Methali 14:31 - Swahili Revised Union Version - SRUVDC

³¹ Amwoneaye maskini humsuta Muumba wake; Bali yeye awahurumiaye wahitaji humheshimu.

Matoleo zaidi

Biblia Habari Njema

³¹ Anayemdhulumu maskini anamtukana Muumba wake, lakini amwoneaye huruma mhitaji anamtukuza Mungu.

Biblia Habari Njema - BHND

³¹ Anayemdhulumu maskini anamtukana Muumba wake, lakini amwoneaye huruma mhitaji anamtukuza Mungu.

Biblia Habari Njema: Toleo la Kujifunza

³¹ Anayemdhulumu maskini anamtukana Muumba wake, lakini amwoneaye huruma mhitaji anamtukuza Mungu.

Neno: Bibilia Takatifu

³¹ Yeye anayemdhulumu maskini humdharau Muumba wao, bali yeyote anayemhurumia mhitaji humheshimu Mungu.

Neno: Maandiko Matakatifu

³¹ Yeye amwoneaye maskini huonyesha dharau kwa Muumba wao, bali yeyote anayemhurumia mhitaji humheshimu Mungu.

Methali 14:31 Marejeleo ya Msalaba

Yobu 24:4

Humgeuza mhitaji aiache njia; Maskini wa nchi hujificha pamoja.

Zaburi 12:5

Kwa ajili ya kuonewa kwao wanyonge, Kwa ajili ya kuugua kwao wahitaji, Sasa nitasimama, asema BWANA, Nitamweka salama yeye wanayemfyonya.

Methali 14:21

Amdharauye mwenzake afanya dhambi; Bali amhurumiaye maskini ana heri.

Methali 17:5

Amchekaye maskini humtukana Muumba wake; Naye aufurahiaye msiba hatakosa adhabu.

Methali 19:17

Amhurumiaye maskini humkopesha BWANA; Naye atamlipa kwa tendo lake jema.

Methali 22:16

Yeye awaoneaye maskini ili kuongeza mapato, Naye ampaye tajiri, hupata hasara.

Methali 22:2

Tajiri na maskini hukutana pamoja; BWANA ndiye aliyewaumba wote wawili.

Methali 28:8

Yeye azidishaye mali yake kwa riba na faida, Humkusanyia mtu awahurumiaye maskini.

Mhubiri 5:8

Ujapokuwa unaona maskini kuonewa, na hukumu na haki kuondolewa kwa jeuri katika jimbo, usilistaajabie jambo hilo; kwa sababu, Aliye Juu kuliko walio juu huangalia; Tena wako walio juu kupita hao.

Walawi 25:17

Wala msidanganyane; lakini utamcha Mungu wako; kwa kuwa mimi ndimi BWANA, Mungu wenu.

Walawi 25:35

Na ikiwa ndugu yako amekuwa maskini, na mkono wake umelegea kwako, ndipo utamsaidia, atakaa nawe kama mgeni, na msafiri.

Yohana 12:8

Kwa maana maskini mnao sikuzote pamoja nanyi; bali mimi hamko nami sikuzote.

Kumbukumbu la Torati 24:14

Usimwonee mtumishi mwenye ujira aliye maskini na uhitaji, kama ni wa nduguzo, au kama ni wageni wako mmojawapo walio katika nchi yako, ndani ya malango yako;

1 Yohana 4:21

Na amri hii tumepewa na yeye, ya kwamba yeye ampendaye Mungu, ampende na ndugu yake.