1 Kɔr. 16:1 - Tampulma

¹ Ma funɛ sɔbi tɔnnɛ a pɛɛsi min malɛ naa mu daŋni ma la a nyɛ Koosa nara ba naa nyɛn Judia pulum ni chen wɛ. Maa tum chenani mu fun ŋɔ Yesu nitiŋɛ ba naa nyɛn Galesia pulum ni, di baa tum chen.

1 Kɔr. 16:1 Marejeleo ya Msalaba

Tuma 11:28

Ba nidigi sɔn funɛ ya Agabus. Wuzu digi Koosa siim weri ti fun nyɛ o si nara tima suwachak ni a fun te ŋɔ di lɔsa tagin zi wa chelu tɛɛnɛ nɔ maga ni. Bunsi naa Klɔdius fun di Koosi ta nyuhu tiina Siiza chen bambaan nɛɛ, lɔsa tagin ti fun wa chel.

Tuma 11:30

a kpa lagmi dɔŋ ni a du Barnabas awa Sɔɔl nin ni di ba kpa la nyɛ Yesu nitiŋɛ ta nihɛɛti ni dooni.

Tuma 16:6

Pɔɔl awa o kpɛgsa fun gba a la li Frijia awa pulum naa ba yir Galesia. Ba funɛ la tel pulum naa ba yir Azia, Koosa siim weri ti wa fun nyɛ ba nyinbaan di ba zu a biksi Koosa laaboor weri ti dooni.

Tuma 18:23

O funɛ ya tama o fun li dooni a gba a go Frijia awa Galesia pulum a kpami Yesu nitiŋɛ ba naa nyɛn dooni di ba kpak Yesu nɛnɛ.

Tuma 24:17

“Saha naa mu fun nyɛn Jɛrusalɛm ni, o funɛ vusiu ka mu la dooni. Ju tim ta bɔnɛ fun lagmi malɛ a du mu nin ni di mu kpa la Jɛrusalɛm. Mu gbanko fun la dooni di mu jɛɛmi Koosa.

Tuma 9:13

Ananias fun ŋɔ un, “Mu kunyana, nibin damata funɛ ŋɔ min baal ti wɛ awa chenani o nyɛ Koosa nara namsi kinkan a li Jɛrusalɛm ni.

Tuma 9:41

Pita fun kpak o nin a suŋi un o si chiŋi. Doone o fun yir nara tima awa luhaana ba naa funɛ ya Koosa nara, ba zu wa. O fun kpa Dɔɔkas a nyɛ ba.

Room 12:13

Maa suŋi Koosa nara ba naa vɛ kpak kina, a la hɔɔra a du ma damsi ni.

1 Kɔr. 11:34

Lɔsa kpak ma nidigi, o yaa di o dam ni a zi wa. Ma ta di diwe naa vɛ kpak nyinbaan wa ma diili, chen ni Koosa wa zi na paan a du ma ni. Mu wa bur wa ma wati, mu zi biksi ma wɛ naa kaɛɛ.

1 Kɔr. 16:15

Ma zimu di Stɛfanas awa o dam walɛ funɛ te nyɛ ba se su Yesu a li Girik tim pulum ni a fun piinsa tum si sɛm tuma a nyɛ Koosa nara ni.

1 Kɔr. 4:17

Mu zi kpa Timotiu a tum ma wati di o wa biksi ma nyinbaan naa ma zi tiŋ wɛ. Waa ya mu bi daŋni a li Kristo ni a ya wuti tiina. Waa la zi wa lisi ma chenani muu tiŋ aa tum tuma Yesu Kristo wati. Chen nyinbaannɛ mu fun kpa biksi Yesu nitiŋɛ ba naa nyɛn bawu maga ni.

Gal. 1:2

Mu wa ya niinbisa ba naa maga nyɛn bar nɔ, zaami ya dɔŋtima ma naa maga lagmi dooni aa jɛɛmi Koosa a li Galesia pulum ni.

Gal. 2:10

Ba gbanko fun ŋɔ ya di ya suŋi fara tima ba naa ya Yesu nitiŋɛ ta a nyɛn doon pulum ti ni. Mu piin kpak unu mu bambi ni di ya ya chen. Ya wa ba funɛ sɛm peti, ya fun li dooni a kaali Antiɔk.

Faili. 1:5

Nibinsa yaa ŋɔ minu di i si su ya kunyan Yesu kinkan ka ii daŋni ba naa maga tiŋ Koosa nyinbaan. Chendaha mu ya chen.

Faili. 1:7

Mu niinbe daŋni, hin la kpami min a la nyɛ mu tuha sɔɔni kinkan, domi ii daŋni ba naa maga la tiŋ Koosa nyinbaannɛ a la kpami ba.

Ju 6:10

O ya wuti tiinnɛ. O wa zi sugli ma tum were naa ma fun tum a nyɛ un awa chenani ma fun biksi di ma daŋni unu a li ma dɔŋtima suŋi ni. Hali ma ha vɛɛna suŋi ba chene.

1 Jɔn 3:17

Ma ya kin tima a na ma dɔŋtima ka ba namsi ka ma vɛ di ma wa zi suŋi ba, yɛrɛ Koosa daŋni ti kaa nyɛn ma ni?