Galata 3:26 - Wapongte Mic-Yowa Gbolicne

²⁶ Ngenge sasawadi ngage-ngagesingka Kristo Yesuholec wetackelu Wapongte adu-madecfocine aigaing.

Galata 3:26 Marejeleo ya Msalaba

Yoane 1:7

Yedi Angoc yogolec mime yegengkeme, Angoc yogodi ngic-ngigac bacebame angoleningte kwesiwec. Ye kwesilu ngic-ngigac sasawadi Angoc yogo ngagesingkeningte miwec.

Yoane 20:17

Aime Yesudi yanguc edowec, “Mamacnela biyac mi fegabacka, ga mi bacnunong. Ga hikelu gbafocne yanguc edocebanong, ‘Nale Mamac nga ngengele Mamac, ye nale Wapong nga ngengele Wapong, yela hocne fedacte.’ ”

Roma 8:1

Aime yanguctihac ngic-ngigac Kristo Yesuholec wetackelu gagaing, yenge bikicte ameine mi badaingte.

Roma 8:19

Wapongti mime wiyac sasawa fikeyackeibong, yogo Wapongte adu-madecfocine nongileng yeuctihac mime yegengkenangte wiyac yogo yenge sasawadi mamang hidulu wangec gagaing.

2 Korin 1:1

Na Pol, Wapongti bawosaecnume Kristo Yesule salecebaicne aigabac. Na nga ngic hae-gbanonggeng Timoti, noki hibi yago Wapongte habu Korin taonka gagabiyeng, ailu Wapongte bingec sasawa Akaia prowinswa gagaing, ngengela logabelec.

2 Korin 6:18

“Ailu na ngengele Mamacngineng aibe, ngengi nale adu-madecfocne aidaingte, Sugucne Tapilitowa Fileinedi inguc migac.” (2Sm 7:14)

Galata 3:28

Yogo Yuda ngic-ngigac me Grik ngic-ngigac, me kwelec kwekwe me damongngine, me ngic me ngigac, ngenge aling monic-monic mi aigaing. Ngenge sasawadi Kristo Yesuholec wetackelu aling moniyang aigaing.

Galata 4:14

Ailu socne huckolecte ailu ngenge umac ngeleiba. Aime ngenge mi ngage-sowalenelelu hegilecnuibong, miyac. Ngenge Wapongte angelo monic, me Kristo Yesudi kwesime damongkedabongtesoc na ekongnulu damongnuibong.

Galata 5:24

Aime Kristo Yesule ngic-ngigac yenge socnginengte gaga yogolec kwele fangke-fangke nga angac-heloc, yogo biyachac malicpongka webong homawec.

Galata 5:6

Nongileng Kristo Yesuholec wetackelu gadabelengte, ibac soc tofangineng helockeicne me mi helockeicne, yogolec ngagebeng wiyac feicne mi aidaicte. Ngage-ngagesingnonggeng balaibelu kwele-angacka ago aiyelelu balu gadabelengte, yogodi sugu feicne aigac.

Efesas 1:1

Na Pol, Wapongti bawosaecnume Kristo Yesule salecebaicne aigabac. Ngic-ngigac Wapongte bingec Efesas taonka Kristo Yesu ngagesingkecaigaing, ngengele hibi yago longelegabac.

Efesas 1:5

Ailu yeicne adu-madecfocine bacnubanale ye angacine nga ngage-ngageine balaibelu Yesu Kristole ailu esecnehac ngage-motocnubawec.

Efesas 5:1

Ilec ailu Wapongti adu-madecfocine ngengele ailu kweleinedi angac ngagegac. Ilec ngenge ye ingucnehac ailu yele aibaba balaibelu gadabiyeng.

Filipai 1:1

Na Kristo Yesule kwelec kwekwe ngic Pol, na nga Timoti, noki ngengele hibi yago logabelec. Ngic-ngigac Wapongte bingec Filipai taonka Kristo Yesuholec wetackelu gacaigaing, gocne yengele damongfocngineng, nga gocne yengele mole-baficfocngineng, sasawa ngengela hibi yago logabelec.

Filipai 1:8

Wapongti yogo foinac widecnume yowa yanguc migabac, Kristo Yesule kwele-sowacti molickeme ngengeholec ganogale angacnugac.

Filipai 2:15

Inguc aidaingtewa, yanguc edalidaingte, Wapongte adu-madec gagaing, ngenge sowacnengineng mikac galu gbagbacne nga dondonne domadabiyeng. Ngenge, ngic-ngigac sowacnebenang nga yefe lilolu gagaing, yengele hewacnginang domalu Wapongte yowa gagaineholec bagalu angoc ingucne himongtowa yagowa kwebong angoledaicte.

Kolosi 1:4

I yangucte, ye wiyac honocmengka lome wangecngineng fagac, yogo lobewa banogale ngagesilu gacaigaing. Ilec ailu ngenge Kristo Yesuholec wetackelu ye ngagesingkelu gagaing. Ailu Wapongte bingec sasawa yenge kweledi angac ngageyelecaigaing, ngic yengi yogo biyachac edocnupabong ngageibec. Aime yowa noine, yogo Siduc Madicne, yogo ngengela biyachac kwesime ngageibong. Yowa yogo kwelina wiyac honocmengka wangecngineng fagac, yogo ngageibong.

Kolosi 2:6

Ilec ailu ngenge Kristo Yesu babong Sugucnengineng aime kwelenginang lolu angacngebawec, yogolec silicka ngenge ye balaibelu gadabiyeng.

Filemon 1:1

Na Poldi Kristo Yesule siduc mibe yegengkeme muc-macka locnubong ngiyegabac. Ailu ngic hae-gbanonggeng Timoti, noki hibi yago lobec Filemon gala fugac. Ga bole moniyangnonggec aime kwelenonggecti gale angac ngagelu gagabelec.

Filemon 1:9

Aime sifu kweledi angac ngagegelelu aibaba madicna domalu yowa ulucnedi sanangne milocgudacte. Aime na Pol, ngic dandangngine yanguctihac Kristo Yesule ailu muc-macka gagabac.

Miyegengkeicne 21:7

Monicti hudu welu gbelong aidaicte, ye wiyac sasawa yago mole-damoc bame, nani yele Wapong aibe yedi madecne aidaicte.