Tayitùs 2:3 - Meta’

³ Əndəŋ əndəŋ, bə ghà əmbɨ məyi mbe nɨ fə kaanɨ ni mbɨ chub ɨzeŋɨ zeŋɨ. Tɨ mbɨ chəkɨ ə tɨkum bə̂d kɨ̀ bè ben ə̀bòʼò əmbɨ mɨnoʼ. Mbɨ berɨ yeʼ məyi nɨə chwi ɨnû chɔ̀m,

Ikan feg

³ Àghò bə ghà abə mə̀yi kyen gha mbe ya ghìyə̀ inug ne chwìye ìzḛzḛ. Imbə̀ʼ mbi ya chàpà awɔb tikum bəd. Imbə̀ʼ mbi naʼa awɔb ìwɔb nyɔd abə mənoʼ. Mbi ya chwìte yaʼ inug chɔm abə bəd.

Tayitùs 2:3 Marejeleo ya Msalaba

Rm 1:29

Tɨkwɨrɨ ɨzɨg jìm, tɨkwɨrɨ ɨnû rɨbɔ̀ŋ jìm, tɨkwɨrɨ ɨchî jìm nɨ feenɨ ɨghɨ bə̀ fɔrɨ tɨkwɨrɨ ɨbə jìm fə swi ɨŋga fîŋ tɨ mɨ̀mə̌d. Ənû nɨ ghɨ ə̀dìì, ənû nɨ zwiirɨ bə̂d, ənû nɨ chɔb, ənû nɨ tambɨ bə̂d fɔrɨ ənû nɨ taŋ mɨnaŋ fə bə̀ swi ɨŋga fîŋ tɨ mɨ̀mə̌d. Ɨ mbɨə ghɨ̀ mɨniə,

Rm 16:2

Mbə̀ nɨŋ əməd ənɨ ɨkum Ə̀nùŋɨ̀sɨg ɨchî nɨ zɨə kuʼ ni mbɨ nɨŋ bə̂d Ŋwiə̀. Mbə̀ bə̀ wèèrɨ̀ əməd mbɨ əghɨ ə mɔʼɔ ze nɨ wɨ̀ biirɨ ɨ nən, ɨmbə̀ʼ ɨghəm nɨ məd ziə fə wèèrɨ̀ bə̂d mɨ̀nɔnɔʼ, bə̀ wèèrɨ̀ əmɨ.

Efesùs 5:3

Tɨ mbə̀ tɔ ghambɨ ə ɨmbə̀ʼ ənû nɨ ni məyi kɨ̀ mbaŋə̀ əbəŋ əbəŋ, ənû nɨ ghɨ ɨnyɔɔnɨ-ɨnû kɨ̀ ənû nɨ feenɨ ɨghɨ, ɨmbə̀ʼ ɨghəm nɨ chəi bə̂d Ŋwiə̀ berɨ ghɨ̀ tɨkwɨrɨ ɨnû tɔ̂.

1 Timotì 3:11

Əndəŋ əndəŋ, məyi mɨ̀mə̌d berɨ yeʼ mbe nɨ bə̂d ə bə̀ wumnɨ mɨ̀mə̌d. Tɨ mbɨ yeʼ məyi nɨə chəkɨ rɨkum bə̂d. Mbɨ berɨ yeʼ ɨbɔtɨ məyi bə̀ yeʼ məyi nɨ bə̂d nuŋ tə fîŋ ɨgwɨ mɨ̀mə̌d ənɨ ɨnû jìm.

1 Timotì 3:8

Bə̂d mbe nɨə weerɨ ɨŋga ɨfetɨ bə̂d Kristo berɨ bɨ yeʼ bə̂d nɨ bə̂d cherə ə wumnɨ ə. Mbɨ berɨ yeʼ bə̂d nɨ təm ɨgun rəsìʼ. Tɨ mbɨ yeʼ ə bə̂d nɨə ghàm ɨŋgam be be. Tɨ mbɨ yeʼ ə bə̂d nɨə zɨ ətu ənɨ mɨnoʼ. Tɨ mbɨ yeʼ ə bə̂d mbe nɨə ghɨ̀ ədɔʼ ənɨ ɨkab.

1 Timotì 5:23

Tɨrə̀ bə̀ nɔ e àmei mɨnib. Bə nɔ ɨkə mɨnoʼ ɨmbə̀ʼ əwɔn ze nɨə nàʼə̀ ŋgəʼ ɨŋga fe ɨbum fɔrɨ ɨmbə̀ʼ ɨwɔn cherə mbe nɨə sàʼə̀ nàʼə̀ ŋgəʼ ɨ ne.

Tayitùs 1:7

Ətu ɨgwɨ ɨfetɨ bə̂d Kristo yɨə wə̀d nɨə nəŋgɨ ə̀fàʼì ə Ŋwiə̀. Wɨ̀ berɨ yeʼ wə̀d nɨ chəi ɨgu ənû ɨgwɨ məd. Tɨ wɨ̀ yeʼi wə̀d nɨə seenɨə, kɨ̀ wə̀d nɨə kɨə sə ɨtəm, kɨ̀ wə̀d nɨə nɔə beə, kɨ̀ wə̀d nɨə zɔ̀ŋə̀, kɨ̀ wə̀d nɨə ghɨ̀ ədɔʼ ənɨ ɨkab.

Tayitùs 2:4

ɨmbə̀ʼ dandɨ məyi bɔd ni mbɨ ghaʼ mbə mɨnom bə̀ ghaʼ mbə bɔn,

Mə̀Hibrù 5:12

Tɨ̀nîn njɨ mbə mbɨə sɨə chwi ɨnû, àyɨə mbə mbɨə wɨrɨə kə̀bə̀ ni wə̀d mɔʼɔ yi chwi ɨnû rɨtu mbe nɨ mbə̀ nyaʼa be kwembɨ ɨmbə̀ʼ ɨŋgam Ŋwiə̀. Mbə kɨrɨ kə̀b yeʼ ɨbən, kaʼi ɨghɨjɨg nɨ kaanɨ.

Ɨnû 2:20

Àyɨə mə berɨ ənû ə mɔʼɔ ɨmbə̀ʼ əwe. Ənû ze yɨ ni, chəi à təmnɨ əyi we nɨ mbɨə tɔŋ ənɨ ə Jesebèl. Ɨ wɨə ghàə̀ ni tə yɨə wə̀d ɨ̀kə̀n əyi. Ɨ wɨə chwi ɨnû ɨmbə̀ʼ febrɨ mbɨ bə̂d ə̀fàʼì ni mbɨ ghɨ ɨfabrɨ-ɨnû fɔrɨ ni mbɨ jɨg tɨjɨg te nɨ mbɨ naʼ ənɨ əghɨ ə̀fà əmbɨ mbɨ̀anèŋ.