Rm 8:19 - Meta’

¹⁹ Ɨghɨjìm mbe nɨ Ŋwìə̀ tekɨ mbɨə kàŋə̀ wòmə̀ ni wɨ̀ chwi bɔn mbe nɨ yeʼ mbɨ məd,

Ikan feg

¹⁹ Ighi ijìm mbe ne Ŋwiye tàngi mbe nyìʼè ghɔ̀mɔ̀ gha Ŋwiye ghiyə mbe kyèri bəd mbe ne ya kwàʼ bɔn məd.

Rm 8:19 Marejeleo ya Msalaba

Matìyò 5:9

Ŋwìə̀ zɨ əbɔrəbɔd ɨgun ə bə̂d mbe nɨə ghɨ̀ ni bə̂d chub ənɨ əbɔrəbɔd, ɨmbə̀ʼ ɨghəm nɨ wɨ̀ bɨrɨ tɔŋ mɨ̀mə̌d ənɨ mbi bɔn.

Jn 1:12

Àyɨə mbɨ mɔʼɔ nyaʼa nɨŋ əməd bə̀ ben ɨnû mbe nɨ wɨ̀ nyaʼə ghàə̀, əne wɨ̀ nyaʼa nàʼ ɨka əmbɨ mɨ̀mə̌d mɨjìm ni mbɨ yeʼ bɔn Ŋwiə̀.

Ɨ̀fàʼì 3:21

Yeso berɨ chub ɨkaŋ pè ənɨ Ŋwìə̀ tekɨ ɨnû jìm mbɨ kuʼ ɨchî nɨ wɨ̀ nyaʼa fə ghɨ̌ bə̂d ɨ̀kə̀n zeŋɨ ghà rəŋwe.

Rm 8:14

Bə̂d mɨjìm mbe nɨ Əzwî ə Ŋwiə̀ ə tùmbɨ̀ə̀ yɨə bɔn Ŋwiə̀.

Rm 8:16

Əzwî ziə fə fɔtɨ mbɨ mba ɨzwî ghà ni tɨ̀ yɨə bɔn Ŋwiə̀.

Rm 8:18

Mə kyerɨ ni chəi ŋgəʼ ze nɨ tɨə zəə rɨ̀nîn kùʼ ənɨ ɨzeŋɨ zeŋɨ we nɨ Ŋwìə̀ bɨrɨ chwi ɨ na.

Rm 8:23

Ka àmei ɨghɨ mbe nɨ Ŋwìə̀ nyaʼa tekɨ mbe ə chwèmə̀. Mba bə nɨ Əzwî ə Ŋwiə̀ ə yeʼ ɨŋga na, nɨ Əzwî ze ə yeʼ ɨneʼe rɨtu we nɨ Ŋwìə̀ naʼ ɨ na, wɨə bə̀ chwèm ɨŋga ta fîŋ ɨchî nɨ tɨə wòmə̀ ni Ŋwìə̀ nɨŋ əwa ənɨ mbi bɔn, ɨmbə̀ʼ choʼ ta nyamnyod tɨ ənɨ ŋgəʼ jìm.

Rm 9:26

Ɨŋga əsɨ ze nɨ mbɨ nyaʼa gha əmbɨ mɨ̀mə̌d ni, 'Ka mbə yɨ ə mbɨ bə̂d,' mbɨ bɨrɨ tɔŋ mɨ̀mə̌d ənɨ ə 'Bɔn Ŋwiə̀ we nɨ yeʼ ɨkǎ.'”

1 Kɔrèn 1:7

Əne chəi mbə̀ kwaŋ ɨneʼe mɔʼɔ we nɨ Əzwî ə nàʼ ɨchî nɨ mbə̀ə wòm ənɨ tə fîŋ rɨjìm ni a Ə̀nùŋɨ̀sɨg Yeso Kristo wɨrɨ yeʼe.

1 Kɔrèn 1:8

Məd bɨrɨ ghɨ ni mbə̀ təm kàànɨ̀ wò pè ənɨ ɨnwǐ, ɨmbə̀ʼ tɨ wɨ̀ zə i ənû rɨbɔ̀ŋ ə mɔʼɔ ɨgwɨ nən əni ze nɨ a Ə̀nùŋɨ̀sɨg Yeso Kristo bɨrɨ wɨrɨ yeʼe.

2 Kɔrèn 6:18

Mə bɨrɨ yeʼ Mbǎʼ ɨ nən, əne mbə bɨrɨ yeʼ mbɨ bɔn mbaŋə̀ mbɨ mbɨ bɔn məyi. Əzɔ̂ yɨ ənû nɨ Ə̀nùŋɨ̀sɨg Ŋwìə̀kɔʼ ghǎ.”

Gàlesìyà 3:26

Mbə̀n mɨjìm yɨə bɔn Ŋwiə̀ ənjìm ɨchî nɨ mbə̀ nuŋ fîŋ ɨgun ə Kristo Yeso.

Fìlipì 1:20

Ənû nɨ mə kàŋ kə̀b bə̀ kyerɨ ni zɨə bɨrɨ jwɨ ənɨ ənû nɨ mə̀ fə bə̀ nùŋ mɨ ɨkɔndɨ ɨ wòm yɨ ni chəi mɨ ətu ə bɨrɨ nɔ nìd ɨmbə̀ʼ ənû ze nɨ mɨə ghɨ̀ə̀. Àyɨə ənɨ mɨ̀nyùmə̀ jìm, màànɨ̀ rɨ̀nîn, mə berɨ ɨka fîŋ ɨmbə̀ʼ wumnɨ ə Kristo mbɨ mɨ ɨ̀tènɨ̀ jìm, kɨ̀ à kɨ ənɨ mə̀ yeʼ ɨkǎ kɨ̀ ənɨ mə̀ fə kwɨ,

Kòlosè 3:4

Ənɨ Kristo nɨ yeʼ a ɨ̀tènɨ̀ wɨrɨ jwɨ̀, mbə̀ bɨrɨ bɨ jwɨ mbɨ məd ɨŋga ɨwumnɨ məd.

Mə̀Hibrù 12:27

Ɨŋgam we ni, “Ɨghəm cherə,” ə chwi ni ɨghɨ mbe nɨ mbɨ tekɨ ənɨ ɨbɔ bɨrɨ wùd, ɨmbə̀ʼ mbe nɨ chəi ənɨ tɨ mbɨ ghɨ̀ mbɨ wùd mbɨ tenə.

1 Pità 1:13

Mbə̀ tekɨ tə fîŋ ɨmbə̀ʼ ghɨ ɨnû mbe nɨ Ŋwiə̀ kəbɨ. Mbə̀ yimbɨ ə ɨnyod kwàʼ ɨchî chɔ̀m. Mbə̀ jeŋgɨ nuŋ tə rɨkɔndɨ àmei ɨgun ɨ̀chɔ̀m we nɨ Ŋwìə̀ bɨrɨ ghɨ ənɨ ə nən ənɨ Yeso Kristo wɨrɨ yeʼe.

1 Pità 1:7

Ɨnû mbɔ̂ yɨ nɨ zweʼrɨ əwən ɨ zə ni ə ɨbenɨ ə bə̀ kàŋ kàànɨ̀ ə. Ka àbei ə gôl nɨ tɨ mbɨ chə̀kɨ̀, ɨ mbɨə zweʼrɨ ənɨ mbɨ tɔn ɨŋga ɨsweŋ ɨwid ənam. Əne mbɨ berɨ bɨ zweʼrɨ ə ɨbenɨ we nɨ yeʼ əghɨ əka ɨnun chè ə gôl. Ɨbenɨ we mɨ kàànɨ̀, Ŋwìə̀ ziə bɨrɨ yiirɨ əwən, mbə bə̀ berɨ ɨzeŋɨ zeŋɨ mbɨ ɨwumnɨ ənɨ ə nyùmə̀ we nɨ Yeso Kristo bɨrɨ wɨrɨ yeʼe.

1 Jɔn 3:1

Mbə̀ zə ɨchî nɨ Mbǎʼ ghaʼ əwa chè əbɔ. Əze ə fə ghɨ̀ wɨ̀ tɔŋ əwa ni tɨ̀ yɨ mbi bɔn. Tɨ̀ yɨə kàŋ mbɨwən. Əton nɨ chəi ɨsɨg kyerɨ əwa yɨ ni chəi wɨ̀ nyaʼa be kyerɨ əməd.

1 Jɔn 3:2

Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ̀ yɨə bɔn Ŋwiə̀ tɨ̀nîn. Chəi zɨə kɨrɨ zeŋ ni tɨ̀ kɨə wò yeʼ rɨ ye ənɨ ə Kristo wɨrɨ yeʼe. Ənû nɨ tɨ̀ kyerɨ yɨ ni tɨ̀ bɨrɨ yeʼ ɨghabɨ əməd, ɨmbə̀ʼ ɨghəm nɨ tɨ̀ bɨrɨ zə əməd ɨchî nɨ wɨ̀ yeʼ ə.

Ɨnû 21:7

Wə̀d we nɨ baŋ ɨnû rɨbɔ̀ŋ bɨrɨ jɨg ɨghɨ mbɔ̂ jìm. Mə bɨrɨ yeʼ Ŋwìə̀ məd, məd bə̀ yeʼ mɨ wan.