1 Kɔr. 13:2 - Tampulma

² Mu koti a biksi nara Koosa wɛ nɛnɛ o kpok ti ni, a nɛɛgi kinkan a zim Koosa kisogle a kpak kpok a zi koti a ŋɔ bi ni di o si o bar chiŋi ti ni aa la bar digi. Mu koti aa tum nan maga a vɛ daŋni nara, o ya yɔrirɛ.

1 Kɔr. 13:2 Marejeleo ya Msalaba

Mat. 13:11

Yesu fun ŋɔ ba, “Koosa funɛ kpa o koor ti kin naa o fun kpa a sogli chen a chiŋsi a nyɛ ma a li gbampulim ni di ma zim a muna. Amaa o ha wa ya chen a nyɛ ba.

Mat. 17:20

O fun ŋɔ ba, “Ma se wa su min kinkan. Chendaha ma vɛ koti a duŋni un a taali. Ma nyɛ mu ŋɔ ma, ma se suuli awa ‘mastad’ kiduha naa ya kiwewe chen mak dɔŋa, ma zi koti a ŋɔ kuŋkule nɔ ni, si a la bar nɔ. O si a kaali dooni. Chen ni ma zi kotiu a tum tum maga.” ((

Mat. 21:19

Ba funɛ la chene, o fun na bugil naa ba yir ‘fig’ ka o chiŋi nyinbaan nɔ ni. O fun kaali o mun a daŋni o di o nɔna. O ka wa fun na kundɔŋ. Kpachak duŋduŋnɛ o fun kpak. Yesu fun ŋɔ bugil ti ni, “Nandigi wa zi bu di i nɔna zinan wuzu nɔ kpa la saha maga.” Bugil ti kpachaga fun vaan loori ka o sou.

Mat. 21:21

Yesu fun ŋɔ ba, “Ma nyɛ mu ŋɔ ma, ma se su min ka ma vɛ beeli, ma zi wa koti a tum a chi chenani mu ya bugil ti. Hali ma zi wa kotiu a ŋɔ kuŋkule ŋɔ ni di o si a la chiŋi mɔɔga ni. O si a la chiŋi dooni.

Tuma 13:1

Yesu nitiŋɛ ba naa funɛ nyɛn Antiɔk ni, bɔnɛ yaa mɔɔli Koosa laaboor weri ti. Bɔnɛ ka yaa biksi ba o mun. Ba funɛ yir ba sɔna, Barnabas, Simiɔn naa funɛ ya nibin bilim, Lusius naa funɛ li Sairini pulum, Manayɛn naa wa koor Hɛrɔd funɛ lagmi a bi, awa Sɔɔl.

Room 11:25

Mu niinbisa, mu daŋni mu zimu wuti naa Koosa fun biksi ya gbampulim ni, chen ni ma wa zi daŋni sɔn o funɛ lisi ma daha. Wuzu digi ba naa maga vɛ ya Ju tima Koosa fun lisi chen, zi wa o watiu. Hali chen saha ti o zi nyɛ Ju tim nidamata se kpoku.

Room 15:14

Mu niinbisa, mu kpak bambiu di ma ya nibin werewa kinkan a kpak zima nɛnɛ a koti aa biksi dɔŋa.

Room 16:25

Tɔ. Koosa koti a nyɛ ma kpak nɛnɛ a tiŋ laaboor weri naa mu fun a biksi nara Yesu Kristo wɛ. Ma nyɛ ya pɛgi un chen daha. Koosa funɛ te kpa o laaboor weri nɔ a sogli saha digi,

1 Kɔr. 11:4

Ma wa lagmi dɔŋ ni, nibaal naa la sumi Koosa akoo a kpa o siim weri ti kpok a sɛm sɛma a kpa kundɔŋ a tɔ o nyuha, o du Kristo wa hiisau.

1 Kɔr. 12:28

Koosa nyɛ ma nibɛgim bɛgim tum naa ma zi tum. Koosa nitumɛ ta ya ba naa funɛ te ma suwachak. O witinsa ba naa la mɔɔli o laaboor weri ti, tiŋ o nitumɛ tawa. Koosa nibiksɛ ta gbanko tiŋ ba warɛ. Ba naa la tum alaazibu tuma gbanko tiŋ Koosa nibiksɛ tawa. Ba naa la tiibi nara awa ba naa la suŋi nara, ba gbanko tiŋ ba warɛ. Ba naa ya ba nihɛɛta aa kpami nara ka ba naa la sɛm sɛm kurgɛ gbanko tiŋ ba warɛ.

1 Kɔr. 13:1

Mu koti a sɛm sɛm kurgɛ hali awa malaikasa sɛma a vɛ daŋni nara, mu chɛɛmiu a chi nibine naa ba yaa mo luŋa ka o vɛ zim o mun.

1 Kɔr. 13:3

Mu kpa mu kina maga a nyɛ fara tim ni a kpa mu titi a la du din ni a sou Koosa daha a vɛ daŋni nara, o nyɔɔra ya baŋa?

1 Kɔr. 13:8

Sɛm naa ba yaa sɛm a li Koosa kpok ti ni a nyɛ nara ni, a zi wa kpak bɔu wuzu digi. Sɛm kurgɛ ta ba yaa sɛm a li Koosa kpok ti ni, a zi wa gilu wuzu digi. Zima naa nara kpak, o gbanko zi wa gilu wuzu digi. Amaa daŋni wa kpak peti.

1 Kɔr. 14:29

Koosa witinsa ba naa la zi sɛm a li Koosa kpok ti ni, ma nyɛ ba ya nara balɛ akoo nara batora duŋduŋ nyɛ ba dɔŋtima kani a nu ba sɛm tima nɛnɛ aa kilisi a maga wɛ.

1 Kɔr. 14:39

Mu niinbisa, ma nyɛ ma se sɛri a kisɛm Koosa sɛma a li o kpok ti ni. Amaa ma ta tɔ ba naa la sɛm sɛm kurgɛ chen nyinbaan.

1 Kɔr. 14:4

Nibine naa la sɛm sɛm kurgɛ, o suŋi o titirɛ, amaa naa la sɛm a li Koosa kpok ti ni, waa la suŋi Yesu nitiŋɛ ta maga.

1 Kɔr. 15:51

Maa nu. Mu zi biksi ma Koosa wu bɛgim sogli wɛu. Ya maga laata kaa sou. Amaa ya sitɛɛ akoo ya wa siti, wuzu digi Koosa zi wa chɛrgi ya maga barau bu bɛgim.

1 Kɔr. 16:22

Nibine naa vɛ daŋni ya kunyan ti, Koosa zi ŋɔ nɔu a nyɛ un. Ya kunyana, kuwa.

1 Kɔr. 4:1

O weru di ma la yir ya Yesu tumtumsi chen. Koosa funɛ kpa o wu sogle a du ya nisa ni. Ya ka kpa a aa biksi nara.

1 Kɔr. 7:19

Ba teŋ un o ya yɔrirɛ. Ba vɛ teŋ un, chen gbanko ya yɔrirɛ. Amaa Koosa nɔ tiŋi ya wu birigi.

1 Kɔr. 8:4

Ma nyɛ ya bur gantɛl a la sela a naa ba yaa kɔrigi a nyɛ vursi ni. Ya zimu di vursa wa to tɛɛnɛ nɔ maga ni a kpak miisa. Ya zimu di Koosa bɛgim duŋduŋ nyɛnɛɛ.

2 Kɔr. 12:11

Ma muksi minu di mu sɔbi a nyɛ ma a chi mu ya wom. Yɛrɛ ma bɔnɛ vɛ nyɛ min jirima? Mu titi kpok ti ya yɔrirɛ, amaa mu wara tiŋ nusun nibiksɛ ba naa ma lisi di ba wa ya nibirige, gantɛl.

Gal. 5:16

Maa nu mu sɛma. Ma ta tiŋ ma titi daŋnɛ ta, amaa ma nyɛ Koosa siim weri ti kpa o kpok ti a nyɛ ma ma tiŋ un nɛnɛ.

Gal. 5:22

Amaa Koosa siim weri ti ka nyɛn ma ni, o zi nyɛ maa daŋni dɔŋau a kinyɛ ma tu sɔɔna awa bara sɔɔna saha maga. O zi nyɛ ma kpak kanyitau a tum tum were a nyɛ nara ni a ya nibin were a ya wuti tima,

Gal. 6:3

Nar lisee di o ya nibin zenne a vɛ yaali, o mur o titirɛ.

Ɛfɛ. 3:4

Ma bukoo a karimi tɔn naa mu fun sɔbi a nyɛ ma chen, ma zi zim chenani mu zim Yesu Kristo wu sogle mun wɛu.

Ɛfɛ. 6:19

Ma gbanko kisumi Koosa mu daha, di o nyɛ mu bambi kpok mu biksi nidamata o laaboor weri ti wɛ. O laaboor weri nɔwa, o fun kpa sogli hali wa zinan o kpa un a li gbampulim ni.

Kɔl. 1:26

O laaboor weri ti funɛ sogliu nara wati saha digi. Amaa lalaknɔ Koosa funɛ kpa unu a li gbampulim a nyɛ o nara zim un.

1 Tim. 3:16

Wuti naa funɛ sogli ka Koosa lisi un a li gbampulim, yɛrɛ o zen mak. Yesu Kristo fun wa burgi nibine, ka Koosa siim weri ti fun biksi nara tima di chenani o ŋɔ o titi wɛ chen ya wutirɛ. Koosa malaikasa funɛ nyini un ka Koosa wa lɛli un a li o sou ni a zini o tɔhɔn ti. O nitiŋɛ ta fun a mɔɔli o laaboor weri ti bar damata ni ka nara se su un.

1 Jɔn 4:8

Koosa ya daŋni tiina. Chendaha naa vɛ daŋni o dɔŋtiina, o wa zim un.