1 Kɔr. 10:23 - Tampulma

²³ Ma bɔnɛ yaa ŋɔ dɔŋ ni, “Ya kpak nyinbaanu wa yaa ya kina maga ya daŋniu.” Amaa kina maga laata la suŋi ya di ya tiŋ Koosa aa gbaari.

1 Kɔr. 10:23 Marejeleo ya Msalaba

Room 14:15

O ya di ma diwe daharɛ ma nyɛ ma dɔŋtima bɔnɛ tusa chɔk, ma wara tiŋ nyinbaan daŋni ti. Kristo fun sou a nyɛ ba. O wa werwa ma chɔk ba chenani ma di diwe daha.

1 Kɔr. 14:12

Chenani ma se sɛri wa ma kpak papaha a naa Koosa siim weri ti nyɛ ma, o lawa ma daŋni a naa la zi suŋi Yesu nitiŋɛ ta ba tum tum were a gbaari.

1 Kɔr. 14:17

Ma zaami nɛnɛ, amaa ba bambe wa to ma wati.

1 Kɔr. 14:26

Mu niinbisa, yɛrɛ mu zi bu a chiksi ma maa zim? Ma wa lagmi dɔŋ ni, ma nibɛgim yaa lisi Koosa pɛgi boola maa lɔ, digi biksi ma, digi ka biksi sɛm sogle naa Koosa biksi un, muna, digi ka sɛm sɛm kurgɛ, ka digi ka biksi a muna. Ma nyɛ a nama maga maa ya chen kisuŋi dɔŋa.

1 Kɔr. 6:12

Ma bɔnɛ yaa ŋɔ dɔŋ ni, “Ya kpak nyinbaanu ya ya kina maga ya daŋniu.” Amaa mu ŋɔ ma di kina maga la ta wer wa ya. Ya wa zi la nɔɔni a nyɛ kin nama dɔ ya.

1 Kɔr. 8:1

Ma funɛ sɔbi tɔnnɛ a pɛɛsi min sela a naa ba yaa kɔrigi a nyɛ vursi ni chen wɛ. Mu zim di ya maga kpak Koosa zima ti a chi chenani ma sɛm, amaa zima nyɛ nara zer ba titi. Amaa yaa daŋni dɔŋa, chen la zi suŋi ya.

1 Kɔr. 8:9

Amaa ma doso. Ma vɛ chi a a la se vursa namsa, ma ta nyɛ ma yaali ti mur ba naa ŋɔ di namsi ta zi nyɛ ma dɔŋu, a wa chel.

2 Kɔr. 12:19

Ma lisi di ya kɔɔri ya sɔniwa ma wati a li tɔn nɔ nii? Chen wa ya wuti. Koosa dɔ ya ya sɔbi sɛm naa Yesu Kristo fun kpa nyɛ ya. Mu bi daŋnɛ, ya tum tagna la zi suŋi ma.

Ɛfɛ. 4:29

Ma ta sɛm nɔ tagna a nyɛ dɔŋ ni, amaa ma nyɛ ma sɛm maga suŋi a kpami ba naa maga la nu a.

1 Tɛs. 5:11

Nan daha, ma kpami dɔŋa aa kisuŋi dɔŋa a chi chenani ma piinsa ya.

1 Tim. 1:4

Ŋɔ ba di ba kpa ba mura awa ba nawaalsa sɔn biksi a ta, domi a wa nyɛ nara di dɔŋa amɔrɛ saha maga. Chenani baa tum wa nyɛ nara se su Koosa awa o wuti biksi ti.