Rm 8:14 - Meta’

¹⁴ Bə̂d mɨjìm mbe nɨ Əzwî ə Ŋwiə̀ ə tùmbɨ̀ə̀ yɨə bɔn Ŋwiə̀.

Ikan feg

¹⁴ Bəd mbe ne ghìyə̀ inug icheg ne Azwighi Ŋwiye ze nàʼà ika inɔb, mbɔb ya bɔn Ŋwiye.

Rm 8:14 Marejeleo ya Msalaba

Matìyò 5:9

Ŋwìə̀ zɨ əbɔrəbɔd ɨgun ə bə̂d mbe nɨə ghɨ̀ ni bə̂d chub ənɨ əbɔrəbɔd, ɨmbə̀ʼ ɨghəm nɨ wɨ̀ bɨrɨ tɔŋ mɨ̀mə̌d ənɨ mbi bɔn.

Jn 1:12

Àyɨə mbɨ mɔʼɔ nyaʼa nɨŋ əməd bə̀ ben ɨnû mbe nɨ wɨ̀ nyaʼə ghàə̀, əne wɨ̀ nyaʼa nàʼ ɨka əmbɨ mɨ̀mə̌d mɨjìm ni mbɨ yeʼ bɔn Ŋwiə̀.

Rm 8:19

Ɨghɨjìm mbe nɨ Ŋwìə̀ tekɨ mbɨə kàŋə̀ wòmə̀ ni wɨ̀ chwi bɔn mbe nɨ yeʼ mbɨ məd,

Rm 8:5

Bə̂d mbe nɨə chub ɨchî nɨ nyamnyod kəbɨ, mbɨə nùŋ tə fîŋ yeʼ ɨgun ɨghɨ mbe nɨ nyamnyod ə feenɨə. Àyɨə mbe nɨə chub ɨchî nɨ Əzwî ə kəbɨ, mbɨə nùŋ tə fîŋ yeʼ ɨgun ɨghɨ mbe nɨ Əzwî ə nàʼə̀.

Rm 8:9

Àyɨə chəi mbə̀n ə ghɨ̀ ɨnû mbe nɨ nyamnyod ə feenɨə. Mbə mbɨə ghɨ̀ yeʼ mbe nɨ Əzwî ə ghà ɨ nən, əne yɨ əwù ze nɨ Əzwî ə Ŋwiə̀ ə kaŋ yeʼ ɨŋga nən. Ka wə̀d we nɨ chəi Əzwî ə Kristo ɨŋga məd yɨ i wə̀d Kristo.

Rm 9:26

Ɨŋga əsɨ ze nɨ mbɨ nyaʼa gha əmbɨ mɨ̀mə̌d ni, 'Ka mbə yɨ ə mbɨ bə̂d,' mbɨ bɨrɨ tɔŋ mɨ̀mə̌d ənɨ ə 'Bɔn Ŋwiə̀ we nɨ yeʼ ɨkǎ.'”

Rm 9:8

Əzɔ̂ ə chwi ni kaʼi bɔn mɨjìm tɨ ənɨ əghaŋ ə Abràham nɨ yeʼ bɔn Ŋwiə̀. À yɨə bɔn mbe nɨ Ŋwìə̀ kaʼ ənû əmbɨ mɨ̀mə̌d yeʼ bɔn tɨ ənɨ əghaŋ ə Abràham.

2 Kɔrèn 6:18

Mə bɨrɨ yeʼ Mbǎʼ ɨ nən, əne mbə bɨrɨ yeʼ mbɨ bɔn mbaŋə̀ mbɨ mbɨ bɔn məyi. Əzɔ̂ yɨ ənû nɨ Ə̀nùŋɨ̀sɨg Ŋwìə̀kɔʼ ghǎ.”

Gàlesìyà 3:26

Mbə̀n mɨjìm yɨə bɔn Ŋwiə̀ ənjìm ɨchî nɨ mbə̀ nuŋ fîŋ ɨgun ə Kristo Yeso.

Gàlesìyà 4:5

ɨmbə̀ʼ wɨ̀ choʼ ɨtu bə̂d mbe nɨ nyaʼa əton rɨkə. Wɨ̀ nyaʼa ghɨ̀ əne ɨmbə̀ʼ tɨ̀ yeʼ bɔn Ŋwiə̀.

Gàlesìyà 4:6

Ɨchî nɨ mbə̀ yeʼ bɔn, Ŋwìə̀ fə chà Əzwî ə Wan məd ɨŋga ta fîŋ. Əzwî ze ə zɨə kyeŋə ghàə̀ ni, “Mbǎʼ, mɨ Mbǎʼ!”

Gàlesìyà 5:16

Ənû nɨ mɨ ghà yɨ ni: mbə̀ chub ɨchî nɨ Əzwî ə kəbɨ. Tɨ mbə̀ ghɨ ə ɨnû mbe nɨ tə nyamnyod ə feenɨə,

Gàlesìyà 5:18

Àyɨə mbə mɨ yeʼə ghɨ̀ àmei ɨnû mbe nɨ Əzwî ə kəbɨ, njɨ chəi rɨkə wɨrɨ berɨ ɨka ɨgwɨ nən.

Efesùs 1:5

Wɨ̀ nyaʼa fə bè chɔʼ nùŋ ni wɨ̀ bɨrɨ nɨŋ əwa ənɨ mbi bɔn ənjìm ə Yeso Kristo. Wɨ̀ nyaʼa chɔʼ əne ɨchî nɨ wɨ̀ nyaʼa kaŋ ghaʼ bə̀ kəb nɨ ghɨ.

Efesùs 5:9

ɨmbə̀ʼ ɨghəm nɨ ɨzeŋɨ zeŋɨ mɨ yeʼə te ɨgun ə bə̂d, mbɨ bɨrɨ ghɨ ɨnû nɨ bɔŋɨ bə̀ kuʼnɨ bə̀ yeʼ mbɨ rəsìʼ.

1 Jɔn 3:1

Mbə̀ zə ɨchî nɨ Mbǎʼ ghaʼ əwa chè əbɔ. Əze ə fə ghɨ̀ wɨ̀ tɔŋ əwa ni tɨ̀ yɨ mbi bɔn. Tɨ̀ yɨə kàŋ mbɨwən. Əton nɨ chəi ɨsɨg kyerɨ əwa yɨ ni chəi wɨ̀ nyaʼa be kyerɨ əməd.

1 Jɔn 3:24

Bə̂d mɨ̀jìm mbe nɨ nuŋ tɨkə rɨ Ŋwiə̀ mbɨ ənɨ ɨfɔtɨ mbɨ məd. Məd ziə wɨ̀ bə̀ ənɨ ɨfɔtɨ mbɨ mɨ̀mə̌d. Tɨ̀ ə kyerɨ ni məd wɨ ənɨ ənû ə mɔʼ mbɨ na ənjìm Əzwî ze nɨ wɨ̀ naʼ ɨ na.

Ɨnû 21:7

Wə̀d we nɨ baŋ ɨnû rɨbɔ̀ŋ bɨrɨ jɨg ɨghɨ mbɔ̂ jìm. Mə bɨrɨ yeʼ Ŋwìə̀ məd, məd bə̀ yeʼ mɨ wan.