Kumbukumbu la Torati 32:29 - Swahili Revised Union Version - SRUVDC

²⁹ Laiti wangekuwa na akili, hata wakafahamu haya, Ili watafakari mwisho wao.

Matoleo zaidi

Biblia Habari Njema

²⁹ Wangekuwa na hekima wangejua kwa nini walishindwa, wangeweza kuelewa mwisho wao utakuwaje.

Biblia Habari Njema - BHND

²⁹ Wangekuwa na hekima wangejua kwa nini walishindwa, wangeweza kuelewa mwisho wao utakuwaje.

Biblia Habari Njema: Toleo la Kujifunza

²⁹ Wangekuwa na hekima wangejua kwa nini walishindwa, wangeweza kuelewa mwisho wao utakuwaje.

Neno: Bibilia Takatifu

²⁹ Laiti wangekuwa na hekima wangefahamu hili, na kutambua mwisho wao utakuwaje!

Neno: Maandiko Matakatifu

²⁹ Laiti wangekuwa na hekima wangefahamu hili, na kutambua mwisho wao utakuwa aje!

Kumbukumbu la Torati 32:29 Marejeleo ya Msalaba

Zaburi 107:15

Na wamshukuru BWANA kwa fadhili zake, Na maajabu yake kwa wanadamu.

Zaburi 107:43

Aliye na hekima na ayaangalie hayo; Na wazitafakari fadhili za BWANA.

Zaburi 81:13

Laiti watu wangu wangenisikiliza, Na Israeli angeenenda katika njia zangu;

Zaburi 90:12

Basi, utufundishe kuzihesabu siku zetu, Tujipatie moyo wa hekima.

Isaya 10:3

Nanyi mtafanya nini siku ya kujiliwa, na wakati wa uangamivu, utakaokuja kutoka mbali sana? Je! Mtamkimbilia nani mpate msaada? Na utukufu wenu mtauacha wapi?

Isaya 42:23

Ni nani miongoni mwenu atakayetega sikio lake kuyasikia hayo? Atakayesikiliza na kusikia kwa wakati ujao?

Isaya 47:7

Ukasema, Mimi nitakuwa malkia milele; hata hukuyatia hayo moyoni mwako, wala hukukumbuka mwisho wa mambo hayo.

Yeremia 17:11

Kama kware akusanyaye makinda asiyoyaangua, ndivyo alivyo mtu ajipatiaye mali, wala si kwa haki, katikati ya maisha yake itamtoka, na mwisho wake atakuwa mpumbavu.

Yeremia 5:31

Manabii wanatabiri uongo, na makuhani wanatawala kwa msaada wa hao; na watu wangu wanapenda mambo yawe hivyo. Nanyi mtafanya nini mwisho wake?

Maombolezo 1:9

Uchafu wake ulikuwa katika marinda yake; Hakukumbuka mwisho wake; Kwa hiyo ameshuka kwa ajabu; Yeye hana mtu wa kumfariji; Tazama, BWANA, mateso yangu; Maana huyo adui amejitukuza.

Hosea 14:9

Ni nani aliye na hekima, naye atayafahamu mambo haya? Ni nani aliye na busara, naye atayajua? Kwa maana njia za BWANA zimenyoka, nao wenye haki watakwenda katika njia hizo; bali waasio wataanguka ndani yake.

Hagai 2:18

Tafakarini, nawaomba; tangu siku hii ya leo na siku zijazo; tangu siku ya ishirini na nne ya mwezi wa tisa, naam, tangu siku hiyo ulipowekwa msingi wa hekalu la BWANA tafakarini haya.

Luka 12:20

Lakini Mungu akamwambia, Mpumbavu wewe, usiku huu wa leo wanataka roho yako! Na vitu ulivyojiwekea tayari vitakuwa vya nani?

Kumbukumbu la Torati 31:29

Kwa sababu najua baada ya kufa kwangu mtajiharibu kabisa, na kukengeuka katika njia niliyowaamuru; nayo mabaya yatawapata siku za mwisho, kwa vile mtakavyofanya maovu machoni pa BWANA kumtia kasirani kwa kazi ya mikono yenu.

Kumbukumbu la Torati 5:29

Laiti wangekuwa na moyo kama huu ndani yao sikuzote, wa kunicha, na kushika amri zangu zote sikuzote, wapate kufanikiwa wao na watoto wao milele!