1 Kɔr. 1:27 - Tampulma

²⁷ Koosa tutɔ nɛɛ o fun lisi ba naa nibinsa yir womna di ba filimi nibin nɛɛgɛ ta, a lisi ba naa nara funɛ ŋɔ di ba wa kpak kpok di ba filimi ba naa kpak kpok.

1 Kɔr. 1:27 Marejeleo ya Msalaba

Mat. 11:25

A saha ti Yesu fun sumi Koosa a ŋɔ, “Mu nyana, koor naa dɔ buudaha awa tɛɛnɛ nɔ maga. Kin nawara i fun kpa sogli a li ninɛɛgɛ tim wati chen, i funɛ kpa biksi ba naa ya nyu bilim timwa. N zaami hinu kin nama daha.

Mat. 21:16

Ba fun wa zulimi un a ŋɔ, “I wara nu chenani baa zaami hin chenn?” Yesu fun la nɔɔni a pɛɛsi ba, “Ma funɛ karimi chenani ba fun sɔbi a li Koosa sɛm tɔn ti ni a ŋɔ, ‘Koosa funɛ lisi bichɛsa awa bichɛl wisa a nyɛ o titi ni di ba pɛgi un.’ ”

Mat. 9:9

Yesu fun bu si a li dooni. O funɛ la chene, o fun na baal naa ba yir Matiu chen. O funɛ kani lampo bar laali nɛɛ a la lampo ti. Yesu fun ŋɔ un, “Si a tiŋ min aa wa.” O fun gil o tuma a si tiŋ un a kaali.

Luk 21:15

Min kaa wa biksi ma chenani ma kaa wa la sɛm awa nɛha ni, chen ni ma dɔma wa zi wa koti a vɛ ma sɛma a tɔ di laaboor weri ti wa deŋli.

Tuma 17:18

Nibiksɛ ba naa ba yir Ɛpikurian awa Stɔik wa Pɔɔl gbanko funɛ di amɔrɛ. Ba bɔnɛ fun ŋɔ dɔŋ ni, “Nyu bilim tiin nɔ wa zim chenani o biksi chen mun.” Ba bɔnɛ ka fun ŋɔ dɔŋ ni, “O chi o biksi vursa a naa hɔɔra nyɛ a jirima wɛwa.” Ba funɛ sɛm chene, domi Pɔɔl funɛ biksi ba Yesu wɛ awa chenani Koosa fun lɛli un a li o sou ni.

Tuma 7:35

“Ju tim nara balɛ ta Mosis fun gɔɔgi chen fun te ŋɔ un di o wa dɔ ba a kpak nyinbaan ti di o di ba sɛria. Koosa fun tum un di o bu bur kila Ju tima ba naa funɛ vɛ un, wati a nyɛ o malaika naa o na a li bugil pum din ti ni chen suŋi un o ya ba nyuhu tiina awa naa la zi yisi ba.

Tuma 7:54

Stivin funɛ sɛm peti chen, o sɛm ta fun zu ba naa nu chen, bambe ni. Ba paan fun si kinkan a du un ni,

1 Kɔr. 1:20

Ba naa la tiŋ tɛɛnɛ nɔ tim maga zima, ba wa zim Koosa. Koosa nyɛ tɛɛnɛ nɔ tim maga zima ti ya yɔriu.

1 Kɔr. 1:21

Ba zima ti wa nyɛ ba zim Koosa. Koosa nyɛ chen ya a li o zimi ni. Amaa o funɛ ŋɔ o zi la ba naa se su o laaboor weri tiu ka ya kpa un a biksi nara chen. Ba naa la tiŋ nibinsa zima ti lisiu di o laaboor weri ti ya yɔrirɛ.

1 Kɔr. 2:12

Ya wara tiŋ nibinsa zimirɛ. Koosa funɛ zer o siim weri ti a du ya bambe ni, chen ni ya zi kotiu a zim o siim weri papaha naa o fun kpa nyɛ ya.

2 Kɔr. 10:10

Mu funɛ piin sɔbiu di ma bɔnɛ ŋɔ di mu funɛ nyɛn ma wati, mu funɛ ya jɛrgɛrɛ ka mu sɛma ya yɔri. Mu funɛ bol a sɔbi ma, tɔni ta maga funɛ suu wa sɛm kpoka ni.

2 Kɔr. 4:7

Amaa Koosa funɛ naami ya naa kpak o fitin birigi nɔ kinkan a chi choha tempile, chen ni o zi kotiu a biksi nara di o kpok kinkan nɔ wa li ya ni. O li un nɛɛ.

Jems 2:5

Mu bi daŋnɛ, maa nu. Koosa funɛ lisi fara tima a li tɛɛnɛ nɔ maga ni di ba se su un kinkan a wa dɔ o koor naa o fun vɔu di o kpa nyɛ ba, domi ba waa la daŋni un. Chendaha ba ya kin tima Koosa suwachak ni.