Rm 9:30 - Meta’

³⁰ Tɨ̀ kɨə wo gha ni yè? Tɨ̀ bɨrɨ gha ni bə̂d mbe nɨ kaʼi mɨ̀Jû, nɨ chəi mbɨ nyaʼə kə̀b ənû nɨ təm kùʼnɨ̀, fə təm kùʼnɨ̀ ənjìm ɨbenɨ.

Ikan feg

³⁰ Tì kə ywìrè gha? Bəd ne kayi mə̀Ju ne chəyi tì mbi ya təm kòʼ imbìghè abə Ŋwiye, mbɔb mbo̰ fə təmi kòʼ imbìghè abə Ŋwiye anjìm ìwɔb ibḛfiŋ.

Rm 9:30 Marejeleo ya Msalaba

Rm 10:10

À yɨ ɨmbə̀ʼ ɨchî nɨ wə̀d benɨ nɨ ghɨ̀ ni wɨ̀ təm kùʼnɨ̀. À yɨə bə̀ ɨmbə̀ʼ ɨchî nɨ wə̀d ə ghàm ənɨ i ɨchû nɨ ghɨ̀ ni wɨ̀ jwɨ rəŋgəʼ.

Rm 10:20

Aizayà nyaʼa berɨ fîŋ nɨ kǎ ɨchî nɨ wɨ̀ nyaʼa gha ni, “Bə̂d mbe nɨ chəi mbɨ nyaʼə kəb əmɨ fə zə əmɨ. Mə fə chwi mɨ ɨnyod əmbɨ ə bə̂d mbe nɨ chəi mbɨ nyaʼə biirɨ əmɨ.”

Rm 10:6

Àyɨə ənû nɨ təm kùʼnɨ̀ ɨchî nɨ wə̀d nuŋ fîŋ ɨgun ə Kristo ə ghà ni, “Tɨrə̀ ghà e ɨŋga e fîŋ ni, 'À kɨə we nɨ bɨrɨ wo nyɨ ɨkaŋ ə?'” (Əne yɨ ɨmbə̀ʼ swi ə Kristo ə si).

Rm 3:5

Mba ɨnû rɨbɔ̀ŋ mɨ yeʼə chwiə ni Ŋwìə̀ wɨə ghɨ̀ ɨnû nɨ kuʼnɨ, njɨ tɨ̀ kɨə wò ghà ni ye ə? Ni chəi Ŋwìə̀ ə ghɨ̀ ɨnû nɨ kuʼnɨ əwù ze nɨ wɨ̀ sə ɨtəm chə əwa ə? (Mə wɨə ghàm ɨchî nɨ bə̂d mɨ̀sɔŋɨchù ə ghàmə̀.)

Rm 4:11

Abràham nyaʼa nɨŋ ənû nɨ mbɨ nyaʼa ne əməd ɨghabɨ ənweenɨ ni wɨ̀ nyaʼa fə bè təm kùʼnɨ̀. Wɨ̀ nyaʼa ghɨ̀ əne ənjìm ɨchî nɨ wɨ̀ nyaʼa benɨ nɨ chəi mbɨ nyaʼa kɨrɨ ne əməd. À yɨ əton nɨ Abràham yɨə mbǎʼ kyeŋ əmbɨ ə bə̂d mbe nɨ nuŋ fîŋ ɨgun ə Ŋwiə̀ àyɨə chəi mbɨ kɨrɨ ne mɨ̀mə̌d. Ŋwìə̀ fə ghɨ̀ ni mbɨ təm kùʼnɨ̀ ənjìm ɨbenɨ.

Rm 4:13

Chəi ənû ze nɨ Ŋwìə̀ nyaʼa kàʼi əmbɨ Abràham fɔrɨ əmbɨ ə bə̂d tɨ ənɨ əghaŋ əməd ni mbɨ bɨrɨ nɨ jɨg ɨsɨg nyaʼa yeʼe ənjìm rɨkə. Zɨə nyaʼa yeʼe ənjìm ɨbenɨ we nɨ nyaʼa ghɨ ni wɨ̀ təm kùʼnɨ̀.

Rm 4:22

À yɨ ɨmbə̀ʼ ɨbenɨ məd nɨ, “Ŋwìə̀ nyaʼa ben ni məd ə təm kùʼnɨ̀.”

Rm 4:9

Ŋwìə̀ wa nyaʼa zɨ əbɔrəbɔd zɔ̂ àmei ɨgun ə bə̂d mbe nɨ mbɨ nyaʼa ne mɨ̀mə̌d, kɨ̀ wɨ̀ wa nyaʼa bə̀ zɨ̀ fɔrɨ ɨgun mbe nɨ chəi mbɨ nyaʼa ne mɨ̀mə̌d ə? Tɨ̀ wɨə ghàə̀ ni, Ŋwìə̀ nyaʼa ben ni Abràham nyaʼa təm kùʼnɨ̀ ɨmbə̀ʼ ɨbenɨ məd.

Rm 5:1

Ɨchî nɨ Ŋwìə̀ ben ni tɨ̀ fə təm kùʼnɨ̀ ənjìm a ɨbenɨ, əne tɨ̀ wɨ ənɨ əbɔrəbɔd mbɨ ə Ŋwiə̀ ənjìm a Ə̀nùŋɨ̀sɨg Yeso Kristo.

Rm 9:14

Əne tɨ̀ kɨə wo gha ni yè ə? Ni Ŋwìə̀ wɨə ghɨ̀ ɨnû nɨ chəi mbɨ kùʼnɨ̀ ə? Chə̂!

Rm 9:31

Àyɨə chəi mɨ̀Izre nɨ nyaʼə kə̀bə̀ ni mbə̀ təm kùʼnɨ̀ ənjìm rɨkə nyaʼa təm kùʼnɨ̀, ɨmbə̀ʼ ɨghəm nɨ chəi mbɨ nyaʼə nùŋə̀ rɨkə te.

Gàlesìyà 2:16

Ənû nɨ tɨ̀ kyerɨ yɨ ni chəi wə̀d təm kùʼnɨ̀ ɨfě Ŋwiə̀ ɨchî nɨ wɨə nùŋə̀ tɨkə rɨ Mose. Wɨ̀ təm kùʼnɨ̀ àmei ɨchî nɨ wɨ̀ nuŋ fîŋ ɨgun ə Yeso Kristo. Mba bə̂ fə nuŋ fîŋ ɨgun ə Kristo Yeso, əne tɨ̀ fə təm kùʼnɨ̀ ənjìm ɨchî nɨ tɨ̀ nuŋ fîŋ ɨgun ə Kristo, kaʼi ɨmbə̀ʼ ɨchî nɨ tɨ̀ nuŋ tɨkə rɨ Mose. Chəi wə̀d bɨrɨ təm kùʼnɨ̀ ɨchî nɨ wɨə nùŋə̀ rɨkə.

Gàlesìyà 3:24

Tɨkə tɨə nyaʼə tùmbɨ̀ əwa pè ənɨ Kristo nyaʼa yeʼe. Əne Kristo nyaʼa yeʼe ɨmbə̀ʼ tɨ̀ təm kùʼnɨ̀ ɨfě Ŋwiə̀ ənjìm ɨchî nɨ tɨ̀ nuŋ fîŋ ɨgwɨ məd.

Gàlesìyà 3:8

Ə̀ŋwàʼnɨ̀ ə Ŋwìə̀ ə nyaʼa fə ghà rɨmbì ni Ŋwìə̀ bɨrɨ ghɨ ni bə̂d mbe nɨ kaʼi mɨ̀Jû təm kùʼnɨ̀ ənjìm ɨchî nɨ mbɨ nuŋ fîŋ ɨgwɨ məd. Əne wɨ̀ nyaʼa fə bè ghà ɨkə̂n chɔ̀m əmbɨ ə Abràham ni, “Mə bɨrɨ che ənɨ e njìm zɨ̀ əbɔrəbɔd ɨgwɨ ɨbeŋ jìm.”

Gàlesìyà 5:5

Tɨ̀ wɨə kàŋə̀ wòmə̀ nɨ Ŋwìə̀ ghɨ tɨ̀ təm kùʼnɨ̀ ənjìm ɨchî nɨ tɨ̀ nuŋ fîŋ ɨgwɨ məd. Ɨ wɨə ghɨ̀ əne ənjìm Əzwî əməd.

Efesùs 2:12

À nyaʼa ənɨ ə nyùmə̀ we, chəi mbə̀ nyaʼa ənɨ ənû ə mɔʼ mbɨ Kristo, chəi mbə̀ nyaʼa əbɔʼ ɨnəbɨ mɨ̀Izre we nɨ Ŋwìə̀ nyaʼa chɔʼɔ, chəi mbə̀ nyaʼa kyerɨ ɨnû mbe nɨ Ŋwìə̀ nyaʼa san tɨso kàʼ əmbɨ mɨ̀mə̌d. Mbə mbɨə nyaʼa ɨŋga ɨsɨg, àyɨə chəi mbə̀ nyaʼa nuŋ rɨkɔndɨ ɨgwɨ ɨghɨ mbe nɨ mbɨ nyaʼə wòmə̀, chəi mbə̀ nyaʼa be kyerɨ ə Ŋwiə̀.

Fìlipì 3:9

əne fɔtɨ sɨ ənû ə mɔʼ mbɨ məd. Chəi mə̀ təm kùʼnɨ̀ ɨmbə̀ʼ ɨghəm nɨ mɨə ghɨ̀ ɨnû mbe nɨ yeʼ ɨŋga rɨkə. Mə təm kuʼnɨ ənjìm ɨchî nɨ mə̀ nuŋ fîŋ ɨgun ə Kristo. Ŋwìə̀ fə ghɨ̀ ni mə təm kùʼnɨ̀ ənjìm ɨchî nɨ mə̀ nuŋ fîŋ ɨgun ə Kristo.

1 Timotì 6:11

À yeʼ ɨmbə̀ʼ əwe, àwɔ̀ wə̀d Ŋwìə̀, fə ton ɨnû mbɔ̂ jìm. Ghɨ yeʼ ənû mbe nɨ kuʼnɨ bə̀ ghɨ̀ yeʼ mbe nɨ Ŋwìə̀ kəbɨ. Nuŋ fîŋ ɨgun ə Kristo, ghaʼ bə̂d, chi ɨnû bə̀ berɨ ɨbɔtɨ fîŋ.

Mə̀Hibrù 11:7

À yɨ ɨbenɨ nyaʼa ghɨ̌ ni Noà zuunɨ ə Ŋwiə̀, əne tekɨ əbaŋ ɨgyɨ̀ ze nɨ nyaʼa chɨ ɨnəbɨ məd rəŋgəʼ. Wɨ̀ nyaʼa ghɨ̀ əne ənɨ Ŋwìə̀ nyaʼa fə patɨ əməd dè ɨnû mbe nɨ chəi wɨ̀ nyaʼa kɨrɨ zə. À yɨ ɨbenɨ məd nyaʼa ghɨ ni Ŋwìə̀ zɨ ɨsaʼi ɨgwɨ ɨsɨg. Əne Ŋwìə̀ nyaʼa nɨŋ ni məd wɨə ghɨ̀ ɨnû nɨ kuʼnɨ ənjìm ɨbenɨ.

1 Pità 4:3

Nyùmə̀ we nɨ mbə kɨə kə̀ʼə̀ ghɨ̀ ɨnû mbe nɨ bə̂d mbe nɨ kaʼi mɨ̀Jû ghaʼ nɨ ghɨ̀ fə chè i. Mbə mbɨə nyaʼə ghɨ̀ ɨnyamnɨ-ɨnû. Mbə mbɨə nyaʼə feenɨ məyi kɨə mbaŋə̀. Mbə mbɨə nyaʼə nɔə beə. Mbə mbɨə nyaʼə jɨg əchwɨ̂ nɨ bə̂d ə nɔə bùùrɨ̀ə̀. Mbə mbɨə nyaʼə bə̀ wumnɨ mbɨ̀anèŋ nɨ chəi tɨkə rɨ Ŋwiə̀ ben ni mbə̀ ghɨ əne.