1 Kɔr. 1:9 - Tampulma

⁹ Koosa ya wuti tiina. O funɛ yir ma chen di o nyɛ ma wa o be Yesu Kristo ya chɛnsiwa.

1 Kɔr. 1:9 Marejeleo ya Msalaba

Mat. 24:35

Buudaha awa tɛɛnɛ zi wa petiu wuzu digi, amaa mu sɛma wa zi kut peti.”

Jɔn 17:21

Kisuŋi ba ba ya nɔ bɛgim dɔŋ ni. Mu nyana, i wa min ya nibɛgimnɛ. Suŋi ba ba wa zim ya a gbaari, chen ni tɛɛnɛ nɔ tim maga se zi su di hin funɛ tum min ba wati.

Room 11:17

Ju tim ta chi bugil naa Koosa fun chɔɔsirɛ. Ba yir un ‘ɔlif’. Koosa fun a teŋsi o hulsi ta bɔnɛ a ta a kpa ma a chiŋsi a bar chiŋɛ ni. O funɛ ya chene, chen ni ma wa o hulsi ta zi lagmi dɔŋ niu a la weri naa la li luti ta ni.

Room 8:28

Ya zimu di saha maga Koosa nyɛ kina maga burgi kiwere a nyɛ ba naa la daŋni un ni. O funɛ ya o tutɔrɛ o yir ba di ba wa o wati. Chendaha oo tum chen.

Room 8:30

Koosa fun yir ba naa o fun te lisi di ba wa o wati. Ba funɛ wa o wati, o wa fun bu na ba galimsa o wati a sɛm di wuzu digi o zi zer ba buudahau a nyɛ ba jirima.

Room 9:24

Ya waa ya ba naa o fun tum chen nyɛ. Ya naa ya Ju tim ta awa ma naa vɛ ya Ju tima, waa funɛ yir ya di ya wa o wati.

1 Kɔr. 1:30

amaa Koosa funɛ nyɛ ma wa Yesu Kristo ya nibɛgim, a nyɛ o zima ti ya ya zima. Kristo daha, Koosa wa zi bu na ya galimsa o suwachak ni. Waa dɔ ya a fun la ya nyuuna a nyɛ ya.

1 Kɔr. 10:13

Sintana zaamsi nibine magau di ba tum tum tagna. Chenani o zaamsi ba, o zaamsi ma gbankou. Amaa Koosa ya wuti tiina. O wa zi nyɛ wu zaamsɛ a naa kaali ma kpok, wa pu ma, chen ni ma wa zi wa chel. O zi nyɛ ma kpoku ma kpak kanyita wa wu zaamsɛ ni a yisi ma a li a ni.

1 Kɔr. 10:16

Ya wa lagmi di ya lisi ya kunyan ti siwi we, kinyɔɔli naa ya sumi Koosa a du a kpa nyɔ chen, ya wa yaa lisi o chɛl naa funɛ li a suŋi ya chenee? Boroboro naa ya yaa kpa se chen, ya wa yaa lisi o bara naa funɛ sou a suŋi ya chenee?

2 Kɔr. 1:18

Koosa ya mu sɛhɛra tiina di mu wa ya chen tiina. Mu ya nibine naa ya wuti tiinnɛ.

Gal. 1:15

Amaa Koosa funɛ te lisi min di mu ya o tumtumna ka ba zi lul min. O funɛ te yir a suŋi min,

Gal. 2:20

chen ni mu wa zi bu nyɛn, amaa Kristo kinyɛn min ni. Mu si su Koosa be naa la daŋni min a fun sou mu daha. Chene muu tiŋ lalaknɔ.

Ɛfɛ. 3:6

Ma nyɛ mu biksi ma a muna. Ba naa vɛ ya Ju tima nyɛ ba se su Koosa laaboor weri ti, ba wa Ju tim ta ya nɔ bɛgim a bɔni Koosa papaha naa o fun vɔu di o nyɛ Ju tim ta ni chen. Ba wa Yesu Kristo ya nibɛgimnɛ a zi la kin naa maga Koosa fun vɔu di o nyɛ ba naa se su Yesu Kristo ni.

Kɔl. 1:24

Min ya o laaboor weri naa ba kpa aa biksi bar damati ni, tumtumna. Mu chiŋɛ ma bar chiŋi ni a namsi lalaknɔ ma daha, amaa mu tu sɔɔniu. Kristo funɛ nyɛn tɛɛnɛ nɔ maga ni, o fun a namsi kinkan o nitiŋɛ ba naa chi o bara chen daha. Mu namsu a gbaari un ni.

1 Tɛs. 2:12

Ya funɛ belimi mau a la kpami ma a ŋɔ ma di ma tum tum naa la zi sɔɔni Koosa tuha. Waa ya naa funɛ yir ma di ma wa zu o koor ti. O wa ma zi wa bɔni o jirima awa o chaaniu wuzu digi.

2 Tɛs. 2:14

Ya funɛ wa biksi ma Koosa laaboor weri ti wɛ, o fun a yir ma, chen ni wuzu digi ma zi wa bɔni ya kunyan Yesu Kristo jirima awa o chaaniu kinkan.

2 Tɛs. 3:3

Amaa ya kunyan ti ya wuti tiina. O zi kpa o kpoku a nyɛ ma a yisi ma a li tum tagna naa sintana tum a du ma ni.

2 Tim. 1:9

Koosa funɛ yir ya di ya ya o titi nara a fun yisi ya a li ya tum tagna ni yaa tiŋ un. O wa fun ya chen di ya ya nibin werewa daha. Ya wa Yesu Kristo ya nibɛgimnɛ. Chendaha o funɛ ya Koosa tutɔrɛ a li o piili ni o suŋi ya chen.

2 Tim. 2:13

Ya vɛ ya wuti tima, o waa ya wuti tiinnɛ saha maga. O wa koti a vɛ o titi.”

Tait. 1:2

Wuti biksi nɔ daha, ya kpak bambi bɛgim di o zi wa kpa o mi fali naa vɛ kpak bɔu a nyɛ ya. Koosa naa ya wuti tiina, funɛ te vɔu di o kpa o mi fali nɔ a nyɛ ya a zi naami tɛɛnɛ nɔ maga.

Ju 10:23

Ya se su di chenani o fun vɔu a nyɛ ya chen, zi ya wutiu. Ma nyɛ ya kpak chenani ya ŋɔ nara ni di ya kpak bambi bɛgim un niu nɛnɛ.

Ju 11:11

Abraham haan, Sara, funɛ hɛɛsiu a vɛ koti a lul be. Amaa o si funɛ su di Koosa zi kpa o kpoku a nyɛ un o lul a tum chenani o fun vɔu chen.

Ju 2:17

Ju tim ta bɔnɛ funɛ ya Koosa dam kɔkɔɔrsa ba naa yaa kɔɔri kɔɔra a nyɛ Koosa ni, chen ni o zi lisi o nara tum tagnau a li ba ni. Yesu fun burgi a chi ya naa ya o niinbisa, chen ni o zi ya ya Koosa dam kɔkɔɔrau a kpak ya siki a nyɛ ya wa Koosa ya nɔ bɛgim. O wa fun bur gantɛl a li chenani Koosa funɛ daŋni o tum ni.

Ju 3:1

Mu niinbisa, Koosa funɛ yir ma a lisi a nyɛ o titi ni. Ma lisi Yesu naa ya se su wɛ. Koosa funɛ tum un di o wa ya ya Koosa dam kɔkɔɔra.

Ju 3:14

Ma lisi chenani ma se fun te su Kristo, ka ma fun wa zim un. Ma kpak un chen nɛnɛ hali ma nyɛni maga wa peti, ma zi wa bɔni o kinau wuzu digi.

Ju 6:18

Koosa ya wuti tiina a vɛ chɛrgi o bambi. Chenani o fun kpa o sɔn ti a gbaari o vɔu ti ni kpami ya kinkan. Ya naa funɛ chɔ la Koosa wati di o suŋi ya koti a kpak nɛnɛ a li chenani ya kpak bambi bɛgim ni di o zi wa kpa o kinau a nyɛ ya wuzu digi.

1 Pita 5:10

Ma namsi tama wa peti, Koosa naa la suŋi ma kina maga ni, zi kɔɔri ma kpoku kinkan. O funɛ yir mau di ma wa un bɔni o jirima naa vɛ kpak bɔ kinkan, domi ma wa Kristo ya nibɛgimnɛ.

1 Jɔn 1:3

Ya daŋni ya biksi ma kin naa maga o yarɛ ya fun na a nu, chen ni ya wa ma zi lagmiu a li sɛm nan ni. Ya wa Koosa awa o be Yesu Kristo ya maga kpak nɔ bɛgimnɛ.

1 Jɔn 1:7

Amaa ya nyɛ ya tusa chaani a chi chenani Koosa tuha chaani chen, ya wa ya dɔŋtima zi kpak nɔ bɛgimu ka Koosa be Yesu chɛl zi yisi ya doŋ magau a li ya ni.

1 Jɔn 4:13

Ya zimu di o nyɛn ya watiu ka ya gbanko nyɛn un ni, domi o siim weri naa o fun kpa a nyɛ ya, waa kut nyɛn ya wati.

JɔnN Deesi 19:11

Doone mu fun nyini a na ka Koosa tɔhɔn ti bulzɔɔnɔ puk, ka zaag pilim chiŋi dooni. Ba funɛ yir naa la zini un chen, wuti tiina awa naa tiŋ o ŋɔ. O yaa funɛ la laal ni saha maga a la di o dɔma sɛria awa chenani deŋlee ni.