Yuhana 17:15 - Senoufo Supyire

¹⁵ Mii ɲyɛ na mu ɲáare maa pi lwɔ́ a yige naha diɲyɛŋi i mà dɛ, mii na mu ɲáare ma raa pi kàanmucaa Sitaanniŋi na.

Yuhana 17:15 Marejeleo ya Msalaba

Ziiŋi 48:16

Kile Mɛlɛkɛŋi u à mii shwɔ kawagii puni na ke, Uru u jwó le mpii pyìibil'á. Mpii pyìibii pi mii mɛge pyi ku kwôro shi, Mii tulyage Ibirayima ná mii tuŋi Ishaka mɛge kà mpîni mɛ. Pi tùluge ku ɲyaha ɲìŋke na.»

Macwo 5:37

Kani ndemu ká mpyi “Ɔɔn” kyaa ke, yii jwo “Ɔɔn” ndemu sí ká mpyi “Ɔnhɔ” wuu ke, yii jwo “Ɔnhɔ” kàaga baa. Mpemu ká ntaha puru na ke, pur'à fworo Sitaanniŋi i.

Macwo 6:13

Ma hà yaaga yaha ku wuu yyaha kɛ̂ɛnŋɛ kapegil'á mɛ, maa wuu shwɔ Sitaanniŋi na. [Ɲaha na yɛ mu u ɲyɛ fànhe ná síŋi ná pèentefoo, fo tèekwombaa. Amiina.]”

Luka 11:4

Wuu kapegigii yàfa wuu na, ɲaha na yɛ wuu maha wuu shinɲɛɛbii wogigii puni yàfani pi na. Ma hà yaaga yaha ku wuu yyaha kɛ̂ɛnŋɛ kapegigil'á mɛ.”»

Luka 22:32

Ŋka mii à Kile ɲáare mu kurugo, bà mu si mpyi si ŋkwôro Kile kuni i mɛ. Mu aha maye cɛ̂ɛge ma kapyiini na, si núru raa ma mii yyére tèni ndemu i ke, ma a màban le ma cìnmpyiibii dánafeebil'e.»

Galati Shiinbii 1:4

Yesu Kirisita u à uye kan mà pyi sáraga si wuu kapegigii yàfa wuu na, bà wuu si mpyi si fworo ŋge diɲyɛŋi nimpiŋi karigii puni i mà tàanna ná Tufooŋi Kile ɲyii wuuni i mɛ.

2 Tesaloniki Shiinbii 3:3

Ŋka Kafooŋi na ɲyɛ ɲwɔmɛɛ niŋkinfoo, u sí fànhe kan yii á, si yii shwɔ Sitaanniŋi na.

2 Timɔti 4:8

Numɛ Kafooŋi Yesu à mii tafɛɛre sàraŋi yaha mii yyaha na nìɲyiŋi na, mii sí ntìiŋi kajaɲjwooni ta. U à tíi, u sí sùpyire puni sâra sí n‑tàanna ná pi kapyiiŋkil'e diɲyɛŋi canŋkwɔge. Mii kann'á bà u sí uru sàraŋi kan mɛ, shin maha shin u à bégel'a u tèenuruni sige ná funntange e ke, pire puni sí uru sàraŋi ta.

1 Yuhana 5:18

Wuu à li cè na shin maha shin u ɲyɛ Kile pyà ke, urufoo ɲyɛ na uye yare kapegigii mpyiŋi yahare e mɛ, ɲaha na yɛ Kile Jyaŋi maha urufoo saɲcwɔnŋi sigili, lire kurugo Sitaanniŋi sì n‑jà yafyin pyi urufoo na mɛ.

1 Yuhana 5:19

Wuu à li cè na wuu na ɲyɛ Kile wuu, diɲyɛŋi sùpyire sannte sí ɲyɛ Sitaanniŋi fànhe ɲwɔh'i.