1 Kɔr. 14:4 - Tampulma

⁴ Nibine naa la sɛm sɛm kurgɛ, o suŋi o titirɛ, amaa naa la sɛm a li Koosa kpok ti ni, waa la suŋi Yesu nitiŋɛ ta maga.

1 Kɔr. 14:4 Marejeleo ya Msalaba

Maak 16:17

Ba tum nɛɛ ma zi wa zim ba naa se su min. Ba zi koti a kpa mu sɔnu a duŋni alizin tagna a li nara ni a bu sɛm sɛm falɛ,

Room 14:19

Ma nyɛ ya yaa nyini kin nawara nyɛ ya kpak bara sɔɔna awa kin nawara la zi nyɛ ya suŋi dɔŋa a kpak nɛne.

1 Kɔr. 12:10

a nyɛ bɔnɛ kpok di baa tum alaazibu tuma. Bɔnɛ koti aa sɛm Koosa wɛ a li o kpok ti ni, ka bɔnɛ koti aa zim papaha a naa li Koosa wati awa papaha a naa vɛ li o wati. Bɔnɛ sɛm sɛm kurgɛ, ka bɔnɛ koti a biksi a muna aa nyɛ nara ni.

1 Kɔr. 12:28

Koosa nyɛ ma nibɛgim bɛgim tum naa ma zi tum. Koosa nitumɛ ta ya ba naa funɛ te ma suwachak. O witinsa ba naa la mɔɔli o laaboor weri ti, tiŋ o nitumɛ tawa. Koosa nibiksɛ ta gbanko tiŋ ba warɛ. Ba naa la tum alaazibu tuma gbanko tiŋ Koosa nibiksɛ tawa. Ba naa la tiibi nara awa ba naa la suŋi nara, ba gbanko tiŋ ba warɛ. Ba naa ya ba nihɛɛta aa kpami nara ka ba naa la sɛm sɛm kurgɛ gbanko tiŋ ba warɛ.

1 Kɔr. 13:1

Mu koti a sɛm sɛm kurgɛ hali awa malaikasa sɛma a vɛ daŋni nara, mu chɛɛmiu a chi nibine naa ba yaa mo luŋa ka o vɛ zim o mun.

1 Kɔr. 13:2

Mu koti a biksi nara Koosa wɛ nɛnɛ o kpok ti ni, a nɛɛgi kinkan a zim Koosa kisogle a kpak kpok a zi koti a ŋɔ bi ni di o si o bar chiŋi ti ni aa la bar digi. Mu koti aa tum nan maga a vɛ daŋni nara, o ya yɔrirɛ.

1 Kɔr. 14:12

Chenani ma se sɛri wa ma kpak papaha a naa Koosa siim weri ti nyɛ ma, o lawa ma daŋni a naa la zi suŋi Yesu nitiŋɛ ta ba tum tum were a gbaari.

1 Kɔr. 14:22

Koosa funɛ nyɛ nara sɛm sɛm kurgɛ di ba biksi ba naa se vɛ su un di o sɛm ta ya wutiu, amaa o funɛ nyɛ nara sɛm a li o kpok ti ni di ba biksi ba naa se su un di o sɛm ta ya wutiu.

1 Kɔr. 14:26

Mu niinbisa, yɛrɛ mu zi bu a chiksi ma maa zim? Ma wa lagmi dɔŋ ni, ma nibɛgim yaa lisi Koosa pɛgi boola maa lɔ, digi biksi ma, digi ka biksi sɛm sogle naa Koosa biksi un, muna, digi ka sɛm sɛm kurgɛ, ka digi ka biksi a muna. Ma nyɛ a nama maga maa ya chen kisuŋi dɔŋa.

1 Kɔr. 14:3

Amaa naa la sɛm a nyɛ nara ni a li Koosa kpok ti ni, waa la suŋi ba di ba zim Koosa wɛ a la kpami ba a la belimi ba.

1 Kɔr. 14:5

Ma maga kote aa sɛm sɛm kurgɛ, mu fu daŋni chenu. Amaa ma kote aa sɛm a li Koosa kpok ti ni, chen zi sɔɔni mu tuhau kinkan. Nibine naa la sɛm a li Koosa kpok ti ni, waa bɔ wa naa la sɛm sɛm kurgɛ, see o koti a biksi a muna a suŋi Yesu nitiŋɛ ta.