Yoane 16:33 - Wapongte Mic-Yowa Gbolicne

³³ Ngenge nala kwele-mogungkolec ganingte yowa yago edocngebagabac. Aime ngenge himongtowa yagowa doic sugucnehac ngagelu gadaingte. Aime nabac himongtowa yagolec tapili biyachac ewaliiba. Ilec ngenge kwelenginengte tapili mi wadaic.”

Yoane 16:33 Marejeleo ya Msalaba

Mataio 9:2

Hikeme yenge ngic monic hige-moleine homaicne dembengka lolu tengkelu kwesiibong. Kwesibong Yesudi ngage-ngagesingngineng nganilu ngic-puling yanguc edowec, “Madecne, ga kwelegone madickena, bikicgone yogo biyac hegilegelegabac.”

Luka 19:38

“Ngictau Sugucnele wacka welegac, ye mimi-madicineholec. (Mige 118:26) Honocmengka kwele-mogung fame sawawa wilini wacine feicne fadaic.”

Luka 2:14

“Wapong, wac feicne, wileng honocmengka fadaic. Aime himongka yengela kwele-mogung fadaic. Wapongti ngic kwele-efec aiyelegac.”

Yoane 12:31

Yakumacbac Wapongti himongtowa yagolec ngic-ngigac mimoctocebadaicte. Ailu himongtowa yagolec ngictau baickedaicte.

Yoane 14:1

“Ngenge kwelengineng mi umaledaic. Ngenge Wapong ngagesingkelu, na inguchac ngagesingnudabiyeng.

Yoane 14:27

Na kwele-mogungka locngebalu hikedacte. Aime kwele-mogungne logabac, yogodi ngengela fagidaicte. Himongtowa yagolec ngic-ngigac yengi kwele-mogung yelecaigaing, kwele-mogungne yogo ingucne miyac. Ilec ngenge kwele-umac mi badaing. Ailu hangoc mi aidaing.

Yoane 16:11

Nga mimocto-mimoctole fungine yogo yanguc, himongtowa yagolec ngictau ye yowawa biyachac wawewec.

Salecebaicne 14:22

Hikelu iwa macsoc mic-tengtengfocine kpaducebalu ngage-ngagesingkolec ganingte mibasanang aiyeleiboc. Aiyelelu yanguc sanangne edocebaiboc, “Nongileng Wapongte ngani-damongka fenogale aibeng, doic haicine monic-monic fikenoleme ilec kwelina gadabelengte.”

Salecebaicne 23:11

Balebong deboc iwahac Sugucnedi Pol fikecnolu yanguc edowec, “Ga ngageboc mikac sanangne domadamec. Ga Yerusalem yawa nale pasile ailu fungine miyengka yegengkewec, yogo ingucnehac Roma taonka miyengka yegengkedaic.”

Salecebaicne 27:22

Aime yanguc edocngebabe, nongileng hewackacni monicti mi miyac aidaicte. Ilec kwelengineng mi wadaic. Lac-wagedi sugubac kwosockedaicte.

Salecebaicne 27:25

Ilec ngic yago ngenge kwelengineng madickena. Wapongti yowa edocnugac, inguc fikedaicte, yogo ngagesingkegabac.

Salecebaicne 9:31

Aime Yesule habu Yudeya nga Galili ailu Samaria prowins iwa gaibong, yengela kwele-mogung fikewec. Fikeme gaebongka Yesule habu sugulelu Sugucne alang bacnolu kweledi dofickelu afeibong. Aime Tili Asudi mibasanang aiyelewec.

2 Korin 1:3

Sugucnenonggeng Yesu Kristo yele Mamac Wapong, ye mimitengineholec. Yedi Mamacnonggeng ailu ye nongileng kweleine sowalecaigac. Ailu ye Wapongnonggeng ailu baba-sanang sasawa, yogolec fileine.

2 Korin 13:11

Ngic hae-gbafocne, na yowa mimoctolu yanguc migabac, ngenge beliyelu Kristoholec wetackelu sugule-sanangkedabiyeng. Ailu kwelengineng basanangkelu ngage-ngage moniyangka galu kwele-mogung bafuwadabiyeng. Inguc aibong Wapong, kwele-angac nga kwele-mogung fileinedi, ngengeholec gadaicte.

2 Korin 2:14

Aime Wapongti hudu ewalime nonge Kristoholec wetackelu gabeng bacnubame damengsoc yeicne alingka mengocnubame nganibong yogodi feicne aigac. Inguc aime macsoc hikebeng, Yesule siduc yogo hoine madicne ailu yogodi bolenonggang fikelu hikecaigac. Ilec Wapongte kwele-madic micnogabeleng!

2 Korin 4:7

Nongileng sanangne miyac, yogo hebec ingucne gagabeleng. Aime Wapongte wac feicne yogolec tapili feicnebenang. Ailu yogo moneng-mafa ingucne kwelenonggang loicne fagac. Tapilitowa yogo yelacni kwesicaigac, yogo nongelacni miyac. Aime ngic-ngigac yengi yogo ngage-motoningte yedi yogo kwelenonggang lowec.

2 Korin 6:4

Ailu Wapongte mole-baficfocine gagabeleng, yogo aibabanonggeng sasawa ngic-ngigac edalicebalu fangkelu feina sanangnehac gagabeleng. Nonge doicka sanangke-benangkelu umac haicine monic-monic bafuwabeng, umacti hefecnubame gacaigabeleng.

2 Korin 7:4

Na hangoc mikac yowa edocngebalu ngengele ngagebe feicne aime micaigabac. Ailu nonge umac haicine monic-monicte feina gaebengka ngengi nonge basanangnubaibong. Ilec belic-belic sugucnehac ngagegabac.

Galata 1:4

Ye Mamacnonggeng Wapongte ngage-ngage nga angacine balaibelu nongileng bikicte ailu yeicne gagaine hegilewec. Inguc ailu kindololo dameng yanguctihac gagabeleng, yogowacni baicnubanale gagaine hegilewec.

Galata 6:14

Aime nani wiyac monicte ngagelu wacne mi bafedacte, miyacbenang. Sugucnenonggeng Yesu Kristole malicpongte wac sugu bafedacte. Yogolec ailu himongte gaga yogo webong nala homame naneicne himongte gagawa wecnubong homaiba, ingucne ngagegabac.

Filipai 4:7

Inguc aiyebongka Wapongte kwele-mogungti ngage-ngage-motoc sasawa ewaligac, yogodi kwelengineng nga ngage-ngagenginengte asa bame, Kristo Yesuholec wetackelu gadaingte.

Kolosi 1:20

Ye Madecinele inguc ngagelu wiyac sasawa himongka nga honocmengka fagaing, yogo Wapongkolec kwele-moniyang ainale ngagewec. Inguc ngagewecte Madecinele sac malicpongka wame homawec, yogodi balu wiyac sasawa bamadickeme kwele-mogung fikewec.

1 Tesalonika 3:4

Ngic yengi weyebic ainoledaingte, yogo biyachac ngengeholec galu edocngebaibeng. Aime yogo biyachac fikewec, ngenge yogo ngagegaing.

1 Tesalonika 3:7

Ngic hae-gbafocnonggeng, nonge kwele-umac nga doic sugucne ngageebengka ngengele ngage-ngagesingte yowa-siducti nongele kwele basanangkewec.

2 Tesalonika 3:16

Sugucne kwele-mogung fileine ye yeuctihac damengsoc yefe haicine monic-monicka kwele-mogung ngeledaic. Ye sasawa ngengeholec gadaic.

2 Timoti 3:12

Aime ngic-ngigac sasawa Kristo Yesuholec wetackelu Wapong alang bacnolu ganingte ngagegaing, yenge inguchac weyebic aiyeledaingte.

Hibru 11:25

Ye bikicte kwele-madic ngagelu dameng bangkacnemac ganale mi aicnowec. Ye Wapongte ngic-ngigac yengeholec umac balu ganale ngageme madickewec.

Hibru 7:2

Edome Abrahamti woc-wiyacine sasawa huduwacni bawec, iwacni 10kacni moniyang heuckelu Melikisidek lacnowec. Aime Melikisidek yele wacinele fungine yogo yanguc, “Gaga dondonnele ngictau.” Ailu hatacmac “Salem taonte ngictau” yogolec fungine “kwele-mogungte ngictau.”

1 Pita 5:9

ngage-ngagesingnginengti Aleng Sugucnenginengte yowa wepackedaing. Wepackelu yanguc ngagedaing, ngage-ngagesingkolec ngic hae-gbafocngineng himongne himongne gagaing, yenge doic ingucnehac ngagelu gagaing.

1 Yoane 2:13

Mamac, ngenge ngic esecne fungina molickelu gawec, ailu gagac, ngenge ye biyachac ngageibongte ailu hibi yago kwelengkengelegabac. Ailu soc-gboli ngic, ngenge Kindololo fileine biyachac ewaliibongte ailu, hibi yago kwelengkengelegabac.

1 Yoane 4:4

Adu-madecfocne, ngenge Wapongtacni. I yangucte, ye ngengele kwelewa ngiyegac, yele tapilidi Kindololo fileine himongtowa yagowa gagac, yele tapili ewaligac. Ilec ailu ngenge siduc-mimi ngic kwesacine biyachac ewalicebalu gagaing.

1 Yoane 5:4

Ngic-ngigac Wapongtacni fikeibong, yenge sasawadi gbelong ailu himongtowa yagolec tapili ewaligaing. Aime nongileng ngage-ngagesingkolecti gbelong ailu himongtowa yagolec tapili sasawa ewalinoga.

Miyegengkeicne 12:11

Ngic hae-gbafocnonggeng yenge Lama madecinele sac nga Sugucnele yowa mibong yegengkewecte gbelong ailu Aleng Sugucnengineng huduwa ewaliibong. Ailu yengileng kwelenginengti gaganginengte ngagebong feicne mi aime homacte mi hangocebawec.

Miyegengkeicne 3:21

“Na hudu welu gbelong ailu febe Mamacneholec yele ngictaule ngiye-ngiyewa ngiyecaigabelec. Silicine ingucnehac monicti hudu welu gbelong aidaicte, ye nani ngictaule ngiye-ngiyene lacnobe noke momoc ngiyedabelecte.

Miyegengkeicne 7:14

Uwaneleme ameine yanguc edoiba, “Sugucnene, gageuc ngagegic.” Inguc mibe yedi yanguc edocnuwec, “Ngic-ngigac yago yenge doic sugucnebenang yogowacni kwesilu ngakpingineng dalicne Lama madecinele sacti suwebong kwalac-kwalac aigac.