1 Kɔr. 14:6 - Tampulma

⁶ Mu niinbisa, mu wa wa ma wati a la sɛm sɛm kurgɛ, yɛrɛ mu kaa ya suŋi ma? Mu ya chen ni, mu wa kikoti a sɛm ma chenani Koosa fun biksi min akoo biksi ma zima koo a sɛm ma a li Koosa kpok ti ni koo a nyɛ ma zim Koosa nyinbaan wɛ.

1 Kɔr. 14:6 Marejeleo ya Msalaba

Mat. 11:25

A saha ti Yesu fun sumi Koosa a ŋɔ, “Mu nyana, koor naa dɔ buudaha awa tɛɛnɛ nɔ maga. Kin nawara i fun kpa sogli a li ninɛɛgɛ tim wati chen, i funɛ kpa biksi ba naa ya nyu bilim timwa. N zaami hinu kin nama daha.

Mat. 16:17

Yesu fun ŋɔ un, “Simɔn, Jɔn be, Koosa zi nyɛ i tuha sɔɔniu kinkan. Nibine wa fun koti a biksi hin wuti sɛm naa i sɛm nan, amaa mu nyana naa nyɛn o tɔhɔn ti ni, waa ka funɛ biksi hin.

Mat. 16:26

Nar koti a na tɛɛnɛ nɔ maga lɛmlɛm, baŋ nyɔɔrrɛ o wa di? O wa zi wa na Koosa mi fali ti. Baŋnɛ nibine zi bukoo zer a kpiŋi a na lɛmlɛm titi?

Tuma 2:42

Ba se funɛ sɛriu di nitumɛ ta biksi ba chenani ba zi tiŋ Yesu. Ba fun kpa ba kina a wa bɔni dɔŋa a yaa sumi Koosa a lagmi a di diwe.

Room 15:14

Mu niinbisa, mu kpak bambiu di ma ya nibin werewa kinkan a kpak zima nɛnɛ a koti aa biksi dɔŋa.

Room 16:17

Mu niinbisa, mu sumi mau ma il aa zim ba naa la daŋni ba waligi ma a li dɔŋ ni a bur ma a li Yesu tiŋi ni. Chenani baa biksi awa chenani nara fun te wa biksi ma yo dɔŋa. Ma ta lagmi ba ni.

Room 6:17

Ma nyɛ yaa zaami Koosa. Saha digi ma funɛ kpa ma titirɛ a tum tum tagna saha maga, amaa lalaknɔ maa kpak unu ma bambe ni di ma tiŋ Koosa wuti nyinbaan naa ba fun wa biksi ma chen.

1 Kɔr. 10:33

Maa tiŋ chenani muu tiŋ chen. Kina maga mu ya, mu yaa kpaŋiu di mu sɔɔni nara maga tusa. Mu wara lisi mu duŋduŋ nyɔɔra naali, amaa nidamata nyɔɔra naalirɛ muu lisi, chen ni mu zi kotiu a la ba a nyɛ Koosa ni.

1 Kɔr. 14:1

Ma nyɛ ma se sɛri awa nara daŋni ni. Ma gbanko nyɛ ma se sɛri wa papaha a naa Koosa siim weri ti kpa nyɛ ma ni. Papaha naa nyɛ yaa sɛm Koosa sɛma a li o kpok ti ni, waa kaali a maga.

1 Kɔr. 14:7

Kina nawara vɛ kpak miisa, a waa la biksi ma kin nama. Ba hu lewa akoo ba mo luŋa amaa a kuuli wara li nɛnɛ, yɛrɛ nara tima kaa yaa nu a kuuli ti?

2 Kɔr. 11:6

O ya wutirɛ mu vɛ koti a sɛm sɛma nɛnɛ nara suwachak ni, amaa mu zima wa pɔɔgi min. Mu yaa biksi mau di nan ya wutirɛ.

2 Kɔr. 12:1

Ma nyɛ mu ŋɔ ma tama a gbaari mu titi wɛ ni. Chenani mu zi ŋɔ ma wa zi suŋi ma kinkan, amaa nyinbaan wa to mu zi vɛ sɛm ma. Wuzu digirɛ Koosa fun suŋi min di mu na ya kunyan ti.

2 Kɔr. 12:7

Koosa wa funɛ daŋni mu zer mu titi, domi o funɛ nyɛ mu nu alaazibu sɛmau. Chendaha o fun kpa wichɔɔrta a nyɛ min o wi mu bara ni saha maga. O chi Koosa nyɛ sintana tuksi minu saha maga.

Ɛfɛ. 1:17

chen ni naa ya ya kunyan Yesu Kristo nyana a kpak jirima kinkan, o zi kpa o zimau a nyɛ ma a biksi ma a biksi ma o titi wɛ gbampulim ni, chen ni ma zi zim unu nɛnɛ.

Ɛfɛ. 3:4

Ma bukoo a karimi tɔn naa mu fun sɔbi a nyɛ ma chen, ma zi zim chenani mu zim Yesu Kristo wu sogle mun wɛu.

Filip. Tima 3:15

Ya naa maga la tiŋ Kristo aa kpak un nɛnɛ, ya maga kilisi chen. Ma bɔnɛ vɛ la nɔɔni chenani mu sɔbi chen, Koosa zi suŋi mau ma zim chenani mu biksi ma.

2 Tim. 2:14

Kibiksi kin nama a nyɛ Yesu nitiŋɛ ta ni aa kitɛ ba nin Koosa suwachak ni di ba ta di dɔŋa wa amɔrɛ yɔri yɔri. Ba naa la di amɔrɛ chen ni, ba sɛma zi nyɛ ba naa la nu a chen bur Koosa tiŋi niu.

2 Tim. 3:10

Amaa i chau chenani muu biksi nara nɛɛ awa chenani mu nyɛni du wa chenani mu kpak un a li mu bambi ni di muu tiŋ Koosa. I gbanko zimu di mu si yaa su Koosau ka mu daŋni mu dɔŋtima awa kanyita ni wa chenani mu di mu namsi.

2 Tim. 3:16

Koosa titi fun nyɛ ba naa funɛ sɔbi a li o sɛm tɔn ti ni saha digi chen di ba sɛm ta ya wutiu. O nitiŋɛ ta koti a kpa o sɛm tɔn ti a biksi nara o wuti ti wɛ. Ba gbanko koti a biksi ba chenani baa tum tum tagna awa chenani ba zi gil a a kitum tum were,

2 Tim. 4:2

Mu ŋɔ hinu di o lawa i biksi Koosa laaboor weri ti wɛ aa nyɛ nara ba naa la nu awa ba naa vɛ nuuli ni. I yaa la burgi ba naa la tum tum tagna nyuuna, aa kikpami ba a bur tiŋ Koosa nyinbaan. Saha maga ii biksi ba wa kanyita kinkan ni.

Tait. 3:8

Chenani mu ŋɔ hin, nan ya wutirɛ. Mu daŋni i yaa kibiksi narawa kin nama wɛ kinkan, chen ni ba naa se su Koosa se zi sɛri tum were tumi niu. Ba tum chen, ba zi wa na nyɔɔrau.

Ju 13:9

Nara wa biksi ma a kurgɛ a li chenani ma nihɛɛta fun te biksi ma, ma ta bur wuti nyinbaan ti ni a tiŋ ba. Chiksɛ naa la biksi ma diwe diili wɛ, a wa suŋi ba. Chendaha a vɛ suŋi ma. Chenani Koosa kpa o kpok a nyɛ ma a la suŋi ma, chen kaali ba chiksɛ ta maga kinkan.

2 Pita 1:5

Kin nama daha, ma nyɛ ma se sɛri a gbaari chenani ma se su Koosa. Ma ya nibin were a zim o tutɔ,

2 Pita 3:18

Ma ka nyɛ ya kunyan Yesu Kristo suŋi ma ma wa zim un nɛnɛ aa gbaari. Ma nyɛ ya nyɛ naa funɛ yisi ya a li ya tum tagna ni, jirima kinkan hali saha naa vɛ kpak bɔ. Ami.

2 Jɔn 1:9

Nandigi kpa wu digi a gbaari chenani ya fun biksi ma Kristo wɛ chen, Koosa wa to chen tiin ni. Ma kpak chenani ya funɛ biksi ma Kristo wɛ chen, Koosa awa o be Yesu zi nyɛn ma niu.