1 Kɔr. 11:23 - Tampulma

²³ Nannɛ ya kunyan Yesu fun biksi min mu fun kpa un a nyɛ ma. Dusum nɛ Judas fun li ya kunyan Yesu gantɛl, o wa o gantɛl tiŋsi ta fun lagmi a di diwe. O fun kpa boroboro,

1 Kɔr. 11:23 Marejeleo ya Msalaba

Mat. 26:17

Wuzu zen wuzu naa Ju tima funɛ yir val la gali ti chen wa tel. A wuzu ti ba yaa fun piili a se boroboro naa ba vɛ du luri chen. Yesu gantɛl tiŋsi ta fun wa o wati a wa pɛɛsi un, “Leene i daŋni ya la a la saksi val la gali ti diwe ta i wa di?”

Mat. 26:2

“Wuzu zen naa Ju tima yir val la gali ti chen wa tel wuzu bilɛ wuzu. A wuzu ti wa tel, ba zi wa kpa n waa nibine beu a du ba naa la zi kpaasi min a mari daakakli ti ni mu sou nisa niu.”

Mat. 26:34

Yesu fun ŋɔ, “Nyɛ n ŋɔ hin. Dusum nɔ i zi te tɔ butorau di i wa min wa zim dɔŋa, ka zimal zi yeli.”

Mat. 28:20

Ma biksi ba baa tiŋ kin naa maga n fun biksi ma chen. Ma lisi nan. Mu zi nyɛn ma watiu hali tɛɛnɛ nɔ maga siili saha wa tel.”

Luk 22:17

Doone Yesu fun zer gbakmi di o nyɔ kinyɔɔli a sumi Koosa a du un ni a kpa nyɛ ba a ŋɔ, “Ma kpa a purigi a nyɛ dɔŋ ni.

Tuma 20:7

Asibri wuzu zaazɔn ya wa Yesu nitiŋɛ ba naa funɛ nyɛn Troas ni, fun lagmi a di diwe. Ya funɛ di peti, Pɔɔl fun si a ŋɔ ya ni. O funɛ sɛm chene hali tɔhɛɛsa. Chɔɔsa zi wa pisi, o funɛ daŋni ya li dooni. Chendaha o fun sɛm a vusi.

1 Kɔr. 10:16

Ya wa lagmi di ya lisi ya kunyan ti siwi we, kinyɔɔli naa ya sumi Koosa a du a kpa nyɔ chen, ya wa yaa lisi o chɛl naa funɛ li a suŋi ya chenee? Boroboro naa ya yaa kpa se chen, ya wa yaa lisi o bara naa funɛ sou a suŋi ya chenee?

1 Kɔr. 15:3

Wu birigi zen naa mu fun la Koosa wati chen, mu funɛ kpa biksi mau. Waa nɛɛnɛ. Yesu funɛ sou ya tum tagna daharɛ a chi chenani Koosa sɛm tɔn ti fun sɛm di o zi wa tumu saha digi chen.

Gal. 1:1

Min waa, Pɔɔl, la sɔbi tɔn nɔ a nyɛ ma. Nara wa fun lisi min di mu ya nitumi, amaa Yesu Kristo awa ya kunyana Koosa naa lɛli un a li o sou ni, funɛ lisi min.

Kɔl. 3:24

Ma tum a nyɛ ya kunyana Yesu Kristo nee. Wuzu digi waa la zi wa bɔ ma ma chim a kpa kin nawara o fun kpa chiŋsi a nyɛ ma.

1 Tɛs. 4:2

Ma zimu di ya kunyan Yesu kpok nyɛn chenani ya fun biksi ma chen ni.