Rm 9:16 - Meta’

¹⁶ Əne yɨ ni, ka Ŋwìə̀ wɨə dììrɨ̀ i bə̂d ɨchî nɨ bə̂d mɨ̀sɔŋɨchù kəbɨ, kɨ ɨmbə̀ʼ ɨnû mɔʼɔ mbe nɨ mbɨə ghɨ̀ə̀. Ŋwìə̀ wɨə dììrɨ̀ə̀ bə̂d ɨchî nɨ wɨ̀ ghaʼi.

Ikan feg

¹⁶ Chəyi Ŋwiye we nḛ̀ igun inug ne bəd mbe ghìyə̀ kə̀ nḛ̀ igun inug ne bəd mbe kə̀bə̀. Məd ya bèrè àsɔ̀mnəfiŋ yaʼ igun wə̀d ne wì kə̀bi.

Rm 9:16 Marejeleo ya Msalaba

Matìyò 11:27

“Mɨ Mbǎʼ fə nàʼ ɨghɨjìm ɨ num. Chəi wə̀d mɔʼɔ əŋgu nɨ jeŋgɨ kyerɨ Wan chè rɨ ənɨ Mbǎʼ. Chə bəi wə̀d mɔʼɔ əŋgu nɨ bə jeŋgɨ kyerɨ Mbǎʼ chè rɨ ənɨ Wan fɔrɨ wə̀d mɔʼɔ we nɨ Wan də̀b nɨ chwi əməd ɨ bɔ.

Matìyò 4:8

Debɨ̀rə̀ we nyaʼa wɨrɨ yì nɨŋ əməd mbɨ kɔʼ wò ɨkaŋ ɨwum se mɔʼɔ. Wɨ̀ nyaʼa pè chwi ɨbeŋ jìm mbe rɨ ɨŋga ɨsɨg ɨ bɔ bə̀ chwi mbɔ̂n jìm ze nɨ yeʼ ɨŋga ɨbeŋ mbe.

Lk 10:21

À nyaʼa ənɨ ə nyùmə̀ we, Əzwî ə Zeŋɨ ə nyaʼa ghɨ̀ ɨghaʼi swi ɨŋga fîŋ Yeso. Əne wɨ̀ nyaʼa ghà ni, “Mɨ Mbǎʼ, Ə̀nùŋɨ̀sɨg rɨkaŋ fɔrɨ ɨgwɨ ə si, məben-əwe ni à fə nə̀m ɨnû mbɔ̂ rɨ əmbɨ ə bə̂d ɨwe bə̀ fɔrɨ rɨ əmbɨ məkyerɨ ɨnû, sɨ chwiə yeʼ əmbɨ ə bɔn bɔd. Ee, kyɨ mɨ Mbǎʼ, à yɨ ɨchî nɨ à kəbɨ we.

Jn 3:8

Ɨfə wɨə chèə̀ wò əbà ze nɨ wɨ̀ kəbɨ, əne àwɔ̀ wɨə zu ɨchî nɨ wɨə kùmə̀, àyɨə chəi à kyerɨ əsɨ ze nɨ wɨə yeʼe rəŋgu kɨ̀ əsɨ ze nɨ wɨə wò əŋgu. À yɨ ɨchî nɨ zɨə yeʼ mbɨ wə̀d we nɨ Əzwî ə Ŋwiə̀ ə yeʼ ɨŋga məd.”

Rm 9:11

Àyɨə bɔŋ Rèbekà nyaʼa sɨə gywɨ mɨ̀mə̌d, kɨ̀ bɔŋ bɔn mbe nyaʼa sɨə ghɨ̀ ənû ə chɔ̀m kɨ̀ ənû rɨbɔ̀ŋ, (əne yɨ ɨmbə̀ʼ ənû ze nɨ Ŋwìə̀ ə chɔʼɔ mbi bə̂d ə wo ɨmbì

Gàlesìyà 2:2

Mə nyaʼa wò ɨmbə̀ʼ ɨghəm nɨ à yɨə Ŋwìə̀ nyaʼa chwi ɨ num ni mə̀ wo əŋgu. Mə nyaʼa wò pè tòʼrɨ̀ ɨkə̂n chɔ̀m we nɨ mə nyaʼə ghà əmbɨ ə bə̂d mbe nɨ kaʼi mɨ̀Jû. Mə nyaʼa tòʼrɨ̀ àmei əmbɨ ə bə̂d mbe nɨ nyaʼə chà ɨfetɨ we rɨ ə Jèrusalèm. Mə nyaʼa ghɨ̀ əne ɨmbə̀ʼ tɨ ə̀fàʼì ze nɨ mɨə fàʼə̀ kɨ̀ əze nɨ mə nyaʼa fə faʼi, ə che ətu ə̀kǒ.

Efesùs 2:8

Ɨchî nɨ mbə̀ benɨ, Ŋwìə̀ fə ghɨ̀ ɨ̀chɔ̀m ənɨ nən chɨ̀ əwən rəŋgəʼ. Kaʼi mbə̀nə ghɨ ənû zɔ̂. À yɨ ɨneʼe nɨ nɔʼ rɨ əmbɨ ə Ŋwiə̀.

Fìlipì 2:13

Mbə̀ kyerɨ ni Ŋwìə̀ wɨə fàʼ ɨŋga nən ɨ ghɨ ni mbə̀ ghɨ ɨnû chɔ̀m mbe nɨ wɨ̀ kəbɨ, mbɨ ni mbə̀ ghaʼ nɨ ghɨ ɨnû mbe.

Jems 1:18

À yɨə məd ziə, ənɨ i ɨghəm, nyaʼa ghaʼ nɨ nɨŋ əwa ənɨ mbi bɔn ənjìm ɨŋgam məd we nɨ yeʼ wɨ rəsìʼ. Wɨ̀ nyaʼa nɨŋ əwa ɨmbə̀ʼ tɨ̀ berɨ tɨmbin rɨtu rəbɔʼ ɨghɨ mbe nɨ wɨ̀ nyaʼa tekɨ.