1 Kɔr. 13:13 - Tampulma

¹³ Adaha kina tora nyɛnɛɛ a ya wu birige. A waanɛ, si suuli, bambi bɛgim kpaki, awa daŋni. Amaa daŋni kaali a maga.

1 Kɔr. 13:13 Marejeleo ya Msalaba

Luk 10:27

Baal ti fun ŋɔ un, “Ba funɛ sɔbiu di nibine daŋni o na miisa naa vɛ kpak bɔ, o lawa o daŋni Koosa awa o bambi awa o siima, awa o lisi, awa o kpok maga ni. Ba gbanko funɛ sɔbiu di o lawa o daŋni o dɔŋtimau a chi chenani o daŋni o titi chen.”

Luk 22:32

N funɛ sumi Koosa a nyɛ hinu di chenani i si su min wa zi bur gantɛl hali a wa peti. Sintana wa zaamsi hin, i zi chelu, amaa i burɛɛ a tiŋ min nɛnɛ, n daŋni i chiŋi i dɔŋtima gantɛl nɛɛ.”

Room 15:13

Ma se su Koosa naa ya bambi bɛgim tiina. Chendaha o zi nyɛ ma tu sɔɔna awa bara sɔɔna kinkan, chen ni ma bambi bɛgim naa ma kpak un ni zi zenu aa gbaari a li o siim weri ti kpok ni.

1 Kɔr. 14:1

Ma nyɛ ma se sɛri awa nara daŋni ni. Ma gbanko nyɛ ma se sɛri wa papaha a naa Koosa siim weri ti kpa nyɛ ma ni. Papaha naa nyɛ yaa sɛm Koosa sɛma a li o kpok ti ni, waa kaali a maga.

1 Kɔr. 16:14

Maa tum ma tum maga aa nyɛ nara ni awa daŋni ni.

1 Kɔr. 3:14

Din ti wa bu kaa vɛ koti a chɔk nar tuma, Koosa zi wa bɔ tum nawara o fun tumu.

1 Kɔr. 8:1

Ma funɛ sɔbi tɔnnɛ a pɛɛsi min sela a naa ba yaa kɔrigi a nyɛ vursi ni chen wɛ. Mu zim di ya maga kpak Koosa zima ti a chi chenani ma sɛm, amaa zima nyɛ nara zer ba titi. Amaa yaa daŋni dɔŋa, chen la zi suŋi ya.

1 Kɔr. 8:3

amaa nar la daŋni Koosa, warɛ Koosa zim.

2 Kɔr. 5:10

Ya wa siti, ya maga zi la Kristo suwachaku di o di ya sɛria. Chenani ya fun a tum tum were koo tum tagna a li ya lalaknɔ bara ni, chene o zi wa bɔ ya chim.

2 Kɔr. 5:15

O funɛ sou chene, chen ni ba naa la o mi fali ti wa zi bu tiŋ ba titi tutɔ, amaa ba zi tiŋ unu naa funɛ sou a si o sou ni ba daha.

Gal. 5:6

Domi ya wa Kristo ya nibɛgimnɛ, Koosa baga wa to di nara teŋsi yau koo ba wa teŋsi. Amaa o ka daŋni kinkannɛ di ya se su un, chen ni ya zi daŋni dɔŋau.

Filip. Tima 1:9

Nannɛ muu sumi Koosa ma daha. Mu sumi unu di ma zi wa zim unu wuti ni a kidaŋni dɔŋa kinkan aa gbaari,

Kɔl. 1:27

O funɛ ya o tutɔrɛ o biksi o wu sogli nɔ mun a nyɛ o nara ni. Waa sir ya wu weri kinkan ba naa vɛ ya Ju tim chen wati. Nan ya o wu sogli ti. Kristo ti nyɛn ma ni. Chendaha ma kpak bambi bɛgim di wuzu digi Koosa zi wa kpa a li o jirima niu a nyɛ ma.

Kɔl. 1:5

Ma funɛ te nu Koosa laaboor weri naa ya wuti, Ɛpafras fun biksi ma di ma kpak bambi bɛgim di wuzu digi Koosa zi wa kpa kiwere naa o fun kpa chiŋsi o tɔhɔn ti ni chenu a nyɛ ma. Chendaha ma se su Yesu ka maa daŋni nara kinkan.

Kɔl. 3:14

Maa daŋni dɔŋa a kaali kina maga. Maa daŋni dɔŋa, ma zi kotiu a tum kin nama maga.

1 Tɛs. 1:3

Yaa ŋɔ ya kunyan Koosau chenani maa tum o tuma domi ma se su un. Maa tumu hali a wa ku, domi maa daŋni unu kinkan aa tiŋ un wa kanyita ni.

1 Tɛs. 5:8

Ya chi fitin tima, ma ta nyɛ ya dɛɛsi chen. Ma nyɛ ya se suuli a kidaŋni nara a kpak bambi bɛgim di Koosa zi yisi yau a li ya tum tagna ni hali a wa peti. Ya ya chen ni, sintana wa zi nyaŋi ya.

1 Tim. 1:5

Mu ŋɔ hin nannɛ, chen ni ya tusa zi chaaniu ka ya kpak tuha bɛgim wa Koosa ni ka ya se su un wuti ya daŋni nara maga.

2 Tim. 1:7

Siim weri naa Koosa fun kpa nyɛ ya chen, o wa nyɛ ya ɔm wa bambi kpaki ni, amaa o nyɛ ya o kpok ti, chen ni ya zi kotiu a daŋni nara a ya bambi tima.

Ju 10:35

Maa tiŋ nɛnɛ a chi chenani ma fun a tiŋ saha digi chen a ta bur gantɛl. Ma ya chen, Koosa zi wa bɔ ma ma chimu kinkan.

Ju 10:39

Ya wa ya chen tima. Ya waa wa zi bur gantɛl a li Koosa ni o na ya galimsa a ta ya yɔri. Ya waa se ka zi su unu a la, chen ni wuzu digi o zi wa yisi yau a li ya tum tagna ni hali a wa peti.

Ju 6:11

Ya daŋni kinkan di ma kpak un ma bambe ni di maa suŋi ba hali ma nyɛni saha wa peti. Maa ya chen, chen ni ma bambi bɛgim naa ma kpak Koosa ni chen, zi ya wutiu.

Ju 6:19

Ya bambi bɛgim nɔ chiŋɛu. O wa zi chɛrgi. O chi nyinbaannɛ yaa tiŋ a la di ya la zu Koosa bar nyɛni naa o fun lisi a nyɛ o titi ni a li o tɔhɔn ti ni.

1 Pita 1:21

Kristo funɛ sou a li o daakakli ti ni, Koosa fun lɛli un a li o sou ni a kpa o jirima awa o chaani kinkan a du un ni. O daha ma se su Koosau ka ma kpak bambi bɛgim un ni.

1 Jɔn 2:10

Amaa naa la daŋni o dɔŋtima, o waa nyɛn bar chaani ti nɛɛ. Kundɔŋ wa to dooni a la zi nyɛ o chel.

1 Jɔn 2:14

Nibahɛɛta, ma waa piin zim naa funɛ nyɛn dooni a li piili ti niu. Bunɔɔna, mu sɔbi nannɛ a nyɛ ma domi ma kpak kpoku a vɛɛn kpak Koosa sɛma ma bambe gbanko ni. Chendaha ma fun nyaŋi sintana.

1 Jɔn 2:24

Ma ta suglɛ biksi naa ma fun te nu chen. Ma nyɛ chen nyɛn ma bambe ni, ma wa ya kunyana Koosa awa o be Yesu zi ya nibɛgimu.

1 Jɔn 3:3

Adaha ba naa maga kpak chen bambi bɛgim, ba zi kpak unu ba bambe ni di ba ya tu chaan tima a chi chenani Yesu ya tu chaan tiin chen.

1 Jɔn 3:9

Ba naa maga ya Koosa bisa, ba tum tum tagin, ba tusa wa yaa sɔɔni tum tagin ti daha. Koosa fun kpa o mi fali ti a du ba ni di ba ya o bisa. Chendaha ba tusa wara sɔɔni.