zenu awa o kpok ti kinkanu wa ya se ni.