1 Kɔr. 13:1 - Tampulma

¹ Mu koti a sɛm sɛm kurgɛ hali awa malaikasa sɛma a vɛ daŋni nara, mu chɛɛmiu a chi nibine naa ba yaa mo luŋa ka o vɛ zim o mun.

1 Kɔr. 13:1 Marejeleo ya Msalaba

Mat. 25:45

N zi bukoo ŋɔ bau, ‘Wutirɛ n ŋɔ ma, saha naa maga ma wa vɛ suŋi mu gantɛl tiŋsi ta hali ba bichɛl tiina, ma vɛ mu suŋirɛ.’

Maak 16:17

Ba tum nɛɛ ma zi wa zim ba naa se su min. Ba zi koti a kpa mu sɔnu a duŋni alizin tagna a li nara ni a bu sɛm sɛm falɛ,

Room 14:15

O ya di ma diwe daharɛ ma nyɛ ma dɔŋtima bɔnɛ tusa chɔk, ma wara tiŋ nyinbaan daŋni ti. Kristo fun sou a nyɛ ba. O wa werwa ma chɔk ba chenani ma di diwe daha.

1 Kɔr. 12:10

a nyɛ bɔnɛ kpok di baa tum alaazibu tuma. Bɔnɛ koti aa sɛm Koosa wɛ a li o kpok ti ni, ka bɔnɛ koti aa zim papaha a naa li Koosa wati awa papaha a naa vɛ li o wati. Bɔnɛ sɛm sɛm kurgɛ, ka bɔnɛ koti a biksi a muna aa nyɛ nara ni.

1 Kɔr. 12:16

Nibine diŋna gban ŋɔɛɛ di o wa ya si, chendaha o wa to o bara ni, o sunu. O wa ya si, amaa o gbanko nyɛn o bara nɛɛ.

1 Kɔr. 12:8

Koosa bɛgim siim weri ti funɛ nyɛ bɔnɛ wa nɛha sɛma a nyɛ bɔnɛ kpak zima.

1 Kɔr. 13:8

Sɛm naa ba yaa sɛm a li Koosa kpok ti ni a nyɛ nara ni, a zi wa kpak bɔu wuzu digi. Sɛm kurgɛ ta ba yaa sɛm a li Koosa kpok ti ni, a zi wa gilu wuzu digi. Zima naa nara kpak, o gbanko zi wa gilu wuzu digi. Amaa daŋni wa kpak peti.

1 Kɔr. 14:2

Nibine naa la sɛm sɛm kurgɛ, o wa ya di nar nɛɛ o sɛm aa nyɛ, amaa Koosa nɛɛ o sɛm aa nyɛ. A ya wu soglewa o sɛm a li Koosa siim weri ti kpok ti ni, amaa nara wa zim a muna.

1 Kɔr. 14:4

Nibine naa la sɛm sɛm kurgɛ, o suŋi o titirɛ, amaa naa la sɛm a li Koosa kpok ti ni, waa la suŋi Yesu nitiŋɛ ta maga.

1 Kɔr. 14:5

Ma maga kote aa sɛm sɛm kurgɛ, mu fu daŋni chenu. Amaa ma kote aa sɛm a li Koosa kpok ti ni, chen zi sɔɔni mu tuhau kinkan. Nibine naa la sɛm a li Koosa kpok ti ni, waa bɔ wa naa la sɛm sɛm kurgɛ, see o koti a biksi a muna a suŋi Yesu nitiŋɛ ta.

1 Kɔr. 8:1

Ma funɛ sɔbi tɔnnɛ a pɛɛsi min sela a naa ba yaa kɔrigi a nyɛ vursi ni chen wɛ. Mu zim di ya maga kpak Koosa zima ti a chi chenani ma sɛm, amaa zima nyɛ nara zer ba titi. Amaa yaa daŋni dɔŋa, chen la zi suŋi ya.

2 Kɔr. 12:4

Mu funɛ zu dooni, mu funɛ nu sɛmau a naa mu vɛ koti a sɛm ma.

Gal. 5:22

Amaa Koosa siim weri ti ka nyɛn ma ni, o zi nyɛ maa daŋni dɔŋau a kinyɛ ma tu sɔɔna awa bara sɔɔna saha maga. O zi nyɛ ma kpak kanyitau a tum tum were a nyɛ nara ni a ya nibin were a ya wuti tima,

Gal. 5:6

Domi ya wa Kristo ya nibɛgimnɛ, Koosa baga wa to di nara teŋsi yau koo ba wa teŋsi. Amaa o ka daŋni kinkannɛ di ya se su un, chen ni ya zi daŋni dɔŋau.

1 Tim. 1:5

Mu ŋɔ hin nannɛ, chen ni ya tusa zi chaaniu ka ya kpak tuha bɛgim wa Koosa ni ka ya se su un wuti ya daŋni nara maga.

1 Pita 4:8

O ya wu birigirɛ di ma kpak si sɛm a daŋni dɔŋa kinkan. Yaa daŋni dɔŋa kinkan ka ya dɔŋtima tum tum tagna a du ya ni, o wa zi muksi ya.

2 Pita 2:18

Ba sɛma la biksi ya di ba ya womniwa a la daŋni sɔna. Saha maga ba yaa sɛm sɛm lɛmawa a nyɛ nara ni a mur ba di baa tum chɔkumsi tuma. Nara nama piili di ba tiŋ Koosa nyinbaan ti a gil ba naa la tum tum tagna.

JɔnN Deesi 14:2

Mu fun nu ta kpok a li Koosa tɔhɔn ti ni a chi ni chuuri gbɛntɛl ni awa nasɛha jimi kinkan. Ta ta gbanko funɛ chi nidamata la mo gɔnjisa.