1 Kɔr. 1:17 - Tampulma

¹⁷ Kristo wa fun tum min di mu wa chaksi narawa. O funɛ tum minu di mu wa biksi Koosa laaboor weri ti a nyɛ nara maga ni. O wara daŋni mu sɛm nibinsa zimarɛ. Mu kpa chen a biksi Yesu daakakli ti siwi wɛ, chen zi tɔ o daakakli siwi ti kpoku.

1 Kɔr. 1:17 Marejeleo ya Msalaba

Jɔn 4:1

Farisi tim ta fun nu di nidamata liu a tiŋ Yesu a nyɛ o chaksi ba wa ni ni a kaali chenani ba li la Jɔn wati. Yesu titi wa fun a chaksi nara ta, amaa o funɛ nyɛ o gantɛl tiŋsi ta wa tum chen.

Tuma 10:48

Doone o fun ŋɔ ba di ba la kpa Yesu sɔn a chaksi ba wa ni ni. Doone ba fun sumi Pita o nyɛn ba wati wuzu bilɛ.

1 Kɔr. 2:1

Mu niinbisa, mu funɛ wa ma wati a sɛm Koosa sɛma a naa funɛ sogli ma wati, mu wa fun kpak nɔ lɛma awa nibinsa zima ti a biksi ma.

1 Kɔr. 2:13

Ya wara sɛm sɛma a li nibinsa zima ti ni. Koosa siim weri ti la biksi ya chenani ya zi sɛm. O sɛmwa ya kpa la biksi ma.

2 Kɔr. 1:12

Ya tusa sɔɔniu domi ya zimu di ya ha wa tiŋ tɛɛnɛ nɔ tim maga zima. Koosa ka suŋi ya di ya nyɛn wa tu chaana awa tu bɛgim ni nara maga suwachak ni. Ya wa ma funɛ nyɛn chen, ya fun doso a kaali chenani ya fun nyɛn.

2 Kɔr. 10:10

Mu funɛ piin sɔbiu di ma bɔnɛ ŋɔ di mu funɛ nyɛn ma wati, mu funɛ ya jɛrgɛrɛ ka mu sɛma ya yɔri. Mu funɛ bol a sɔbi ma, tɔni ta maga funɛ suu wa sɛm kpoka ni.

2 Kɔr. 11:6

O ya wutirɛ mu vɛ koti a sɛm sɛma nɛnɛ nara suwachak ni, amaa mu zima wa pɔɔgi min. Mu yaa biksi mau di nan ya wutirɛ.

2 Kɔr. 4:2

Ya wa fun tum tum tagna a sogli di ya na hiisa. Ya wa fun la mur nara. Ya wa fun kpa ya titi biksirɛ a gbaari chenani Koosa fun biksi ya ni. Yaa ka biksi nara o wuti a li gbampulim nɛɛ saha maga, chen ni nara maga zi la nɔɔniu ba bambe ni di ya waa ya Koosa nitiŋɛ ta.

2 Pita 1:16

Ya funɛ biksi ma chenani ya kunyan Yesu Kristo zi wa bur wa wa o kpok ni, ya wa fun a ŋɔ mura naa kpak nɛharɛ a nyɛ ma. Ya funɛ ŋɔ ma chenani ya fun na o zenu awa o kpok ti kinkanu wa ya se ni.