Mareko 15:21 - Wapongte Mic-Yowa Gbolicne

²¹ Aime Sairini taonkacni ngic monic wacine Saimon, ye Aleksanda nga Rufus yekele mamacnginec, ye nosing-bolewacni yefewa welewec. Weleemewa hudu-baba ngic yengi Yesule malicpong tengkenale dogbac aicnobong tengkeme hikeibong.

Mareko 15:21 Marejeleo ya Msalaba

Mataio 27:32

Bahikelu yefewa ngic monic bafuwaibong, wacine Saimon, ye Sairini taonkacni, yedi Yesule malicpong tengkenale dogbac aicnobong tengkeme hikeibong.

Mataio 5:41

Nga monicti yoinggulu aigeleme mafaine tengkeengka yefe kilomitaine moniyangtesoc yeholec hikenogale edocgudaictewa, ga kilomitaine yaeckangtesoc yeholec hikedamec.

Mareko 15:20

Ailu yenge misulec aicnobong motome, ngakpi dalicne mondo-sasac yogo hemoctocnolu yeicne ngakpiine hatacmac holecnobong haume, malicpongka wenogale balu lobina hikeibong.

Luka 14:27

Ailu monic ye malicpongine tengkelu na mi balaibecnudaicte, ye nale mic-tengteng nalic mi aidaicte.

Luka 23:26

Hegileme hudu-baba ngic yengi Yesu bahikelu nganibong ngic monic Sairini taonkacni, wacine Saimon, ye nosing-bolewacni yefewa welewec. Weleemewa bafuwalu yedi Yesule malicpong tengkenale dogbac aicnobong tengkelu Yesu balaibewec.

Yoane 19:17

Babong Yesu yeuctihac malicpongngine tengkeme himong bulilicine monic, wacine Hodoc-luwe wackeicne, nga Hibru yowawa Goligata, iwa balu hikeibong.

Salecebaicne 11:20

Aime Yesule habu hewacnginang, Saiparus nuckacni nga Sairini himongkacni ngic gaibong, yenge Antiok taonka hikeibong. Hikelu Grik ngic-ngigac yengeholec inguchac mingagec ailu Sugucne Yesule Siduc Madicne mibong yegengkewec.

Salecebaicne 13:1

Yesule habu Antiok gaibong, yengele hewacka Wapongte siduc-mimi ngic nga wewedu momoc yangucti gaibong. Banabas nga Simeon, wacine monic Niger, ailu Lukius, ye Sairini mackacni. Nga Sol ailu Manain. Manain ye Herodeholec momoc galu suguleiboc.

Salecebaicne 2:10

Ailu Frigia himongkacni nga Pamfilia himongkacni ailu Isip himongkacni. Nga Libia himongka Sairini mac haicine monic monic, yogowacni. Ailu Roma taonkacni kwesiicne.

Salecebaicne 6:9

Aime Yuda ngic-ngigac yengele kpakpaduc macngineng monic wacine Yengungtihac Damongnagudaingte wackelu gaibong. Yengelacni ngic gocne yengi fangkelu Stifenkolec yowanginengti fec-wac aiwec. Ngic yogo yenge Sairini nga Aleksandia taonkacni ailu Silisia nga Asia prowins sugucnacni.

Roma 16:13

Ailu Rufus ye Sugucnedi ngic yogo bawosaewec, ailu ye nenggacine momochac, yekela nale wenac-madic lobe fume edocepadabiyeng. Ailu yele nenggacti na nenggac ingucne ainelewec.