Mataio 6:12 - Wapongte Mic-Yowa Gbolicne

¹² Aime nonge ngic yengele bikic hegilegabeleng, silicine ingucnehac ga nongele bikicte ameine hegilenolenong.

Mataio 6:12 Marejeleo ya Msalaba

Mataio 26:28

Nale sac yogodi dodofic gbolicne, yogo ngic-ngigac bocyac yengele bikic miyac aime madickeningte ailu sotingkeicne.

Mataio 9:2

Hikeme yenge ngic monic hige-moleine homaicne dembengka lolu tengkelu kwesiibong. Kwesibong Yesudi ngage-ngagesingngineng nganilu ngic-puling yanguc edowec, “Madecne, ga kwelegone madickena, bikicgone yogo biyac hegilegelegabac.”

Mareko 11:25

“Aime ngenge domalu milockecaigaing, dameng iwa monicte ngaba me wiyac ingucne balu gagaingka bikicine yogo hegiledaing. Inguc aibong honocmeng Mamacnginengti ngengele bikic inguchac hegiledaicte.

Luka 11:4

Nonge ngic yengele bikic hegilegabeleng. Ilec gagi inguchac bikicnonggeng hegilenolenong. Ga lokwesacka mi locnubadamec.’ ”

Luka 13:4

Nga Siloam mac-daledi heliyelu ngic-ngigac 18 feinginang walu wehomacebawec. Ilec ngenge wenuc ngagegaing, yengele bikicte umacti Yerusalem ngic-ngigac sasawa gagaing, yengele ewaligac, me?

Luka 6:37

“Ngenge ngic-ngigac yengele aibaba ngage-wosaec mi aiyeledaing. Inguc aidaingtewa, Wapongti inguchac ngage-wosaec mi aingeledaicte. Ailu ngenge ngic-ngigac ngage-wosaec aiyelelu umacngineng mi mimoctodaing. Inguc aidaingtewa, Wapongti ngenge inguchac wosaecngebalu umacngineng mi mimoctodaicte. Ngenge sowacnengineng hegiledaing, aime ye inguchac ngengele sowacne hegiledaicte.

Salecebaicne 13:38

“Ngic hae-gbafocne yanguc edocngebabe ngagening, Yesu ngagesingkebong Wapongti bikicnginengte ameine hegiledaicte, yowa yogodi ngengela kwesiwec.

Efesas 1:7

Wapongte kwele-madic yogo wakelu fagacte Kristole sacti fuli bacnubalu bikicte muckacni lukecnubalu bikicnonggeng hegilewec.

Efesas 4:32

Ngenge aibaba madicne ainagulu kwele-sowac ngagelu baficnagulu gadaing. Wapongti Kristole ailu bikicngineng hegilewec, ingucnehac ngenge ngengileng sowacnengineng hegiledabiyeng.

Kolosi 3:13

Ailu ngenge wiyac ailu mi kpatalacnagudaing. Ailu monicti yowa kwekwe aigacka, ngenge yogo hegiledabiyeng. Sugucnedi ngengele bikic yogo biyachac hegilengelewec, silicine ingucnehac ainagudaing.