Luka 23:33 - Wapongte Mic-Yowa Gbolicne

³³ Hikelu himong monic wacine Hodoc-luwe, iwa Yesu malicpongka weibong. Aime yeholec kindololo ngic yaeckang, monic foleinapec nga monic kanainapec yeholec wecepabong domaiboc.

Luka 23:33 Marejeleo ya Msalaba

Mataio 20:19

Mimoctobong ye Israel yengele alingkacni miyac, yengele molewa lodaingte. Lobong yengi ye yowa kwekwe aicnolu muc-hududi welu malicpongka webong homadaicte. Aime hadeng habackang aiyemewa homackacni hatacmac gboliyelu fangkedaicte.”

Mataio 26:2

“Hadeng yaeckang faemewa Ewalicebaicnele hombang aime, iwahac ngic yenge Ngicte Madec malicpongka wehomanogale mipangkelu saledaingte.”

Luka 24:7

‘Ngicte Madec ye bikic-baba yengele molewa lobong, yengi balu malicpongka webong homadaicte,’ yogo fikenale miwec. ‘Aime hadeng habackang aime, hatacmac gboliyelu fangkedacte.’ ”

Yoane 18:32

Yesu ye esecne yeicne yefe wenuc ailu homanale miwec, yogo sasawa noine ainale aibaba yogo fikewec.

Yoane 3:14

“Mosesdi himong kisiwa misaine mikacka hema moledi baicne bafangkelu kpembengkeme domawec, ngic yenge aibaba silicine ingucnehac Ngicte Madec bafangkebong domadaicte.

Salecebaicne 13:29

Aime Wapongte hibiwa yowa-siducine kwelengkeicne fagac, yenge yogo sasawa aicnolu malicpongkacni bamoctolu dongesiwa bahikeibong. Bahikelu henebe ngicti baicne iwa felu lobong fawec.

Salecebaicne 2:23

Yele hocne Wapongti biyachac ngageme fawec, yogolec yefe mimoctolu ngengele molewa lowec. Ngengi sanangnehac milu wackelu, ngic Wapongte yefe-yowa mi ngagegaing, yengele molewa lolu edocebabong yengi ye malicpongka webong homawec.

Salecebaicne 5:30

Ngengi Yesu molenginengti malicpongka welu wehomabong ngambofocnonggeng yengele Wapongti ye homackacni bagboliyeme fangkewec.

Galata 3:13

Nonge yefe-yowa sasawa mi balaibelu Wapongte aalicte bagewa gabeng Yesudi amenonggeng balu fuli bacnubawec. Ailu yowa yanguc kwelengkeicne fagac, “Ngic-ngigac sasawa yocka gbedicebabong domacaigaing, yenge Wapongte aalicte bagewa gagaing.” (Yef 21:23) Kristodi malicpongka Wapongte aalicte bagewa gawecte yefe-yowale umackacni bacnubawec.

1 Pita 2:24

Ye yeicne socinedi nongileng bikic atickelu malicpongka domawec. Domame nongileng bikickacni homalu yefe dondonne balaibenangte inguc aiwec. Aime ye weibong, doic yogodi ngengele kwelele huc-doic yogo bamadickenale baficngebawec.